واضح جدا انه القرار لازم يخضع لتعديل لسبب بسيط انه ما اشار لفوائض المرحلة الثانية
يعني بغض النظر عن كونه فيه محاباه لكبار المساهمين على حساب صغارهم
هالقرار عم يفترض انه رح تتم التغطية في المرحلة الثانية
وبحسبة بسيطة بنلاقي انه هالشي مو مؤكد
على فرض انه فوائض المرحلة الاولى ما تم تغطيتها لانه في مساهمين ما مارسو حق افضليتهم وبالتالي اكيد ما رح يمارسو هالحق يلي فوتوه على نفسهم بالمرحلة الاولى ليمارسوه بالمرحلة الثانية وبالتالي لما بدو يكتتب نفس المساهمين يلي اكتتبو بالمرحلة الاولى بنسبة تملكهم قبل المرحلة الاولى رح يضل فوائض الاكتتاب تبع المساهمين يلي ما مارسو حقهم بالمرحلة التانية

وهي من رح ياخدها؟؟؟ اكتتاب عام للجمهور؟ ما بظن انه منطقية خصوصا انه ما رح يكون عدد الاسهم كبير كفاية ليستاهل هالاجراءات
او الاكتفاء بما تم الاكتتاب عليه في المرحلتين واعتبار زيادة راس المال منتهية عند هذه المرحلة؟ كمان مو منطقية
بشكل عام بتصور القرار رح يصدرلو تعديلات او تكميلات او شو ما بدهون يسموها يسموها!! بس مو زابطة.....

ما فهمت؟
:confused2:

اخي الكريم
في المرحلة الثانية وحسب القرار الجديد يحق للمؤسسين(الذين اكتتبوا على كل اسهمهم بالمرحلة الاولى) ان يكتتبوا عالاسهم الفائضة من المرحلة الاولى حسب نسبة تملكهم الكبيرة وبالتالي لن يبقى شيء للصغار وهنا المشكلة

اخي الكريم هالكلام صحيح
بس نسبة مساهمتهم مهما كانت كبيرة رح يضل في فوائض بعدها لانه في مساهمين ما اكتتبوا بالاولى ومو متوقع ولا منطقي يكتتبو بالتانية
يعني رح يضل فوائض ولو بأرقام صغيرة

لا تشيل هم الباقي بيبيعوه بالمزاد العلني لانه كله كسور وبيعتبروه ارباح للشركة او البنك .