الأسهم السورية ( المضارب السوري)

اقتباس:

المشاركة الأصلية كتبت بواسطة syrianwolf (المشاركة 203419)

أخي الكريم, بس لمعلومك القرض تبعك وفي حال المعلومات ياللي ذكرتها حضرتك صحيحة فهاد القرض نهب بنهب وسرقة موصوفة كمان.
قيمة القرض 600000 لمدة 3 سنين مع دفعة شهرية 20700 بيكافئ فائدة سنوية مركبة قيمتها 14.66%.

أنا مارح فوتك بمتاهات وأسس حسابات القروض بس البنك غشك لأنو أقنعك أنو لما بتكون الفائدة ثابتة 8% ولمدة 3 سنين وبالتالي قيمة الفوائد الكلية 144000 ل.س.
بس هاد الحكي بيكون صحيح لما إنت بترجع القرض بعد 3 سنين بقيمة 600000+144000 (دون تقسيط), بس لما بتكون عم تقسط القرض فقيم الدفعات الإجمالية بيكون أقل بكتير من 600000+144000.

يمكن مارح تفهم عليي بس يللي بيشتغل بالبنوك وبيعرف كيف بتنحسب القروض المفروض يفهم عليي.

للأسف أديش في عنا استغلال لجهل الناس بحسابات القروض

وأنا بضم صوتي للفريق يللي نصحك تحتفظ بدولاراتك وماتفرط فيهم, والله يوفقنا جميعاً ويوفقك.

أخي الكريم مشكور جداً الأرقام المذكورة صحيحة تماماً
و مقبولة منك وصفنا بالجهال لأنو بعرف أنو نحرق دمك لما حسبت قيمة الفائدة صح
وعرفت كم تستغل البنوك حاجة الناس و كل ذلك بالخداع واستغلال جهلهم بطريقة الحساب .
لا أخفيك سراً أنني عندما استقرضت هذا المبلغ من البنك كنت واعياً تماماً لحجم الفائدة الكبير المترتب على المبلغ وخاصة في السنة الثالثة لذلك كنت أنوي من أول يوم أنه بعد انقضاء السنتين سأقوم بتسديد باقي المستحقات كاش اذا يسرها الله وعندها يقوم البنك بأخذ 2% على المبلغ المتبقي و المسدد لإنهاء الموضوع .
واذا بدك تحسبها صح بيطلع معك الفائدة على السنة الثالثة أكثر من 25%
ملاحظة هذا القرض يعطى حتى السبع سنوات ويحسب بنفس الطريقة .
وحتى اذا بدون يمهلوك بأول القرض فترة سماح ثلاثة أشهر فقط يضاف على المستحقات حوالي ثلاثون ألف ليرة.