الأسهم السورية ( المضارب السوري) - صالون سيرياستوكس للعطلات(31 ك2 -1-2-3 شباط )-

الأسهم السورية ( المضارب السوري) (https://syria-stocks.com/forum/index.php)

- صالون سيرياستوكس بعطلة التداول (https://syria-stocks.com/forum/forumdisplay.php?f=52)

- - صالون سيرياستوكس للعطلات(31 ك2 -1-2-3 شباط )- (https://syria-stocks.com/forum/showthread.php?t=13891)

رد: صالون سيرياستوكس للعطلات(31 ك2 -1-2-3 شباط )-

اقتباس:

المشاركة الأصلية كتبت بواسطة mouayad (المشاركة 251940)

يسعد صباحك أبو حكيييييييييييييييييم
والله غريبة توقعت ماعاد تقدر تفوت تكتب
بس شكلها أختي أم حكيم أيدها خفيفة أو مضيعة أيد الهاون \ أيد الهاون هي تشبه العصا كانت تستعمل لدق الكبة أو دق الثوم حيث كانت من النحاس \ مشان ما تفكر الهاون التاني فلازم تصلي ركعتين شكر

أما بالنسبة للحديث فإذا كان صحيح لأنوا ببعض الكتب قالوا انوا حسن و بعضها ضعيف بس أنا سبق و سمعته من أحد المشايخ الثقات سابقا ومبارح تذكرته فدورت عليه لأنقل الحديث بدقة
أما أهل حمص فممكن قياسها على حديث \ إذا فسد أهل الشام فلا خير فيكم \ أكيد هنا القصد ليس السكان الأصليين ولكن كل من يقيم بالشام إقامة دائمة مو عالنفوس لأنوا نفوس الشام بدها واسطة واستثناء من وزارة الداخلية يمكن مابدهم يدخلوا عناصر مندسة على أهل الشام ينزعولهون سمعتهون فبيصير لاخير فيهم

عموما الله يجعلنا ممن يدخلون الجنة بغير حساب فكما تعلم على اعتبارك محاسب أنه من نوقش الحساب عذب
\ من التعذيب النفسي أو تأنيب الضمير \ ولله المثل الأعلى يعني اجت لجنة لقت صندوقك ناقص 100 ألف
هلأ انت متاكد انك مو سارقهون بس لبين ما تعرف وين مصروفين بدون ما تسجلهون بتكون نقصتلك شي نص كيلو و استخدمت علبيت محارم لتمسح عرقك
وعلبة المحارم صارت ب 150 النص كيلو فمشكلة

الله يغفرلنا جميعا ويرحمنا و يدخلنا الجنة بكرمه وفضله
أقول قولي هذا واستغفر الله

صباح النور أبو عمر ...
بالنسبة لايد الهاون .....
مشان ما يصير فيا تخربط
نحنا بنؤلا هيوان
ايد الهيوان .....بالهي مو بالحي
يمكن هي بلهجة اللاتئية ما بعرف ...المهم ....
و كانت أمي الله يرحما عندا عدة نحاسية كاملة من طاسة الرعبة للصواني بمختلف القياسات للطناجر للصحون للكاسات للابريئ تبع المي و لعدة غسل ايدين سي السيد و هو آعد و متكي بدون ما يتحرك بعد ما يزفر بالأكل ..
لمطحنة القهوة لحماصة البزر للمراية و لبرواظ الصور و حتى لبابور الكاز
...شو بدي احكيلك لأحكيلك ....
للأسف ضيعناهون وئت أهلي باعوا البيت..
و غادروا على استعجال مدينة حمص
كنا مخباينون على السئيفة ......
شو صارت تبكي عليون أختي الكبيرة
و لحد هللأ اذا ببتذكرون بتدمع عينها....
شايف شلون الأزمة عمتضيع التراث حتى ..
مو بس نسيو أهلي النحاسيات و هربوا ..
يحرء شيطانون نسيو ابنون لقمان كمانة..
.........................
للأمانة هنن ما نسيو ...
بس أنا كنت حمصي(وطني )
زيادة على اللزوم وئتا و آل لن أغادر
حتى آخر دقيقة من دوامي ....
و بالنسبة للمحاسب
أنا كنت محاسب معمل أدوية
و تغير شغلي على أمل انو اتزحلئ لحالي بعد ما تصعب علي نفسي....
.....
ما شفت عند اسمي عدلتو صار العمل : ادارة أعمال حفاظا على المصداقية و كنت أبل كاتبها محاسب
بتعرف سبحان الله بنفس اليوم يلي سلمت عدلت المهنة
مشان ما ضل عايش ضمن هالتها بالوهم .... .

رد: صالون سيرياستوكس للعطلات(31 ك2 -1-2-3 شباط )-

صباح الخير

رد: صالون سيرياستوكس للعطلات(31 ك2 -1-2-3 شباط )-

اقتباس:

المشاركة الأصلية كتبت بواسطة لقماان (المشاركة 251946)

صباح النور أبو عمر ...
بالنسبة لايد الهاون .....
مشان ما يصير فيا تخربط
نحنا بنؤلا هيوان
ايد الهيوان .....بالهي مو بالحي
يم

يسعد صباح الجميع
والله يا أبو حكيم بتخلي اللي ما بدو يحكي يحكي .
أولا منشان الهيوان نحنا بنقولها بتصرف على اللي عم يضربنا مو على اللي بندق فيه الثوم ، شوف أديش صار في شغلات مشتركة بين المحافظات ! الكل تعلموها .
أما بالنسبة لأهل البلد وأصلهم وفصلهم ، هاد كلو كلام بالتسييس وجمهرة الناس ليجتمعوا على زعيم ما ، بحيث لو كانوا من دين معين يصبح التجييش ديني ، أما إذا كانوا عرب فيصبح التجييش على اساس الأمة والقومية العربية مع خلط شوي من الدين لكسب بعض الحواشي ويتم الخلط بين القومية العربية والاسلام ليضم الفرس والأكراد والشيشان .... علما بأن القومية العربية تتضمن أصلا أقليات غير مسلمة تتقبل القومية على مضض وتحاول تحريف العربية إلى العامية ...
بالخلاصة : العولمة هي أفضل شيء حاليا إلى أن نكتشف عوالم أخرى في مجرتنا ووقتها بنلاقي فتوى مناسبة وتسمية سياسية بتضم الكل وبتجمع الضرايب وبتعييش عصابة تمص دم الجميع .
كان جاري فرنسي ، مسيحي ، ولم يكن يمتهن مهنتي ، ولا بيننا مشاريع عمل مشترك . ومع هذا كنت أجده أقرب لي من أولاد عمومي وأخوالي . كان يعمل مدرسا ويأتي مع أولاده ويحمل لهم كتبهم الثقيلة ويمشون بجانبه مرفهين ، كان يحضر لأولاده كل ما يقدر عليه ، وكان يهتم بدراستهم ويسهر على راحتهم . كنت أجد بيني وبينه العديد من النقاط المشتركة .
كان أهم هاجس عندي أن أعرف أفضل الطرق لمصارحة الأولاد حول أسئلتهم المحرجة أحيانا ، فقال لي نحن عندنا كتب مخصصة بهذه المواضيع وكلا حسب عمره . أنا أحضر الكتاب وأتركه لهم إذا أرادوا يقرأونه ، ولكنني اشترط عدم سؤالي أو مناقشتي .
بالمناسبة ذاك كان محافظا من سكان باريس ، لم يكن محافظا لأنه قروي ، يظن الناس أن باريس عاصمة للهو .
ليس كل أهلها سواء .
هل أحكي لك عن بعض سكان حمص وعن فضلهم وتقاهم ؟ وتوبك يللي تجرينو طير عجاج القاعي . ناهيك عن الطوائف الأخرى المارقة واللي لسا ما مرقوا .
أكيد ليسوا هؤلاء المقصودون بالحديث لو صح سند الحديث أصلا .

رد: صالون سيرياستوكس للعطلات(31 ك2 -1-2-3 شباط )-

كنت رح انسى
اليوم مافتح الموقع أبدا وبما أن الفلاشة اللي فيها كاسر البروكسي مو معي .
قلت يلا عندي هون ألترا سيرف . بجربو . ومشي الحال متل مو شايفين .

رد: صالون سيرياستوكس للعطلات(31 ك2 -1-2-3 شباط )-

مسا الخير والليل والبيداء والقلمووو

رد: صالون سيرياستوكس للعطلات(31 ك2 -1-2-3 شباط )-

اقتباس:

المشاركة الأصلية كتبت بواسطة عابر مجيب (المشاركة 251953)

يسعد صباح الجميع
والله يا أبو حكيم بتخلي اللي ما بدو يحكي يحكي .
أولا منشان الهيوان نحنا بنقولها بتصرف على اللي عم يضربنا مو على اللي بندق فيه الثوم ، شوف أديش صار في شغلات مشتركة بين المحافظات ! الكل تعلموها .
أما بالنسبة لأهل البلد وأصلهم وفصلهم ، هاد كلو كلام بالتسييس وجمهرة الناس ليجتمعوا على زعيم ما ، بحيث لو كانوا من دين معين يصبح التجييش ديني ، أما إذا كانوا عرب فيصبح التجييش على اساس الأمة والقومية العربية مع خلط شوي من الدين لكسب بعض الحواشي ويتم الخلط بين القومية العربية والاسلام ليضم الفرس والأكراد والشيشان .... علما بأن القومية العربية تتضمن أصلا أقليات غير مسلمة تتقبل القومية على مضض وتحاول تحريف العربية إلى العامية ...
بالخلاصة : العولمة هي أفضل شيء حاليا إلى أن نكتشف عوالم أخرى في مجرتنا ووقتها بنلاقي فتوى مناسبة وتسمية سياسية بتضم الكل وبتجمع الضرايب وبتعييش عصابة تمص دم الجميع .
كان جاري فرنسي ، مسيحي ، ولم يكن يمتهن مهنتي ، ولا بيننا مشاريع عمل مشترك . ومع هذا كنت أجده أقرب لي من أولاد عمومي وأخوالي . كان يعمل مدرسا ويأتي مع أولاده ويحمل لهم كتبهم الثقيلة ويمشون بجانبه مرفهين ، كان يحضر لأولاده كل ما يقدر عليه ، وكان يهتم بدراستهم ويسهر على راحتهم . كنت أجد بيني وبينه العديد من النقاط المشتركة .
كان أهم هاجس عندي أن أعرف أفضل الطرق لمصارحة الأولاد حول أسئلتهم المحرجة أحيانا ، فقال لي نحن عندنا كتب مخصصة بهذه المواضيع وكلا حسب عمره . أنا أحضر الكتاب وأتركه لهم إذا أرادوا يقرأونه ، ولكنني اشترط عدم سؤالي أو مناقشتي .
بالمناسبة ذاك كان محافظا من سكان باريس ، لم يكن محافظا لأنه قروي ، يظن الناس أن باريس عاصمة للهو .
ليس كل أهلها سواء .
هل أحكي لك عن بعض سكان حمص وعن فضلهم وتقاهم ؟ وتوبك يللي تجرينو طير عجاج القاعي . ناهيك عن الطوائف الأخرى المارقة واللي لسا ما مرقوا .
أكيد ليسوا هؤلاء المقصودون بالحديث لو صح سند الحديث أصلا .

مساء الخير
بتعرف أخي عابر ...
على سيرة الأسئلة المحرجة
بتعرف أنا من هللأ عمآكل هم كيف بدي أتعامل مع الشباب الله يخلي يلي عندك وئت ببلشوا
يفكوا ....يعني يغيروا ريشون ....
يعني وئت بيصير يشحط صوتون ...فهمت علي ما هيك ...
و آكل هم أسئلتون المحرجة .....
بس اجاني خاطر
انو على التطور الرهيب في الاتصالات و العولمة .....
انو بالعكس الولاد يكون عندون معلومات حتى زيادة عن اللزوم و ما راح يحرجوني و يسألوني .......
مشان هيك عمفكر بطريئة انو أنا كون أسرع و سبئ و مهد للشباب و هنن في حالة البراءة
شو رأيك ..
أخي البريئ عابر ...
بريئ!!!!اي بريئ.....
مو بريئ انت من كل التهم التي ستنسب اليك مستقبلا ...

رد: صالون سيرياستوكس للعطلات(31 ك2 -1-2-3 شباط )-

اقتباس:

المشاركة الأصلية كتبت بواسطة broker (المشاركة 251960)

مسا الخير والليل والبيداء والقلمووو

مساء الفل و الخيل
و خوفو و خفرع و أبا الهولو......

رد: صالون سيرياستوكس للعطلات(31 ك2 -1-2-3 شباط )-

مساء الخير

رد: صالون سيرياستوكس للعطلات(31 ك2 -1-2-3 شباط )-

https://sphotos-a.xx.fbcdn.net/hphot...58698475_n.jpg

وفي العام 2013 محطات البنزين فاااااارغة

رد: صالون سيرياستوكس للعطلات(31 ك2 -1-2-3 شباط )-

الحب ليس فى الأخر . أنه موجود داخلنا
ونحن من نوقظه من غفوته . لكننا
ولكي نوقظه , نحتاج الى الأخر
ــــــــ
باولو كويلهو