|
رد: صالون سيرياستوكس للعطلات (1-2-3-4)11-2012
في مالايزيد عن عشرة أسطر.. اشرح الفروقات بين الأصوات الناتجة عن الانفجارات والعبوات المفخخة وتلك الناتجة عن القصف بمختلف أنواع الأسلحة. مع شرح مبسط عن كل سلاح (عشر علامات)
هاد السؤال طلع معي من وحي انفجار المزة اللي فكرته قصف خخخخخخ |
رد: صالون سيرياستوكس للعطلات (1-2-3-4)11-2012
فقـــــــط فــي سوريــــــــــا:
أصبحت العلاقات الاجتماعية.. تعزية شهيد.. زيارة جريح.. مواساة أسرة مخطوف.. وداع مسافر..! جميعها تجمعها الدموع .. و الذكريات.. و الحرقة .. ليذهب بعدها السوري ... و يكمل سهرته على ضوء التلفاز .. و أنغام الأخبار ....... و يخبئ الأمل على وسادة أطفاله .. لـــ يصبــــح عـــلى وطــــــــــــــــن ..........! منقول |
رد: صالون سيرياستوكس للعطلات (1-2-3-4)11-2012
اقتباس:
الصاروخ صفير ثم دججججججججج المفخخة ددددددددجججججججج الهاون بففففف دجججججججج الدبابة كصوت الرعد هدول يلي بعرفون انسة سلام ..... كيفك ..... عنجد صار الواحد مافي غير يضحك او رح يضطر يبكي كل دقيقة لانو كل دقيقة في موت ودمار واخبار سيئة وشر البلية مايضحك بس شو بدنا نعمل لا البكاء ينفع ولا الضحك ينفع احسن شي يضل الواحد يعمل نص عاقل نص مجنون شوي يبكي شوي يضحك صاروا عشرتسطر ياترى عد ياعداد........:):confused2::maad::eek:Big Grinay1Frown11 |
رد: صالون سيرياستوكس للعطلات (1-2-3-4)11-2012
اقتباس:
اذا حدا فاضي يعد يبقى يعد.. المهم... انا ماشي حالي لساتني عايشة والحمد لله.... لا جديد تحت الشمس... انا اخدتها من قصيرها ولا عم ابكي ولا عم اضحك.. ولا عاملة نص عاقل ولا ربع مجنون... انا عم راقب بدهشة وصمت... وناطرة الايام شو لسا رح تفرجينا.... |
رد: صالون سيرياستوكس للعطلات (1-2-3-4)11-2012
يعني فيك تقول شعاري الجديد بعد نظرية الخمسين بالمية الشهيرة..
ما أجمل صوتك أيها الصمت... |
رد: صالون سيرياستوكس للعطلات (1-2-3-4)11-2012
1 مرفق
هدية لامي و الكل الامهات يلي بيخافوا كتير على ولادن http://www.syria-stocks.com/forum/at...1&d=1351726799 |
رد: صالون سيرياستوكس للعطلات (1-2-3-4)11-2012
عزيزي بابا نويل …
هالسنة سوريا رح تكون متغيرة عليك كتير!!! لهيك لازم اعطيك كم نصيحة : هالسنة وانت جاية لعندي لاتنسى هويتك لانو صار عنا حواجز كتير! ولا تلبس لون احمر لأنو والله شبعنا من هاللون يللي معبي الشوارع! وحاول تخفف دقنك لحتى هدول ما يفكروك مع هدوليك , وهدوليك ما يفكروك مع هدول .. مع انو دقنك بيضا ومبين عليك ختيار .. بس في ناس ماعادت فرقت بين الختيار وبين الشب وبين الطفل ! ولاتطلع عالأسطوح و تفوت من المدخنة لحتى ما حدا يفكرك قناص ! ولا تحاول تفتش على كل الولاد يللي شفتون السنة الماضية ... لأنو يا بابا نويل في منن راح لعند ربو وهو ما بيعرف ليش... تتذكر يا بابا نويل الطفل يللي خلق بعيد الميلاد الماضي وأنت قلتلو إنو السنة الجاية بدي إجي لعندك وشوفك عم تحكي ؟؟... تتذكر ؟!!... هاد الولد أول كلمة قالها (( بووو انفزااال كبييل )) نعم .. هي أول كلمة قالها بابا نويل ... تتذكر السنة الماضية وقت سألتو لهداك الولد شو جبلك السنة الجايه شو قلك ؟!... تتذكر ..!!!؟ قلك العيد الجايه مابدي هدية ,,, العيد الجاية بدي صير كبير قد البابا والماما .... خليني قلك انك مارح تقدر تحققلو هالأمنية هي لا هلاء ولا بعد عشرين سنة ... لأنو راح ... راح مع كتير ولاد راحت وماعاد ترجع ... بس لا تخاف مو كلون بنفس الطريقة راحو ... في منن هنن وقاعدين ببيتون وعم يحلو وظيفة القراءة صار إنفجار حد بيتون وإنجرحوا وبعدين راحوا ... وفي منن كان ماسك إيد امو بالشارع متل ما انت وصيتو تمام وإنفجرت سيارة جنبون وراحوا هو وامو ... وفي منن كانو طالعين من المدرسة وما كانو معذبين المعلمة أبداً وفجأة وقع بالأرض وصار حدو دم كتير ... وبعدين عرفنا انو صابتو رصاصة طايشة ... وفي كتير أسباب غير هيك كمان يا بابا نويل ... يعني إذا بدك تجي هالسنة على سوريا لا تسأل الأهل عن ولادون ... لأنو يمكن يطلع حدا من هالأهل رايحلو شي ولد , وبدل ما تزرع الفرحة بقلوبون رح تنكش جرح ما بيطيب ... . . بابا نويل بدي منك هدية وحدة وبس ... بدي منك تهدي كل السوريين شوية محبة لبعضون البعض .. بدي منك تخليون يعرفو كيف يحبو بعض ... بدي ترجّع المحبة لقلوبون ... بتقدر ....؟؟!!! أكيد بتقدر , لأنك إنت بابا نويل يللي كلو محبة ... . . وأخيراً .... وانت راكب عرباية الغزلان وجايه لعنا ... دير بالك من المشلحين عالطريق ,,, لأنو هدول لا مع هدول ولا مع هدوليك ,,, هدول عم يستغلو قلة الأمان وعم يخطفو ناس وعم يسرقوا ناس وأحياناً يللي مامعو يدفعلون عم يقتلوه . . دير بالك على حالك بابا نويل ... لأنو كتير ضروري توصل هديتك ( المحبة ) بأقرب وقت على سوريا ... |
رد: صالون سيرياستوكس للعطلات (1-2-3-4)11-2012
قط ... بس بيشبه الخاروف ضاع وطلع من البيت :confused2: غـــــاب يوم كامل وما بيعرف شي برا يا خطيتو ... Frown11 نشرت اعلان بالحارة عن قط مفقود .... فتم العثور عليه وعاد سالماً غانماً ... Big Grin ونام نومته الشهيرة ... ;) http://im20.gulfup.com/mlfo1.jpg |
رد: صالون سيرياستوكس للعطلات (1-2-3-4) 11-2012
اقتباس:
الله يكرمك ... يارب ياهيك دعوات يا املا بلااااا :rolleyes2: |
رد: صالون سيرياستوكس للعطلات (1-2-3-4)11-2012
اقتباس:
خرج لبرا من أجل يدور على صديق فضاع |
| الساعة الآن 07:56 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks