الأسهم السورية ( المضارب السوري) - سعر صرف الدولار مقابل الليرة1-3-2012 (السوقي)

الأسهم السورية ( المضارب السوري) (https://syria-stocks.com/forum/index.php)

- - سعر صرف الدولار مقابل الليرة1-3-2012 (السوقي) (https://syria-stocks.com/forum/showthread.php?t=11011)

رد: سعر صرف الدولار مقابل الليرة1-3-2012 (السوقي)

السعر الآن 83 بيع

رد: سعر صرف الدولار مقابل الليرة1-3-2012 (السوقي)

اقتباس:

المشاركة الأصلية كتبت بواسطة ماهر محمد (المشاركة 170336)

السعر الآن 83 بيع

سعرك مظبوط اما اللي عم يقول 79 و 80 فسعرو نظري بحت بس عمليا 82 و 83 ومستنين الاخ بشر يعطينا السعر لانو سعر السيد بشر هوة مطابق للواقع بنسبة 90 بالمية

رد: سعر صرف الدولار مقابل الليرة1-3-2012 (السوقي)

اقتباس:

المشاركة الأصلية كتبت بواسطة emad dekelbab (المشاركة 170330)

أنا أسف أستاذ محمد يمكن فهمتني غلط وإن شاء الله بيتحسن وضع البلد ونكون جميعاً بخير
وألف شكر لجهودك المميزة

أنا فهمتك صح ممكن جاوب ؟
طبعا اتفضل .
والله متلك متل كل هالعالم . الكل عم يحاول يستفيد وما وصلت لعندك ووقفت . بس يا حبيبي كأنك بعيد جدا عن مجال السوق والمضاربة وإلا ماكنت سألت هيك سؤال ، خلاني حس انك من اللي لازم يستفيدوا ويلاقو مين يحميهم .
شوف بقا :
تغير السعر علمه عند الله طبعا ثم في العقل الباطن الذي يحلل في الخفاء ، ثم فجأة تقول والله خليني بيع أو ما بيع . طبعا هذا حسب الجو اللي معيش فيه عقلك الباطن ، مو تكون عم تتفرج على المسلسلات والأغاني ، ومجود في جو مدرسه ابتدائية وحديث المعلمات حواليك عن الطبخ .
تانيا مقدار المبلغ اللي معك ، محرز مو محرز ، يعني ممكن تصرف وتحط الفرق أجرة تكسي .
تالتا المال اللي معك انت بحاجته ولا ممكن تستثمرو على المدى الطويل ولا هيه مغامرة بشي قرشين باعتهم أخوك للوالد ة وقلت لحالك بقلبهم قلبتين .وباخد الفرق حلال !
المؤكد هنالك ارتفاع مفتوح ، الغير مؤكد الهبوط لا بالوقت ولا بالكمية . وصارالهبوط مستبعد لأن الناس فاقت للانهيار وعم يتذكروا، مبارح الختايرة اللي بيمشو ويهزوا على الطرفين، حتى هدول عم يتذكروا عند الخضري المرحوم يوم ما اشترى لبناني ليربح قامو طاروا .
بالآخر اللي بيعرف أكيد كان داوى حاله .
بعد ما خلصت كتابة اكتشفت احتمال يكون قصد السيد محمد إس أنو يقول ما بيعرف ! والله أعلم

رد: سعر صرف الدولار مقابل الليرة1-3-2012 (السوقي)

اقتباس:

المشاركة الأصلية كتبت بواسطة shereen (المشاركة 170338)

اخالفك الرأي ... طبعا اسعار السيد بشر لا اعترض عليها وهي صحيحة Big Grin
ولكن اسعار الصرف التي يضعها الاخ محمد من حلب ايضا صحيحة عن تجربة ومراقبتي للاسعار منذ فترة طويلة Big Grin
ولكن اسعار السيد محمد هي اسعار كميات للتجار ,, والصرافين يبيعون زبائنهم التجار بسعر اقل من السعر للزبون العادي هيك المعتاد .. الصراف ممكن يكم الزبون العادي بس ما بيقدر يزعل زبون دائم بيسحب بشكل دور وبمبالغ طائلة Big Grin
ولا ننسى الاسعار تختلف من مدينة الى اخرى بسبب صعوبة التنقلات ونقل مبالغ من مدينة الى اخرى

رد: سعر صرف الدولار مقابل الليرة1-3-2012 (السوقي)

اقتباس:

المشاركة الأصلية كتبت بواسطة محمد s (المشاركة 170310)

ميالة: المركزي بانتظار التوقيت المناسب للتدخل في السوق وإعادة سعر الصرف إلى مستوياته
تاريخ المقال: 2012-03-01

أوضح حاكم مصرف سورية المركزي أديب ميالة أن المصرف اتخذ قبل صدور العقوبات كافة الإجراءات والتدابير اللازمة لتجنب الآثار السلبية لأي عقوبات متوقعة، مبيناً أن هذه العقوبات لم تطل موجودات مصرف سورية المركزي من القطع الأجنبي والاحتياطيات الرسمية لسورية والتي ما زالت عند مستويات قوية وكفيلة بتلبية احتياجات البلد وتحقيق استقرار سعر الصرف.

مشيراً إلى أن هذه العقوبات تندرج ضمن سلسلة العقوبات المفروضة سابقاً والتي استهدفت بالدرجة الأولى معيشة المواطن السوري حيث إن المصرف المركزي يمثل القلب المالي للنظام المصرفي وهو مسؤول عن إجراء جميع التحويلات المالية في سبيل تأمين الاحتياجات الأساسية للمواطنين وإن فرض مثل هذه العقوبات على المصرف المركزي إنما هو بهدف شل حركته ومن ثم فرض حصار اقتصادي على المواطن السوري.

وفيما يتعلق بارتفاع سعر الصرف الذي حصل مؤخراً في السوق غير النظامية بين ميالة أن سبب هذا الارتفاع يعود إلى لجوء السوق غير النظامية إلى استغلال العقوبات الجديدة المفروضة بحق المصرف المركزي لإثارة الهلع في نفوس المواطنين ورفع سعر الصرف بهدف تحقيق بعض المكاسب غير المشروعة.

وأشار ميالة إلى أن استقرار سعر الصرف هو أحد الأهداف الأساسية للمصرف المركزي وأن المصرف المركزي بانتظار التوقيت المناسب للتدخل في السوق وإعادة سعر الصرف إلى مستوياته الطبيعية.

وتأتي هذه العقوبات في محاولة لتضييق الخناق على الاقتصاد السوري ولا تزال الدول الأجنبية تمعن في إصدار المزيد من العقوبات الاقتصادية والتي كان آخرها جملة جديدة من العقوبات طالت مصرف سورية المركزي تضمنت تجميد أصوله لدى دول الاتحاد الأوروبي إلى جانب منعه من بيع أو شراء الذهب والمعادن الثمينة والألماس مهما كان مصدرها إضافة لمنعه من نقلها أو تصديرها أو استيرادها

على مهل خليه عم يستنى وقتو المناسب، لسا في ناس شبه عايشة :rolleyes2:ay1

رد: سعر صرف الدولار مقابل الليرة1-3-2012 (السوقي)

اقتباس:

المشاركة الأصلية كتبت بواسطة a_khateeb82 (المشاركة 170326)

أخ ماهر على ما اعتقد الذهب ما تأثر بموضوع ايران هبوط الذهب سببه الاساسي تصريحات رئيس البنك الفدرالي برنانكي بخصوص التصور المستقبلي للاقتصاد الاميريكي
مع تراجع معدلات النمو بالهند أحد اكبر الدول المستوردة للذهب

بس شو الفرق بين برنانكي وبين ميالة Big Grin مافي فرق ابدا Big Grin

أنا بقلك الفرق أخي ....
الفرق إنو برنانكي لهلأ لما بيصرح شي تصريح بيأثر عالسوق :coool:
أما ميالة ما عاد حرك بالسوق ولا بقشرة بصلة ay1Big Grin

رد: سعر صرف الدولار مقابل الليرة1-3-2012 (السوقي)

السعر الان 80 شراء بيع لايوجد

رد: سعر صرف الدولار مقابل الليرة1-3-2012 (السوقي)

اقتباس:

المشاركة الأصلية كتبت بواسطة ماهر محمد (المشاركة 170336)

السعر الآن 83 بيع

اخي ماهر اذا ما وضعت سعر الشراء فهاد يعني سعرك غير منطقي و فيه شلف و بالتالي غير مقبول

المعتمد هو سعر الاخ ((محمد))

رد: سعر صرف الدولار مقابل الليرة1-3-2012 (السوقي)

اقتباس:

المشاركة الأصلية كتبت بواسطة shereen (المشاركة 170338)

طبعا مو تشكيك ببعض لما حدا بيقول سعرك مظبوط أو لأ ، الكل معتمد على صراف ممكن هوه نفسه يكون مغشوش ، وكمان موجودات الصراف بتلعب دور أساسي في التسعير ، ممكن أحيانا يقلل من الربح أو يزيد عند التشبع .
بس شو قصدك على سعر بشر ؟ يعني نزيد عليه ولا نطرح العشرة بالمية الفرق ؟ :coool: :) .

رد: سعر صرف الدولار مقابل الليرة1-3-2012 (السوقي)

اقتباس:

المشاركة الأصلية كتبت بواسطة سندباد (المشاركة 170348)

أخي سندباد منطقي و لا غير منطقي أنا مالي صراف
الأستاذ محمد على راسي
و بلاها هي كلمة شلف ما شلف
أنا سألت على سعر البيع و هيك حكولي بعدين احسبها لحالك انزل على الصايغ وأسأله أديش عم يبيع بألك 3950 و و أونصة 1716 دولار يعني الغرام الـ 21 48.27 دولار بتالي سعر نقابة الصاغة حوالي 81.85
48.27*81.85 = 3950
فا لو سمحت أنا ما بحكي تخبيص و شلف