رد: سعر صرف الدولار والذهب مقابل الليرة السورية اليوم الاربعاء 08-01- 2014
 

ما شاء الله عليكي وعليهو شو فتحين
بكرة معناتا رح انزل عالسوق واخد معي ليرة دهب واشتري فيها خس وبقدونس
وبرجعولي فرنكات فضة وقروش برونز
بدي اسالك سؤال بتمنى تجاوبيني عليه بصراحة
ما هو الفرق اذا تم صك الليرة السورية على شكل ليرة ولا على شكل فجلة ولا على اي شكل كان
تبقى القيمة الحقيقية لها انها ذهب
اما بالعودة الى الليرة المعروفة للجميع فقيمتها صارت فرنك مصدي مقابل الذهب والعملات الاخرى
هي المقصد من انو الليرة السورية ماتت قلبا وقالبا
قلبا ما ضل في شي بليرة
وقالبا ما ضل ليرة معدنية موجودة بالسوق
وبرجع بقولكي
يا ايتها النفس المطمئنة ارجعي الى ربك راضية مرضية فادخلي في عبادي وادخلي جنتي
بتمنى تكوني فهمتي عليي

رد: سعر صرف الدولار والذهب مقابل الليرة السورية اليوم الاربعاء 08-01-2014
 

اغلاق دمشق بشكل وسطي
147 ------- 146
مية مية
--------------------
شركات الصرافة 143 ---- 144.5 وعم يعطو وماشاء الله عليهم
والواحد بشوف اي الدولار الاجود وبيشتري

رد: سعر صرف الدولار والذهب مقابل الليرة السورية اليوم الاربعاء 08-01-2014
 

انسة جولييت بدنا منك شي خبر خاص سيرياستوكس قبل الكل يعني مثلا سمعت انو المركزي على حسابات السنة الماضية طلع عندو عجز كبير مشان هيك عم بيلم دولار

رد: سعر صرف الدولار والذهب مقابل الليرة السورية اليوم الاربعاء 08-01-2014
 

حماة اليوم مجازر بسعر الصرف بمعنى الكلمة.. بعد ان استقر السعر لمدة ساعتين على 148 للمبيع و147 للشراء .. حماة الان شراء 149 ....مبيع 150 والخوف قاطع جوف كل شخص عما يبيع ...


حماة الذهب الكسر شراء 5140 ...مبيع 5175


وبتمنى من جميع الاعضاء التماس المعذرة على تقصيري اليومي بوضع المشاركات الفورية ...والله يسامحك يا جوليت خسرتني ترليون مليون ليرة ولهلىء محتفظ بالسوري

رد: سعر صرف الدولار والذهب مقابل الليرة السورية اليوم الاربعاء 08-01-2014
 

الله يعطيك العافية اخي انس انساها لجولييت اسعارها عاطفية شوي بدها تنزل الدولار مع انو ماحدا بيستفيد من نزلتو ابدا غير التجار اللي بيشترو بالرخيص وبيبيعو بالغالي

رد: سعر صرف الدولار والذهب مقابل الليرة السورية اليوم الاربعاء 08-01- 2014
 

بصراحة رح حاول فهمك ياها وحطلي شي مية خط تحت رح حاول (وفشل المحاولة مو شرط انا كون سببو ) :
مفهوم الابداع عندي ....
المبدع الاول والفنان الاول هو يلي صور الصور وكمل تفاصيلا هو علامة الايجاد ومنو نحنا بناخد حقيقة الاقتراب من الصح والابتعاد عن الخطأ
هلأ :
الفن تلت انواع :النوع الأول بحاكي مخيلة الناس وبناجي الروح وبينمو بالأحلام الوردية هادا فينا نسميه الفن الرومانسي والنوع التاني بحاول تجسيد الاحلام وبيختار منا الاجمل هادا فينا الى حد ما نسميه الفن الكلاسيكي (اقتراب الواقع من الحلم ) ..النوع الثالت هو النوع الاخطر والاحلى و....... وفيو بحاول المبدع انو يبحث بالشكل دون غيرو وشو بينقصو من البحث بالشكل بكملو بالرموز والانفلاشات والطفرات المتراكمة للتمميز وفينا نسمي هذا الفن الرائع بالفن الرمزي واليل يلي بيقدر يفهمو
هلأ مرة ثانية :
الرومانسية شو بدنا فيها بنتركها للعشاق
بالنسبة للسياسة في فن الحياكة وفن الصناعة ويلي بيحك ثوبو بيحقلو انو يسأل عن جملالو ولكن يلي بيلبس ثوب مو هو حاكوهو عارض ازياء ليس الا
في مين بحيك ثوب الحياة ,وفي مي بيلبس مايحاك (المصفقين ) , وفي مين بيلهو بأحلامه وبس
------------------------------------------------------------------------------------
اتمنى كون ماقدرت وصلك الفكرة

رد: سعر صرف الدولار والذهب مقابل الليرة السورية اليوم الاربعاء 08-01-2014
 

سؤال خص نص لجوليت
الذهب الي عم يصبوا على شكل ليرة من وين اجا
يعني كل هالذهب منين اجا
انا سمعت اشاعة منين جابو بس ما رح احطها عشان القيل والقال وماني متاكد منها لانها اشاعة
الهدف الاساسي بتحليلي الشخصي من اصدار الليرة الذهبية هو تخفيف الحمل على الدولار
لان اذا الواحد بدو يشتري ليرة ذهب بدو سوري وغالبية العالم معها دولار لذلك سيضطر ان يبيع الدولار لشراء السوري الذي سيشتري به الليرة الذهب
وبالاخر هالدولارات طالما نزلت وصارت بالسوق فبتوصل للمركزي باللم الي عم يلمو
وهيك بيكون المركزي نزل ذهب واخد حقها دولار
بالمحصلة الاجمالية انا خايف من شغلة وهيي انو الدول الاخرى بكرا ما يعترفوا بالليرة الذهبية السورية
وهيك بكون الي ببالي تحقق بس بعد شو بكون ضربها زليط وعشرت (متل شعبي
وعلى قولة الاخ عابر اكتر من هيك ما فيني اوضح لحتى ما اتبهدل باول شبابي

رد: سعر صرف الدولار والذهب مقابل الليرة السورية اليوم الاربعاء 08-01- 2014
 

هلا من كل هالخزعبلات الخرندعية الي كتبتيها فهمت منكي شغلة
بدكي انتي تفصلي ازياء على ذوقك وتلبسيني ياهم وتقنعيني انو حلوين ومتل انا ما طلبت
لا يا ستي انا ما بلبس غير الي براسي
وفي فن اسمو فن الفطرة يعني بالفطرة حبيتك وبالفطرة كرهتك
وبعدين دخيلك شوفيلي تفصيل هالازياء الي انتي عم تفصلي في حدا هون بالمنتدى عجبو ازيائك
من عدد الاعضاء الي بيشكروكي عرفي نوعية تفصيلك للازياء
وكونك بمنصب يخليكي تفصلي لا يدل على فهم بالمطلق ممكن واسطة صرتي مصممة ازياء
بعدين مصمم الازياء لازم ازياؤو تستر الجسم وتعطيه منظر جمالي
مو الثوب حلو والعورة طالعة والجمهور صارت حالتو حالة من ورا هالتخبيص الي صار بالتصميم
على كلن المي بتكذب الحميماتي وان غدا لناظره قريب

اما بالنسبة لهالجملة بالذات
"بالنسبة للسياسة في فن الحياكة وفن الصناعة ويلي بيحك ثوبو بيحقلو انو يسأل عن جملالو ولكن يلي بيلبس ثوب مو هو حاكوهو عارض ازياء ليس الا
في مين بحيك ثوب الحياة ,وفي مي بيلبس مايحاك (المصفقين ) , وفي مين بيلهو بأحلامه وبس "

خلتكي تنزلي من عيني كومايات كومايات
بصراحة انا بعرف انو السياسة هي فن الكذب
المفروض انا لما اروح لعند مصمم ازياء لازم يكون في ثقة بيني وبينو
انتي هون جعلتي الجميع بيلبس وبيصفق وبس ولكن اخخخخخخخخخ
خليها بالقلب تجرح ولا تطلع لبرا وتفضح
على كلن هلا عرفت نواياكي الشريرة وداخلية نفسك
ويا ريتني ما عرفت

رد: سعر صرف الدولار والذهب مقابل الليرة السورية اليوم الاربعاء 08-01-2014
 

رد: سعر صرف الدولار والذهب مقابل الليرة السورية اليوم الاربعاء 08-01-2014
 

احلى لايك لاحلى ابو تيم
بتستاهل بوسة بين عيونك