|
رد: سعر صرف الدولار والذهب مقابل الليرة السورية يومي الخميس & الجمعة 13&14 -03- 2014
اقتباس:
بالوقت الحالي منعطيك انطباعنا والكذا والمذا بس ما منعتبرن حلوان نحنا حلوانا منعطيه عند شوفتك وشوفت الاخوه الاعضاء إذا الله اراد انو يجمعنا فيكم سيدي بيروت اليوم و متل العادة او في معظم الاحيان كل جمعه سبت احد اما يستقر السعر على سعر يوم الخميس او يهبط هبوط خفيف السبب هو انه معظم العمال يقبضون جمعياتهم(اسبوعي) وبصير حركة تصريف فيك تقول استغلال فالسعر لليوم 154----156 واللعب بيناتهم والخبر من ثلاثة ايام انو في ريحة طلوع بس ما مبين شي على الواقع ملاحظة الكذا والمذا من عندك بدنا ياهم لان ما عرفتهم |
رد: سعر صرف الدولار والذهب مقابل الليرة السورية يومي الخميس & الجمعة 13&14 -03- 2014
اقتباس:
|
رد: سعر صرف الدولار والذهب مقابل الليرة السورية يومي الخميس & الجمعة 13&14 -03- 2014
مشكور اخي المسار وان كنت اقصد في سؤالي الابتعاد عن الدولار لتحكي لنا عن انطباعات او ملاحظات في مناحي مختلفه ولكن لامشكله من تمك كلو حلوو .
،،،،،،،،،،، سمعت انو العوجا نزلت بالشام والكيلو ب 500 تقريبا الحبه ب خمس ليرات وسعره مقبول لانه في بدايه الموسم وكان سعره قريبا من ذلك في زمن دولار ابو خمسين اكله محببه لاهل الشام هي والجانرك وللعوجا انواع مختلفه. البلديه واللوز والعقابيه الحامضه جزء كبير منها يؤتى به من الغوطه كل اسبوع تقريبا يهبط سعرها بسبب زياده العرض وحسب وفره المحصول احيانا تأتي سعه (صقيع) يحرق المحصول واحيانا تهطل الامطار مع الرياح فيتساقط الزهر دون ان يبرعم ثمره والفلاح يدعو ان يبقى محصوله صامدا امام العوامل الجوية يبدو الكلام عن العوجا سخيفا امام مايحدث في سورية ،،،، ولكن الحياه مستمره والاطفال يذهبون للمدارس ويتعلمون واحد زائد واحد يساوي 2 ويتعلمون ماما ماما يا انغاما ومنهم من استشهد على مقاعدهم الصغيره لذلك ماكان سخيفا في نظرك هو مهما في نظر غيرك ( ياترى كم بطن شبع من افا عربايه العوجا ) سمفونيه حزينه مايجري في سوريا مكتوب علينا ان نعيش سلمها الغريب في تتابع مستمر دون توقف طبعا من يعيشها غير من يسمعها ومن سمع ليس كمن رأى ،،،، والله يفرج وكلشي والله يعين الجميع وعوجا وياما حنشوف ،،،، عوجا والطابق مكشوف،،،،، |
رد: سعر صرف الدولار والذهب مقابل الليرة السورية يومي الخميس & الجمعة 13&14 -03- 2014
اخي ابو نجيب
من سنه لهلق لحتى تم الاتفاق على الحكومه اللبنانيه وعلى فكره هاي حكومة شهرين فشو رايك ما تأثيرها على سعر الصرف |
رد: سعر صرف الدولار والذهب مقابل الليرة السورية يومي الخميس & الجمعة 13&14 -03- 2014
اقتباس:
ولكن سيدي الكريم أوكد لك مافي شي نزاد عالمستوردات حتى مع الخبرين يلي ذكرتون بمشاركتك فبدون شوشرة :لم يرتفع اي مستورد فرنك واحد , عالعكس التجار بقيان عندون مدة 22 يوم فقط لتصريف بضائعهم المرتفعة الثمن ابل مابنخرب بيتن وشكرا |
رد: سعر صرف الدولار والذهب مقابل الليرة السورية يومي الخميس & الجمعة 13&14 -03- 2014
اقتباس:
تحاكي أخاها الصغير المحصور مع أبويه بدوما على الموبايل ربما لم تكن تتوقع أن يحدثها عن المدرسة وألعابه الجديدة لكنها توقعت عندما سألته عن حاله أن يطمئنها كما طمئنها أبويها نحن بخير الحمد لله لكنه وفور الحديث معها سألها وهو يبكي نحنا ما عنا أكل أنتو عندكوم أكل شي ... فبكت ولسان حالها يقول يكاد حين تناجيكم ضمائرنا يقضي علينا الأسى لولا تأسينا حالت لبعدكم أيامنا فغدت سودا وكانت بكم بيضا ليالينا |
رد: سعر صرف الدولار والذهب مقابل الليرة السورية يومي الخميس & الجمعة 13&14 -03- 2014
استاذي ما صار شي حضرتك مشرف ومن
اهل الحل والعقد مسحلي هديك المشاركه لقلك انت سمعت انا شفت بس غير العوجه شفت انو صار البني آدم الس؟؟؟؟؟؟؟ صارت العوجه اغلى منو مع الاسف وصار وين من وجه وجهو بلاقي الضباع جاييتو لتنهشو شو بدك احسن من هيك انطباع كان البيت ببيروت باحسن احوالو ب300-400$ ومين ما بدو يسكن يسكن هلق اذا بدك اوضه ب500 وفي شروط مين بدو يسكن و عليك الماء والكهربا (طبعا كانو سابقا بكلفو20$ هلق 150$) وبلا ضجه وسكر تم الاولاد لا تخليهم يعيطو. هلق هداك الحكي للبيت هلق بدنا نطلع برا البيت ولا قلك خي غسان (لا تفتقلنا جروحنا )خلينا عمندفع بلا ما نحسب احسن متل ما تفضلت حضرتك عوجا وبلا ما نشوف.......عوجا وخلي الطابق مستور |
رد: سعر صرف الدولار والذهب مقابل الليرة السورية يومي الخميس & الجمعة 13&14 -03- 2014
اقتباس:
اذا بتغيم بلبنان بتمطر بسوريا وقت ازمة الحريري صار الدولار ب 65 ليرة وقت انفصال الليرة (البنانية السورية ) صارت الليرة السورية اضعاف ما كانت مقابل الدولار المشكلة بلبنان التنوع الطائفي الكبير بس الاهم انو الي ماسك البلاد عسكريا طرف واحد فقط هلا شكلو حكومة ولو مؤقتة ما رح تعمل شي هلا رح يبلش الضغط على حزب الله لسحبه من سوريا ولن ينسحب بالمرحلة القادمة وفي عندك حماس هلا بلشت تضرب اسرائيل ولو على صحاري وما راح ولا قتيل بس القنوات الاخبارية بتفخم الموضوع وبتقلك صواريخ على اسرائيل ومن هالحكي متل حرب تموز هلا في طبخة دولية عم تنطبخ العراق ومشكلتو مع المالكي حزب الله ومشكلتو مع الحكومة اللبنانية الجديدة روسيا ومشكلتها مع اوكرانيا قطر ومشكلتها مع السعودية والامارات مصر ومشكلتها مع الاخوان ايران ومشكلتها مع الغرب ولو ظاهريا (يعني لا في مشكلة ولا شي لاحظ معي ان الجميع يلتقون بطرف من الاطراف وكل واحد بدو يطلع من المولد ومليان حمص ادارة اوباما للسياسة الخارجية اثبتت فشلا ذريعا مع انو ممكن يكون توجهات السياسة الخارجية هيك لنوصل لهون ونحن الان امام مرحلة جديدة اما تحل بالتتابع سياسيا وهو ما سيؤدي لانتعاش اقتصادي قادم او تحل عسكريا وهو ما سيؤدي الى جحيم اقتصادي قادم الذهب ملاذ امن جدا للمستقبل الدولار ملاذ امن جدا بالوقت الحالي الذهب حاليا اغلى من الدولار لذلك انصح بالادخار حاليا بالدولار اما بالنسبة للسعر المتوقع بالقريب العاجل اذا ضلينا هيك وبدون حوافز خارجية لا يوجد نطات قوية بالسعر التدخل القادم للمركزي مو قبل سعر ال165 والي بتوقع نشوفو بنهاية الاسبوع القادم (مشكلة التدخل الان ما عاد ينحزر عليها لانها كلمة وتقال والاهم من ذلك قيام المركزي بتصريح مباشر انو شراي للدولار مو بالضرورة بياع والله اعلم بالاخر هي تحليل شخصي قد اكون مخطا وقد اكون مصيب |
رد: سعر صرف الدولار والذهب مقابل الليرة السورية يومي الخميس & الجمعة 13&14 -03- 2014
اقتباس:
اولا...انا لست متشائما....انا اصبحت كتلة من التشاؤم. ثانيا...وضعت المشاركة للافادة العامة و تبليغ بعض الزملاء بعضهم عند طلب المساعدة عن طريق الهاتف فيما بينهم كما حدث مع استاذنا و اخونا عابر. ثالثا ...احب ابو العلاء المعري كفيلسوف الشعراء و شاعر الفلاسفة كما وصفه الاخرون و هو اصبح متشائما بما عاناه و لم يولد كذلك.و انا لم اكن متشائما و لكن اصبحت. رابعا.....اعجبني انك تحفظ مما قاله ابو العلاء. خامسا....بخصوص سؤالك عن غيابي....و حضرتك ما منشوفك الا بالشهر مرة...متل الراتب...دغري بتختفي. خامسا...ما ضل شي قولو غير اللهم فرج عن البلاد و العباد... اخي نجم يمكن 99.9 بالمية من السوريين هم اصبحوا متشائمين و لم يولدوا كذلك..و .001 المتبقين الله اعلم شو هنن..ممكن يكونوا مج..... او شي تاني... كلك على بعضك كتلة من الذوق و الادب و العلم. |
رد: سعر صرف الدولار والذهب مقابل الليرة السورية يومي الخميس & الجمعة 13&14 -03- 2014
اقتباس:
أهلين أخي أبو العلاء المحترم كل كلامك صح وخصوصا بموضوع التشاؤم من فترة كتبت عالحالة بصفحتي عالفيس بوك تجهز للأسوء وأتت التعليقات من بعض من يقطن بالخارج أو خارج المعاناة اللتي تدعو للتفاؤل والقادم أحلى من اللي فات ... وعلى قولة أخي غسان من سمع ليس كمن رأى وكل مين يغني على ليلاه على كلن نحنا من باب الحركشة منسأل عن الطيبين عل طول :) |
رد: سعر صرف الدولار والذهب مقابل الليرة السورية يومي الخميس & الجمعة 13&14 -03- 2014
اقتباس:
المهم كاتبين بالكاركيتر بما معناه اذا ملك التفاؤل مات حرق ،،، نحنا شو بدو يصير فينا !!؟؟ ولكن اخي ابو العلاء نحن محكومين بالامل وهو مايجعلنا نتحرك ونعمل اما التشاؤم فيؤدي الى اليأس والركون للحزن الذي لن يحل المشكله عموما تسير حياه معظم السوريين يوما بيوم ،،،، وخليها دائما على الله تعالى ان يتولى الجميع برحمته |
رد: سعر صرف الدولار والذهب مقابل الليرة السورية يومي الخميس & الجمعة 13&14 -03- 2014
غسان
نجم أبو العلاء السلام عليكم الخلاصة يريد المرء أن يعطى منـاه..:..ويأبـى الله إلا مــا أرادا قول المرء فائدتي ومالـي..:..وتقوى الله أفضل ما استفادا ولرب نازلةٍ يضيق لها الفتى..:..ذرعاً وعند الله منها المخرج ضاقت فلما استحكمت حلقاتها..:..فرجت وكنت أظنها لا تفرج حَتَّىٰ إِذَا اسْتَيْأَسَ الرُّسُلُ وَظَنُّوا أَنَّهُمْ قَدْ كُذِبُوا جَاءَهُمْ نَصْرُنَا فَنُجِّيَ مَنْ نَشَاءُ ۖ وَلَا يُرَدُّ بَأْسُنَا عَنِ الْقَوْمِ الْمُجْرِمِينَ |
| الساعة الآن 10:14 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks