|
رد: سعر صرف الدولار مقابل الليرة1-3-2012 (السوقي)
دمشــــق الأن الساعة 6:22 مساءا شــراء 81 ل .س بيع : لايوجد |
رد: سعر صرف الدولار مقابل الليرة1-3-2012 (السوقي)
اقتباس:
|
رد: سعر صرف الدولار مقابل الليرة1-3-2012 (السوقي)
كنت حابب اذكر السعر باللاذقية بس !!!!
الاسعار عنا غير مقبولة والسبب الطلب الكبير للدولار حتى فترة العصر والاسعار طايرة ؟؟؟ احد اصدقائي قابلته بالطريق ... كان عند اول صراف صباحا ساله كان ب 79,5 وراح للصراف التاني ليتأكد قبل ما يشتري قله ب 80 .. رجع للصراف الاول ليشتري قله بعتذر بدك في ب 80,5 .... صديقي تردد شوي وراح ورجع بعد نص ساعة قله الصراف ب 81,5 ؟؟؟؟ طبعا اشترى على هاد السعر خوفا من الارتفاع اكثر والمسافة بين الصرافين عنا باللاذقية لا تتجاوز مسافة سير 10 دقائق مشي الناس عم تدخل لعند الصراف حاملة ملايين من الليرة السورية وعم تشتري باي سعر كان ؟؟؟؟؟ شو صاير بالدنيا ... ليش هالجنون ؟؟؟ |
رد: سعر صرف الدولار مقابل الليرة1-3-2012 (السوقي)
بواسطة Forexpros
تكشف آخر المستجدات ِ أن أزمة الاقتصاد السوري تصاعدت في الاونة الأخيرة وأن تدهور الاقتصاد سيستمر نتيجة الثورة المتواصلة، حيث توفر لدى الاقتصاديين مؤشرات واضحة تدل على عمق الأزمة. وأهم تلك المؤشرات انكماش نمو الناتج المحلي الإجمالي 3.4% في عام الثورة 2011، وذلك بعد أن شهد نمواً بنسبة 3.2% عام 2010، وتراجع الودائع في البنوك السورية 30% الى 346.4 مليار ليرة حتى نهاية العام الماضي. كما انخفضت العملة السورية بشكل حاد، حيث أصبح كل دولارٍ يساوي حسب البنك المركزي 48.5 ليرة حتى منتصف2011وقد خرج أخيراً سعر الصرف عن السيطرة، وبلغ في السوق السوداء 73 ليرة للدولار الواحد، فقام البنك المركزي بتعويم العملة كخطوة اضطراية. وبالنسبة للتضخم فكان 4.4% عام 2010 وارتفع إلى 6.6% العام الماضي، وهو ما انعكس في ارتفاعات كبيرة شهدتها أسعار السلع الرئيسة. وقد تدهورت غالبية القطاعات بسبب الأزمة من أبرزها السياحة التي كانت تدر 6 مليارات دولار سنوياً، وأصيب القطاع بشلل تام، أما الصادرات فيتوقع أن تتراجع من 14 مليار دولار عام 2010 إلى 7.2 مليار دولار العام الجاري. أما الإنتاج الزراعي فمن المتوقع أن يتراجع العام الجاري بنسبة 3% وتراجع أداء هذه القطاعات فاقم نسبتي البطالة والفقر، الأمر الذي قد يوسع من نطاق الثورة الراهنة مع اكتسابها بعداً اجتماعياً. وتعمقت أزمة الاقتصاد السوري أيضاً بسبب العقوبات الدولية خاصة على قطاع النفط، والتي أوقفت تصدير 130 ألف برميل يومياً إلى أوروبار، ما حرم سوريا من 15 مليون دولار يومياً، وبلغت الخسائر من سبتمبر حتى يناير ملياري دولار، حسب وزير النفط السوري. وفي ظل هذه الأوضاع هل سيستمر تدهور الاقتصاد السوري خلال العام الجاري وعلى المدى القصير؟ وترى Economist Intelligence Unit أن الاقتصاد سينكمش بحدود 6% عام 2012، أما عجز الموازنة فسوف يتسع أيضاً ليكون المتوسط 10.8% من الناتج المحلي بسبب زيادة الإنفاق وانخفاض الإيرادات أما الدين الخارجي فسيرتفع إلى نحو 9 مليارات دولار. وهنا يتساءل كثيرون: هل أصبح انهيار الاقتصاد السوري وشيكاَ؟وفي الحقيقةِ فإن الدولة غير قادرةٍ على إعادة الاستقرار إلى الاقتصاد، لاسيما أسعارُ صرف الليرة، وإعادةُ الحركة التجارية، إلى جانب الوفاءِ باحتياجات المواطن الأساسية وهو أمر يؤكد أن الاقتصاد والنظام يسيران معاً في نفق مظلم. |
رد: سعر صرف الدولار مقابل الليرة1-3-2012 (السوقي)
اقتباس:
|
رد: سعر صرف الدولار مقابل الليرة1-3-2012 (السوقي)
اقتباس:
الصراف عم يكون عنده كميه من الدولارات بيدخل زبون معو شي 10 مليوم بده يشتري دولار بيسحب كل اللي عند الصراف وبيمشي هاد اللي عم يصير .... من فترة بعيدة نوعا احد اصدقائي كان يشتري عند صراف دخلت سيدة وسالت الصراف بكام اليوم قلها 56 .. قالت له بدي ب 50 مليون ليرة .. جاوبها الصراف ب60 ليرة الدولار فنادت على الشوفير ونزل شنطه واشترت بها .. قال لي صديقي انو الصراف اتصل باكثر من صراف ليدبر المبلغ ... هاد الحكي خلال دقائق وكان الوضع مقبول نسبيا عن الوقت الحالي ...!!! |
رد: سعر صرف الدولار مقابل الليرة1-3-2012 (السوقي)
اقتباس:
الناس بهالوقت منين عمتجيب كل هالسوري للتبديل ؟؟ عمتبيع عقارات ؟؟ ليش ؟؟ مخزنة سوري ؟؟ طيب وليش هلأ قرروا يحولوا ؟؟ عوائد بضائع مباعة ؟؟ مجرد محاولة لفهم ما يجري .. |
رد: سعر صرف الدولار مقابل الليرة1-3-2012 (السوقي)
ياشباب بدنا على ال9 المسا الكل يكتب قديش سكر الدولار كل واحد بالمحافظة اللي هوة فيها واذا متوفر او لا
|
رد: سعر صرف الدولار مقابل الليرة1-3-2012 (السوقي)
منين عم تجيب الناس مصاري سأجيب حسب يلي بعرفوا .على الحدود كل سيارة لها سعر والباص سعره خاص والا لازم تفتيش دقيق وامن البلد مهم (هذاكلام صحيح 100بالمئة).ولكن اذا دفع المعلوم لا تفتيش ولاشئ .والذين عم يعتقلوا بيطلعوا اذامعهم مصاري كل واحد له سعر حسب قيمته واذا دفع المعلوم خرج و مزقوا كل التهم التي اتهموه اياها.واذا لم يدفع يكون هو الذي خرب البلد وموقع على هالشئ!!!والجمارك كثير من البضائع لا تجمرك وتدخل للبلد دون أي جمرك ويأخذالمخلص نصف قيمة الجمارك ويتقاسمها مع الشباب بالميناء أو بالحدود البرية .والرشوة كماهي وممكن زادت ولكن المسكين شرطي المرور هو الوحيد عم يشوف المخالفات امام عينه وعم يعمل حاله موشايف وخفت الرشوة كثير من جهة شرطة المرور وبعض الحرامية عم يسيلوا مايملكون لانهم أقتنعوا انهم سيلاحقون حتما !!ومن ضمن الذين عم يشتروا ذهب ودولار عم يطمئنوا الناس أن الليرة بخير!!!!!! |
رد: سعر صرف الدولار مقابل الليرة1-3-2012 (السوقي)
اقتباس:
اخي التاجر يسحب شوي شوي من السوق ويحول الى دولار والموظفين عم يقبضوا الرواتب ويروحوا يشتروا بضائع التاجر عم يلم ويروح يشتري دولار واللي كان حاطط بمحلوا مليون ليرة راس مال خفف راس ماله الى مئتي الف مثلا وبدل الباقي دولار والبعض الاخر رائ ان دولاراته صاروا بيستاهلوا راح باعهم واخد ليرة وراح اشترى عقار مثلا وهيك عم تدور وتدور العملة من ايد الى اخرى والرواتب كل شهر عم تضخ الى السوق ليرات اكثر Big Grin |
رد: سعر صرف الدولار مقابل الليرة1-3-2012 (السوقي)
كلامك صحيح حتى بسوق الكهرباء بالشام تريد ان تشتري اي كلوبات او لمبات قريب الساعة 6مساءيقولوا لك الساعة 6 سكر مستودعنا وكلهم نفس الحكي .يعني مستودع المستورد مسكر وهم ماعندهم بضاعة .وسالت عن لمبات توفير الخميس الماضي كلهم قالوا السبت توصل البضاعة!!لان اصبح التاجر الكبير عم يبيع كاش لان الدولارعم يرتفع
|
رد: سعر صرف الدولار مقابل الليرة1-3-2012 (السوقي)
السعر في بيروت
شراء77.5 مبيع 78.5 |
رد: سعر صرف الدولار مقابل الليرة1-3-2012 (السوقي)
اغلاق دمشق
شراء ٨١ بيع ٨٢ |
رد: سعر صرف الدولار مقابل الليرة1-3-2012 (السوقي)
الأخوة الكرام
نظرت إلى الذين يشاهدون صفحة أسعار صرف الدولار فوجتهم 149 أعضاء وفتحت صفحة ساهم بمساعدة إنسانية لإهلنا في حمص فوجدت واحد فقط فعرفت شو سبب رفعة هالدولار بهاد الشكل |
رد: سعر صرف الدولار مقابل الليرة1-3-2012 (السوقي)
السعر اللحظي في حلب شراء 80 بيع 81 |
رد: سعر صرف الدولار مقابل الليرة1-3-2012 (السوقي)
الرجاء الإجابة من أي خبير
مالذي يتحكم بسعر الليرة في هذه الأيام؟؟ بس مع شرح صغير يعني إذا بدك تقول عرض وطلب.. شو المعنى وشلون الدولار بصير ب 80 بالعرض والطلب؟ وإذا بدك تقول سياسة رجاءً ترجم .. كيف السياسة بترفعو بالبلد كلها وكمان بتنزلو ؟؟ رجاء شرح بسيط وشكراً |
رد: سعر صرف الدولار مقابل الليرة1-3-2012 (السوقي)
اذا استمر سعر الدولار فوق سعر ال 80 ليرة سورية لثلاثة ايام عمل وجرى عليه تداولات بكميات كبيرة
فهذا يعني ان الدولار الى ارتفاع |
رد: سعر صرف الدولار مقابل الليرة1-3-2012 (السوقي)
اذا لم يدعم المركزي الليرة فاحتمال ارتفاعه(الدولار) كبير بشكل تدريجي الى 100 ليرة ومنها .....................
|
رد: سعر صرف الدولار مقابل الليرة1-3-2012 (السوقي)
مساء الخير للجميع انا لقيت اكتر سعر رائج بالشام
82 شراء و 83 بيع وحابة انو نوه للاعضاء الجداد وللقائمين علموقع كل فترة بيفوت عضو جديد بيلحش سعر غير طبيعي وبيمشي ارجو من المشرفين الانتباه لهل الشي مشان الموقع مايفقد مصداقيتو متل في شب كاتب السعر في بيروت 78,5 بكرة بيجيك واحد بيكتب السعر بالصين 88 وهيك الشغلة صارت سخيفة وشكرا وتصبحو على خير |
رد: سعر صرف الدولار مقابل الليرة1-3-2012 (السوقي)
اقتباس:
|
رد: سعر صرف الدولار مقابل الليرة1-3-2012 (السوقي)
تحية للجميع ،،
أنا سعيد - محلل تقني بالسوق العالمي ( عملات - معادن ) هي أول مشاركة إلي بالمنتدى ، رح أحكي بالعامية ( منعاً لإنتقاء كلمات غير مفهومه بالنسبة للشخص العادي ) بالنسبة لليرة السورية فالتحليل التقني ملغي والأعتماد فقط على الفندمنتل والتحليل الأساسي ، وشخصياً أنا كان عندي تصوّر للهبوط من من بداية السنة الماضية 2011 .. ( احداث تونس ) الأرقام اللي كنت متصورها كالتالي ( 50 - 55 - 84 - 125 - 250 ) .. كل رقم = ليرة مقابل دولار واحد كل رقم مذكور رح يكون في عندو مراوحة ورح يعتبر نقطة مقاومة .. اما النقاط العمياء متل 62 و 74 فهي مقاومات ضعيفة والمراوحة عندها حتكون قليلة لهيك ماذكرتها .. حالياً الكل بيعرف انو الدولار ضعيف مقابل سلة العملات والمعادن والسلع العالمية ، الدولار اندكس ( دليل المشتريات للدولار ) حوالي 78 .. يعني هو منخفض جداً .. كلام برنانكي الأخير رفع الدولار مؤقتاً ، انا بعتبر هالارتفاع بمثابة التصحيح التقني خصوصاً للذهب ,, بمجرد العودة بالذهب من جديد لمستوى 1800 .. وباليورو لمستوى 1.36 ( اللي بيشكل 200 ويكلي موفينج افرج ) رح نهبط بكل بكل مايقابل الدولار .. والمستفيد من هالهبوط هو الدولار .. بمجرد تحقيق ماسبق ذكره رح يقفز الدولار قفزه نوعية من 84 للـ 125 خلال 3 اسابيع من تاريخ تحقيق اليورو 1.36 والذهب 1800 من جديد .. أنا حالياً مراهن على ارتفاع الدولار مقابل كل شي عالمياً .. بعتذر مجدداً لأني حكيت بالعامية والكلام مشتت نظراً لأني عم اكتب وانا مستعجل ،، للجميع التحية |
رد: سعر صرف الدولار مقابل الليرة1-3-2012 (السوقي)
أهلين سعيد من وين بأمريكا عم تحكي؟
|
رد: سعر صرف الدولار مقابل الليرة1-3-2012 (السوقي)
لا أخي أبو النخل ،، أنا بالشام
تحياتي |
رد: سعر صرف الدولار مقابل الليرة1-3-2012 (السوقي)
اقتباس:
شكرا على الشرح بس بالعامي ما فهمنا ، الحمد لله أنك ما كتبت بالفصحى . يعني الأمور اللي باني عليها دراسة الليرة ما بعرفها بس الأرقام اللي حاططها أبدا مو غريبة مع انو ما بينطبق على حالتنا أي تحليل علمي أو منطقي يعني ما ممكن بالقلم والورقة والرسم البياني . وأنا حاسس انها مجرد إلهامات وتوقعات لا يؤكدها إلا الوضع على الأرض . والوضع على الأرض عرضة لتغيرات جذرية بين لحظة وأخرى . ما فهمت بالآخر كيف بعد ما يرتفع اليورو وبعد ما يرتفع الذهب رح يطير سعر الدولار إلى 125 وأكتر ! خصوصا أن ارتفاع اليورو ( وهو داخل في تقييم الليرة بنسبة 34% تقريبا ) أقول ان ارتفاع اليورو بيرفع معو الليرة شوي ، متل فكرة التغذية العكسية عند خبراء الإليكترونيات . أو بالعامي من دهنو سئيلو . تخيل منظري يطلع كلامك واضح والكل فهمو عليك وأنا بس اللي مغرد خارج السرب ، خزوة مو ؟! هيك بيصير معي لمن بفوت على معرض فن تشكيلي بصير بدي اتأكد أنو اللوحة مو مقلوبة ! أهلا وسهلا بيك ( هاي بالمصري فيك عندهم معيبة ما بيستعملوها ) بس لتشوف أول فوته على المنتدى. نحنا زهراويين وبنحب المزح والجد سوا . تحياتي . :) |
رد: سعر صرف الدولار مقابل الليرة1-3-2012 (السوقي)
أهلاً عزيزي عابر ،،
لا بالفعل أنا رجعت قرأت الكلام اللي أنا كتبتو ، بالفعل الكلام مضغوط ومشتت وغير مفهوم ( بالرغم من صحة المعلومات ) إنما الكلام هو المتشتت .. لو شبهتلك ياها .. كلامي كان بيشبه سحابة دخان مضغوطة داخل الغرفة . أول مافتحنا الباب تخيّل صيغة الخروج ؟ المهم ، رح أجاوبك عاالتساؤلات بقدر مافهمت الأسئلة : بالنسبة للإنطباق العلمي والمنطقي على وضع الليرة ، فأنا ذكرت إنو التحليل التقني والفني ملغي بحالة الليرة والاعتماد فقط على الـ fundamentals والتحليل الأساسي اللي هو الأخبار والمؤثرات سواء الداخلية أو الخارجية . أما سؤالك عن علاقة اليورو بالذهب بالليرة ،، فالربط ماكان متل ماتخيلت أنت ! بقصد بالربط إنو الدولار حالياً منخفض مقابل الكل ، ورح يرتفع بالأيام القادمة ، دليل هالارتفاع رح يكون من وقت اليورو رح يسجل رقم 1.36 و 1800 للدهب .. وقتها رح ينخفض كل شي مقابل الدولار بما فيها الليرة المسكينة .. أما كلامك عن إنها كلها تخمينات ، فحتى بالسوق العالمي وأي استراتيجي بالسوق لازم يكون فاهم الأحداث العالمية خصوصاً للعملات أو السلع اللي عم يتداول فيها + عامل تحليل تقني وفني بمؤشراته الخاصة .. وضروري جداً يترك حيّز كافي للتخمين والحظ ( متل الكوارث الطبيعية ) رح اقتبسلك رد إلي بمنتدى جاوبت فيه شخص عن عدة تساؤلات وكان أول سؤال هو عن قضية التخمين بالسوق : جواب السؤال الأول : أخمّن السلوك الذي سيسلكه صانع السوق كما تخمّن أنت ردة فعل والدك إن سرقت ، أما أنا فلا أعرف كيفية ردة فعل والدك ، وأعرف ردة فعل والدي أنا ،،، إذن فالمعرفة بـ ردة الفعل لكل أب منّا قادمة بالاكتساب والمعايشة طيلة فترات متتابعة ، يوم بيوم ولحظة بلحظة .. هي التشرب كالاسفنجة إذن ، ولا تأتي من خلال الشرح .. فلا قاعدة هناك انتهى الاقتباس ؛ ؛ تحياتي |
رد: سعر صرف الدولار مقابل الليرة1-3-2012 (السوقي)
صباح الخير على الجميع
|
رد: سعر صرف الدولار مقابل الليرة1-3-2012 (السوقي)
اقتباس:
اخت شيرين ثقي ان الموقع له مصداقية عالية جدا وهو من المواقع القلائل الذين حافظوا على سوية عالية من بين مواقع كثيرة فقدت الثقة فيها لاسباب مختلفة .... ولكن بالتأكيد ليس بينها السبب الذي ذكرتيه ..... وكما يلاحظ الجميع تم السماح لمشاركات كثيرة اما من يقتنع بوجهه نظره فقط و(امام سر.....يمين در .....يسار در ) فمن الصعب ان يجد من يقتنع به... لا نقوم بمنع وحظر او تعديل المشاركات الا في حدود ضيقة جدا وعند الاضطرار فقط حاليا بالنسبة للدولار جاري الذي يسكن تحتي لديه سعر مختلف عن سعر جاري الذي يسكن جنبي واثق بهما معا .... بشكل عام اسمع جميع الاراء واختار مايناسبني |
رد: سعر صرف الدولار مقابل الليرة1-3-2012 (السوقي)
اقتباس:
شكرا لاهتمامك واجابتك أنت رجل دقيق ودمث وفهيم ، وهذا ما يفرق بين محلل وآخر ، العلم واحد بس المتلقي ومجالات اهتمامه ومدى قوة عقله وأخص الباطن هنا ، ذلك كله يلعب دور في تميزه عن الآخرين . ما حدا أحسن من حدا وإليك اقتباس من كلامي .;) لأحدهم عما تسميه أنت باستشراف رد الفعل للسوق كمن يستشرف رد فعل من خبرت ردود فعله . ربما تزاوج التوضيحين فتجد فكرة أسهل لإفهام الفكرة ، من الواضح أنك من محبي الإفادة وتوصيل المعلومة للآخر قد يناسبك سلك التعليم كثيرا . قلت : "شوف بقا : تغير السعر علمه عند الله طبعا ثم في العقل الباطن الذي يحلل في الخفاء ، ثم فجأة تقول والله خليني بيع أو ما بيع . طبعا هذا حسب الجو اللي معيش فيه عقلك الباطن ، مو تكون عم تتفرج على المسلسلات والأغاني ، وموجود في جو مدرسه ابتدائية وحديث المعلمات حواليك عن الطبخ ." انتهى الاقتباس مع حفظ حقوق الاقتباس للجعفري :) |
رد: سعر صرف الدولار مقابل الليرة1-3-2012 (السوقي)
اقتباس:
|
رد: سعر صرف الدولار مقابل الليرة1-3-2012 (السوقي)
اقتباس:
|
رد: سعر صرف الدولار مقابل الليرة1-3-2012 (السوقي)
اقتباس:
هالفرق بيخلي التهريب اكثر اثارة وربح فعلا هالفرق غريب |
رد: سعر صرف الدولار مقابل الليرة1-3-2012 (السوقي)
بالثمانينيات كانت الدولة تبيع الليرات في لبنان لتشتري دولارمن لبنان.هل بدايحصل هذا الان لا نعرف
|
رد: سعر صرف الدولار مقابل الليرة1-3-2012 (السوقي)
في المرة الماضية كان نفس السناريو.....ارتفع بسرعة الى حوالي 74 ثم صار سعره في بيروت أخفض بحوالي 5 ليرات ثم انخفض في سوريا الى 67 لفترة وجيزة بعدها ارتفع تدريجيا ليستقر عند 72 لفترة طويلة نسبيا قبل هذه القفزة الى 81 يا ترى ممكن يصير نفس الشي وينزل شوي لشي 77 متل سعر بيروت?
|
رد: سعر صرف الدولار مقابل الليرة1-3-2012 (السوقي)
هذا الكلام ممكن لانه ممكن الواحد يصرف دولارات في لبنان ويحضرها الى سورية .بس الصعوبة باخراج حوالي 80مليون ليرة !!هذا عدا مخاطر الطريق المتنوعة .لذلك نرى هذا الفرق .
|
رد: سعر صرف الدولار مقابل الليرة1-3-2012 (السوقي)
ارى ارتفاع سعر الدولاربشكل كبير هو فرصة للمغتربين لشراء اسهم منتقاة بشكل جيد .وشقق بببعض المناطق التي لم تزيد اسعارها .وتوجد ميزة للمغتربين عن المقيمين في سورية ان عملهم غير موتبط بالاوضاع في سورية وايضا لا يتحوطون للمجهول الذي لا يعرفونه .وانا تغربت 20 سنة بالخليج .لذلك اتكلم من ظروف عشتها ولحقت بعض الفرص الممتازة .
|
رد: سعر صرف الدولار مقابل الليرة1-3-2012 (السوقي)
شو الاسهم اللي بتنصح فيها اخ مجد داخل و خارج سوق دمشق؟
و بالنسبة للعقارات وين المنتطف اللي ما ارتفع سعرها !!! |
رد: سعر صرف الدولار مقابل الليرة1-3-2012 (السوقي)
المنطق السليم يسكت الجميع
ممكن تروح على لبنان ويتمقطعوا فيك ( فرصة ! محروق قلبهم ) نعم بيقولولك شو هالليرة المأنشحة وبياخدوها منك بأقل قيمة ممكنة وانت مزنوء وما عندك بديل . لذلك ممكن تحويل الليرة لدولار، يكون أغلى من السعر بسوريا بليرة تنتين أو تلاته على حسب المبلغ ومعرفتك بالصراف . أما تقلي أنهم عم يرجعوا يشتروا الدولار متل ما باعوه فهذا غير ممكن بيقولولك البلدي قليل هالأيام وما عم نحمل ، بياخدو منك الدولار وبيرجعوا سوري بأرخص من قيمة الدولار . أما أن يشتروا ويبيعوا بسعر أقل فمو معقولة . فرصة بالروحة بيعطوك الدولار 85 مثلا ، بالرجعة بياخدوا الدولار 75 ومثلا أيضا . أنا عم بعطي مثال توضيحي مو أرقام حقيقية . يعني من تبع حط ورقة عباد شمس ماذا تلاحظ ؟ كيف تغيير اللون ؟ ومن هالحكي هههههههههههههه. |
رد: سعر صرف الدولار مقابل الليرة1-3-2012 (السوقي)
دعا حاكم مصرف سوريا المركزي الدكتور أديب ميالة المواطنين إلى ضرورة الحفاظ على سلامة العملة الوطنية وحفظها بأماكن آمنة حتى لا تتعرض لأي ضرر أو تلف.
وبين ميالة أنه يرد إلى المصرف أوراق نقدية مشوهة بإحدى الحالات كالحريق أو الرطوبة أو نقص المساحة بسبب الاهتراء أو تعرضها لمواد أو سوائل مؤذية، مؤكداً أن العملة الوطنية هي الوجه الحضاري للبلد وإن سوء حفظ الأموال يؤدي إلى تلفها ويحمل الدولة أعباء مالية كبيرة. |
رد: سعر صرف الدولار مقابل الليرة1-3-2012 (السوقي)
لازم الناس يشتروا ذهب ويحطوه تحت البلاطة اما العملة الورقية فتتلف !!
|
رد: سعر صرف الدولار مقابل الليرة1-3-2012 (السوقي)
اقتباس:
بالحقيقة أنا كنت متحامل على الدكتور من مسموعيات سابقة ، الله يسامحه هلأ . بس هلأ كترت السكاكين على الضحية وما عاد من المروءة مهاجمته الله يعينه رايح كبش فداء لذنوب أرغم على حملها . |
| الساعة الآن 09:54 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks