|
رد: صالة أسعار صرف الدولار وباقي العملات و أسعار الذهب مقابل الليرة السورية ليوم الثلاثاء 16-7-2013
اقتباس:
ام ان الوضع على حاله |
رد: صالة أسعار صرف الدولار وباقي العملات و أسعار الذهب مقابل الليرة السورية ليوم الثلاثاء 16-7-2013
ببساطة شديدة أنا بالعادة بأول الطلوع بشتري ( عملة صعبة ) وبأول النزول ببيع وكل هالأيام ظابطة معي وعين الله علي |
رد: صالة أسعار صرف الدولار وباقي العملات و أسعار الذهب مقابل الليرة السورية ليوم الثلاثاء 16-7-2013
اقتباس:
طالع واكل ونازل واكل يعني عم يشتغل بسلعة ويمكن اذا رخصت هالسلعة بيصير في شغل اكتر وبيزيد ربحو وبتكبر ضحكتو |
رد: صالة أسعار صرف الدولار وباقي العملات و أسعار الذهب مقابل الليرة السورية ليوم الثلاثاء 16-7-2013
السلام عليكم
اولا مبروك للجميع ارتفاع قيمة الليرة انا مبسوط كتير بس اليوم اتصلت بدي اشتري بضاعة لقيت الاسعار مرتفعة اكتر من وقت كان الدولار 300 بحجة مافي وما بتوفي وما عاجبك لا تاخد |
رد: صالة أسعار صرف الدولار وباقي العملات و أسعار الذهب مقابل الليرة السورية ليوم الثلاثاء 16-7-2013
اقتباس:
أخي عابر مجيب كأني عم بفهم من مشاركاتك وردك على الأعضاء انك مو ممنون أبداً انه تحسن سعر صرف الليره أمام الدولار بحوالي 100 ليره خلال أقل من أسبوع تقريباً وأنه اي شيئ يفعله المركزي لا يعجب أحد، لا إن لم يتدخل عند صعود الدولار لمستويات تفوق ال 300 ليرة ولا حتى ان تدخل ونزل السعر وما زال ينزل يعني بإختصار نحن شعب لا يعجبه العجب ولا الصيام برجب وكأنه في ناس كانت مبسوطة انه صار الدولار ب 330 ليره وعم تهلل انه لسا بده يوصل لمستوى 500 بنهاية رمضان الكريم يعني برأي هؤلاء وضعهم هل سيكون أفضل لأن قالبين مصرياتهم دولار ومو فارقة معهم لو صار ب 1000 !!!!!!؟؟؟؟؟؟ هدون اسمهم انتهازيين وعلى مبدأ فخار يكسر بعضه أو أنا ومن بعدي الطوفان وحلال عالشاطر انه دبر راسه وقلب مصرياته ونسي انه في فئات كبيرة بمجتمعنا لا تؤمن بالتعامل بالدولار ولا حتى يمكن بتعرف شكله خلينا نشوف النصف المليان من الكأس ونسعى لأن يكون مليان لكل فئات المجتمع واه عجبي !!!!!!!!!!!! |
رد: صالة أسعار صرف الدولار وباقي العملات و أسعار الذهب مقابل الليرة السورية ليوم الثلاثاء 16-7-2013
اقتباس:
شكرا لسؤالك بطاطا 100 - 150الوضع ضمن مناطق سيطرة الدولة: الوضع سابقا لا تجد اي مواد من خضار ولحوم باي سعر حاليا انو فيه مواد غذائية لكن الاسعار مازالت مرتفعة جدا بندورة 125 - 150 خيار 50 - 80 فليفلة 200 جبس الكيلو ب 100 بطيخ كيلو ب 150 نعناع وحدة 15 و تنتين ب 25 و الفجل 20 بقلة و جرجير 25 بعض المؤسسات الاستهلاكية تبيع بعض اصناف الخضار لكن الجودة قد تكون سيئة نتيجة النقل والتخزين والاسعار عالية ايضا 100-125 ليرة للكيلوتقريبا وبيبيعك من كل الانواع اجباري نفس الكمية وبنفس السعر بعد انتظار طويل بالطابور (بطاطا بندورة خيار باذنجان) اما الخبز وهو الاهم ........ فقط الافران الحكومية تعمل بتبيع حاليا الربطة ب 15 ليرة لكن الزحام لا يصدق يعني بلا يمين مريت من جنب فرن الرازي فيه حوالي 150 زلمة بدور المدنيين هاد غير دور النساء ودور العسكريين . ويلي محظوظ بيحصل على ربطتين خبز بعد انتظار في الشمس الحارقة لمدة لا تقل عن خمس ساعات ويللي مو محظوظ ممكن بعد ما يوقف كم ساعة يخلص الطحين او المازوت او بيتعطل الفرن وممكن يشتغل بعد ساعة وممكن ما يشتغل لبعد يوم. ويللي بيحب المخاطرة واللعب مع القناص او بيكون درويش وما عنده خيار تاني بيروح على المناطق التي تحت سيطرة المعارضة المسلحة عبر معبر الموت التي يتعرض فيه الناس للقنص العشوائي (من القناص الموجود فوق القصر البلدي ) وبيشتري حاجياته باسعار عادية وممكن وهو عائد يتعرض لمزاجية بعض المسلحين الذين قد يمنعونه من ادخال بعض الاغراض التي اشتراها مع اخذ الاغراض منه او اتلافها وقد يتعرض للاهانة ايضا (اليومين الاخيرين تحسن تعامل المسلحين مع المواطنين اثناء اخراج الاغراض تحسن كبير بعد شكاوي متكررة من سوء المعاملة هاد الكلام مو منقول ............ انا او حدا من عائلتي لمسه وشافه بعينه والمعبر قريب من بيتي واشترينا من الطرف التاني اغراض يوم امس |
رد: صالة أسعار صرف الدولار وباقي العملات و أسعار الذهب مقابل الليرة السورية ليوم الثلاثاء 16-7-2013
اقتباس:
انا ما قلت اني عم ابيع انا بس عم اشتري والشراء مبالغ كبيرة يعني 100-200 دولار كل كم شهرBig Grin لو معي ملايين ما كنت شفتني قاعد على النت ههههه |
رد: صالة أسعار صرف الدولار وباقي العملات و أسعار الذهب مقابل الليرة السورية ليوم الثلاثاء 16-7-2013
اقتباس:
الحمد لله يا اخ ابراهيم و إن شاء الله بتضل ظابطة معك عطول :) صعب كتير الشغل بظروف عدم ثبات و استقرار سعر الليرة ما بعرف كيف بدنا نشتغل بدون ثبات السعر كل ما برمجنا حالنا عسعر بيتغير يا اخي رضيانين يثبت بـ 150 بـ 200 ( بأي سعر + - 2 % ) لحتى نعرف نشتغل . من أول حزيران صار كتير تقلبات حكيت مبارح عاليانسون حوالي الـ 200 ل س بالكيلو بظرف اقل من 10 ايام طلوع و نزول كتار متلي بطلو شغل الجملة عم نبيع بالمفرق بس منشان اذا صار فروقات كبيرة ما بيكون في ضرر . |
رد: صالة أسعار صرف الدولار وباقي العملات و أسعار الذهب مقابل الليرة السورية ليوم الثلاثاء 16-7-2013
أحاول أن أستوعب الأمور التي يقوم بها المركزي هذا الأسبوع ولكن حتى الآن لا أستطيع فهم ذلك!!!! علما أنني أحاول ذلك أثناء الصيام وبعد الإفطار Big Grin 1- لماذا لم يتدخل المركزي إلى أن وصل سعر الدولار 370-380؟؟ مما أدى إلى رفع أسعار كل السلع في السوق!!! 2- من أين جاء المركزي بالدولار؟؟.. على أساس أنه حول الاحتياطي إلى يورو وفي كل مرة كان يعلن عن تدخله بمبلغ معين من اليورو!!! 3- إلزام شركات الصرافة بحضور جلسة شراء الدولار تحت طائلة المسؤولية!!!!!!!!!!!!!!! 4- تدخل المركزي لتخفيض الدولار بمعدل عشر ليرات كل جلسة وبمعدل جلستين كل أسبوع - حسبما هو معلن- طيب لماذا العالم تشتري اليوم ب 230 إذا كان بعد يومين راح يصير ب 220؟؟.. وإذا لم تبع شركة صرافة كل الدولارات التي أخذتها ب 227.70 هل تعيد المتبقي إلى المركزي؟؟.... صراحة مالي كتير مبسوط بهبوط الدولار لأنه لا تأثير له يذكر على الأسعار .... والله أعلم كيف ومتى سينعكس انخفاض سعر الدولار على أسعار السلع في الأسواق |
رد: صالة أسعار صرف الدولار وباقي العملات و أسعار الذهب مقابل الليرة السورية ليوم الثلاثاء 16-7-2013
اقتباس:
من جلسات التدخل كما أن موجة الهبوط الارتدادية لم تفلح اليوم من اختراق حاجز ال200 و عليه فأن ظل السعر على ما هو عليه الان فسوف نستعد لموجة صعود (3 آليوت ) التي تعتبر الاقوى و الاطول |
| الساعة الآن 02:31 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks