الأسهم السورية ( المضارب السوري) - سعر صرف الدولار مقابل الليرة 8-3-2012 بالسوق السوداء

الأسهم السورية ( المضارب السوري) (https://syria-stocks.com/forum/index.php)

- - سعر صرف الدولار مقابل الليرة 8-3-2012 بالسوق السوداء (https://syria-stocks.com/forum/showthread.php?t=11090)

رد: سعر صرف الدولار مقابل الليرة 8-3-2012 بالسوق السوداء

اقتباس:

المشاركة الأصلية كتبت بواسطة shereen (المشاركة 172563)

مساء الخير للجميع كنت عم شوف الفضائية السورية طلعو وزير المالية قال انو الدولار ب 79 و 80 في حدا عندو علم على هالسعر ومن وين بشتريه ب 79 ياريت حدا يفيدني وشكرا

إن غدا لناظره قريب ، هادا الجمل وهادا الجمال ، بكرا بنشوف .
ممكن يكون السعر خاص لمن يحمل وثائق سفر أو اجازة استيراد .
بس هاد مو اختصاص وزير الاقتصاد ؟
بيجي ناس بيسألوا عن تذاكر طيران بشبه البلاش بيطلعوا شايفين دعاية للسعر بس بدون الضرايب اللي بتوصل إضافتها أحيانا لمضاعفة ثمن التذكرة الصافي ، ما بعرف شو الهدف من هيك شي ؟ يكسبولهم دعاية سيئة ؟ ولا منشان حدا يسبهم ؟ أو متل نسبة زيادة الراتب على أساس راتب مدري أنو سنة لورا .

رد: سعر صرف الدولار مقابل الليرة 8-3-2012 بالسوق السوداء

اقتباس:

المشاركة الأصلية كتبت بواسطة mouayad (المشاركة 172565)

بوشك على مبنى التلفزيون مشان تسألي المسؤول

ماتواخذني استاذ مؤيد بس مابدها كل هالحساسية انا كنت عم ناقش انو معقول حكيو هالوزير يعني ماسمعت الخميس غير انو سكر الدولار على 90 من وين جاب ال 80 (علما انو الوزير كان ببيتو والمذيعة عم تحكيه بالتلفون فما بقدر روح على مبنى التلفزيون )وقريت من شوي بعكس السير

قالت الناطقة باسم الخارجية الأمريكية فيكتوريا نولاند إن "واشنطن تمتلك معلومات تشير إلى أن أسر كبار المسؤولين السوريين تتغادر بلادها وتتحول أموالها إلى الخارج"، دون ذكر أسماء هؤلاء المسؤولين.
وفي مؤتمر صحفي بواشنطن يوم أمس قالت " نرى ارتفاع حجم الأموال التي يتم إخراجها من سوريا.. نرى أعضاء أسر كبار المسؤولين السوريين ينتقلون إلى لبنان والأردن وتركيا وغيرها من الدول".
ورفضت نولند ذكر أسماء المسؤولين
الذين تتحدث عنهم بحجة " احترام حياتهم الشخصية
بس السؤال معقول ياخدو معهم مصاري لبرا او مصاريهم هون وهل هالشي لح ينزل الدولار او يطلعو وشكرا

رد: سعر صرف الدولار مقابل الليرة 8-3-2012 بالسوق السوداء

انسة شيرين كأنك فهمتي تعليقي بعكس الشي اللي انا قاصده
يعني مافي اي حساسية
في شي باللغة العربية بيسموه ذم بصيغة المدح
او مسبة بالدعابة فيكي تقيسي عليها
عموما الله يفرج ولا حول ولا قوة الا بالله

رد: سعر صرف الدولار مقابل الليرة 8-3-2012 بالسوق السوداء

اقتباس:

المشاركة الأصلية كتبت بواسطة mouayad (المشاركة 172580)

انا بصراحة استغربت انو بدل مانتناقش انو وين رايحة الليرة وسبب ارتفاع الدولار هل هوة ناجم عن عملية تهريب لبرا البلد او اي شي بتقللي روح لعند الوزير واسئللو يعني ليش عاملين المنتدى مو لنتناقش او لحتى روح لعند الوزير على التلفزيون وتقبل هائل احترامي

رد: سعر صرف الدولار مقابل الليرة 8-3-2012 بالسوق السوداء

مابدها نسمع اخبار من واشنطن ... اي شخص منا اكيد بيعرف تاجر او اكثر سحب امواله وعائلته وسافر لوين ما بيهم ...
انا علي سمعت عن تجار كتير عملوا هيك ... شي طبيعي بهيك ظروف التجار مافيهم يقعدوا ويتفرجوا
بيسافروا وبيفتحوا شغل برا وبس تهدئ الامور بيرجعوا ... وانشاء الله يرجعوا

رد: سعر صرف الدولار مقابل الليرة 8-3-2012 بالسوق السوداء

اقتباس:

المشاركة الأصلية كتبت بواسطة حسين أحمد (المشاركة 172558)

أعتقد بأن الدولار سيستقر بين 70-75 ليرة بداية الاسبوع القادم
لأنه تبين عملياً بأن ارتفاع الدولار اللامنطقي كان بسبب استفراد تجار العملة بالسوق
ولكن استمرار تدخل المصرف المركزي سيثبت السعر
حيث رأينا ان بيع مبلغ بسيط ( 2 مليون دولار ) من قبل مصرف سوريا المركزي
ادى لانهيار سريع للدولار هذا يدل بأن سعر الدولار ( 90-100 ليرة ) هو سعر وهمي
ولكن للأسف هذا السعر الوهمي انعكس بشكل سلبي كبير على اسعار المواد
حيث تمكن الباعة من بيع بضاعتهم كلاً حسب مزاجه
فعلى سبيل المثال : دخلت لأحدى البقاليات لشراء مواد غذائية فوجدت البائع يقوم بشطب اسعار البضائع القديمة المطبوعة على البضائع ووضع أسعار عشوائية
مما سيؤثر بشكل كبير على أوضاع الناس المعيشية مما أدى لهيجان كبير في الشارع
وهذا الشيء لا مصلحة للحكومة به

اتمنى ان يكون كلامك صحيح بس للاسف لمتى سيستطيع المركزي ان يتدخل مع العقوبات الشديدة
الوقت هو الوحيد الكفيل بتوضيح الصور ....
اذا لم يستطع المركزي بالاستمرار بالدعم لوقت طويل هنا تكمن المشكلة وسنرى لا سمح الله ارقام خيالية لصرف الدولار Frown11

رد: سعر صرف الدولار مقابل الليرة 8-3-2012 بالسوق السوداء

دائما بالازمات الاغنياء يسافرون (ويتركوا الشقاعلى من بقى كما يقولون)وهذا حصل بالحرب اللبنانية والعراقية .ودائما الفقراء هم يكونوا الخاسرين دائما (طبعا هذا الكلام بالدنيا فقط)