|
|
اقتباس:
والشيء بالشيء يذكر من التعاليم أيضا : كونوا ودعاء كالحملان وحكماء كالحيات الخميس اشتريت 50 دولار من واحد مقطوع ، ماضل معي سوري ، اليوم بعتهم بسعر 153 ربحت 50 ليرة هههههه بطريقي للبيت اشتريت : زيت قلي ، خبز ، علبة حلو ، بطاريات ، بن ، حليب ، مكرونة . وسلامتك وأنا بالطريق قلت وينها هي سيارة المصاري ؟ ;) مصروف بلا دخل يعني الناس بدهم ينزل الدولار ، شو الفائدة ؟ بس ضرر للي معو دولار ، اللي ما معو ما بيستفيد لو نزل سعر الدولار كنت رح اشتري أكتر ؟! الله لا يجربنا |
|
شارع فؤاد الأول من جسر فيكتوريا بإتجاه بوابة الصالحية بأواخر الخمسينات
https://fbcdn-sphotos-a-a.akamaihd.n...25652160_n.jpg |
تصبحون على خير
إلى اللقاء غداً .. بأمان الله ... |
اقتباس:
ولخطيب جامع الورد لا أشك في حسن النوايا ، ولكنني أشك في حقيقة الرواية بالمختصر ألم يساند أحدهما الآخر في تحويل الرسول بالمحصلة إلى نمام ، فضح المرأة ؟ ليس كل ما يلمع ذهبا ، والراعي الصالح لا يكفيه حسن النية ، بل وعيه أهم إن الطريق إلى جهنم معبد بالكثير من النوايا الحسنة . يبتدع البعض قصصا رغبة منه في التوجيه وضرب الأمثلة وينسبها إلى رواية أو حديث فيعطي عكس المطلوب ، وقد يعتقد أن ذلك كذبا حلالا مثلا . لقد كان لنا في الخنفشار أسوة حسنة .;) |
تنويه عن الخنفشار وقد أوردته سابقا ، ولمن لم يقرأها :
بالمختصر ، كلمة ابتدعها مجلس ملك لفضح أحد الحكواتية المدعين ولما سألوه عنها قال هي مادة خلطها العرب بالحليب فأصبح لبنا وسند ادعاءة بشعر ادعى انه قديم لقد مزجت محبتكم بقلبي ................ كما امتزج الحليب الخنفشار . |
صباح الخير
|
صباحكم .. ورد .. فرح .. وقوافل بهجة ..!
صباحكم .. خير .. حب .. وباقات سعادة ..! https://fbcdn-sphotos-h-a.akamaihd.n...47548392_n.jpg |
|
اقتباس:
شكراً جزيلاً لمداخلتك أستاذنا الغالي .. ويسعد الله صباحك بالمحبة والنور للتوضيح : عندما بدأ بالقصة أوضح انها حقيقية وأنها قديمة جداً قد تكون من مئات السنين والله أعلم هل يعقل مثلا شخص بمرتبته أن يسرد هكذا قصة وفيها فضيحة ما ... أو أن يستنتج ما هو غير لائق بالإسلام ورسول الله صلى الله عليه وسلم ... طيب استعرضت ما تعتقد أنها نقاط سلبية .. حبذا كمان نشوف منها الايجابية .. على سبيل المثال : لا يجوز أن تستخدم حقوقك وصلاحيتك بما هو ضرر للآخرين في حين أنك تستطيع أن تكون مصلحاً وبطرق ذكية وتخدم الهدف الأسمى للدين وتعاليمه السمحة .. والآية الكريمة تختصر كل القصة .. ويمكن الاسلام ككل .. كدين المحبة والتسامح .. قال تعالى" وليعفو وليصفحو الا تحبون ان يغفر الله لكم" وفي كتير افكار .. أوردت بعضها على عجل .. تحياتي لك استاذنا الغالي ... |
ابتسم ♥~
واجمع في نفسك السعادة كلها فلن يعود الماضي ... ولن نغير الحاضر بالحزن! ... إن فقدت عزيزا فلن يعيده الحزن! وان غدر بك شخص أحببته فلن يعتذر لك! وان لم تحظى بمحبك ... فلن يتحول الزمن ببكائك! وان ضاعت ثروتك فلا تتأمل اقتنائها بالحزن ! لذلك إتبتسم الآن https://fbcdn-sphotos-g-a.akamaihd.n...59476896_n.jpg |
|
صباح الخير للجميع شو هانشاط الحلو أخ سعيد .. بس بدون ما تآرشلنا أخونا عابر اذا بلش بالخنفشار...وين بدو يوصل ...الله يستر ----------------- ملاحظة تآرشلنا : يعني هي ...تعني ....يعني ..هيك .. مو فهمتوا عليني .... |
اقتباس:
إنما ما قصدته أنا الفضيحة في وقتها وليس الآن فينبغي الحذر ، ولا أحد معصوم أبدا . من نعجب به عادة ، لا نستطيع تمييز السلبيات في كلامه أو تصرفه ، بل ونفهمها على السياق الذي بنينا عليه فكرتنا عنه . وسأكتب موضوعا في هذا عن بعض الأدباء المغتربين وكلنا خطاؤون |
اقتباس:
أنت عم تحكي عن سيارة يمكن مدنية ، لأ ما أحلاك ومشلح الركاب كمان ! شبنا ؟ أنا عم أحكي عن سيارة تانية ، غالبا أصحابها عم يلعبوا فينا ويشلحونا وبأسوأ الأحوال ما بتؤذي حدا مباشر ، بيسجلوا بالمحضر النواقص ، وبتضيع الطاسة . السيارة المذكورة حلم ، ولو تعرضت لحادث ما بتنفتح . بس يا ريتها بتنفتح هههههههههههه |
اقتباس:
تآرش هي كلمة أصلها تركي وبيقلبوا التركيبة ، بس بيفهموا على بعض نحنا منقول ما تآرش ، هنن بيقولوا قارش ما وبالمغرب فيهم هالعادة مثلا نحنا منقول : حتى ما خليت فيك شي هنن بيقولوا : حتى شي ما خليتو فيك وهي من أغنية عم تتحدث فيها المغنية عن جرحها بتقول جريت وجاريت وعييت وتهديت للقراءة الصحيحة سكن كل الأحرف مبروك صرت مغربي :) |
صباح الخير صباح الورد صباح الفل |
أغلب اللي بيسافروا ، بتتوفرلهم فرص كتيرة ، ما بقدر أحصرها كلها بس ببالي فكرة يعني الواحد بيروح وبيحكي عن أمجاده ، وبيكبر بحاله ، وما حدا بيقدر يكزبو وبيرجع على بلده وبيعد عن بطولاتو ، وكيف الناس هنيك محترمينو وعارفين قيمتو كان المسافر يحمل معو قصص وحكايات وأشعار وأمثال ، وبس يحكيها أو يترجمها بيشوفو هونيك فطحل زمانو . خصوصي أنو لا في نت ولا غوغل ولا فضايح . شي بينسبها لنفسه وشي بينسبها لأبوه وأمه ، وبيكونو أهله ما بيعرفو الخمسة من الطمسة بس يصير عندو جمهور ومعجبين ، بتنحل مشاكلو بيصفن صفنة بالسما وبيقول : الصباح يصبح على الرغم من الشجر طبعا علاك مصدي بس الرجل حكيم عصرو ، ما ممكن يكون علاّك ، أكيد هنن مافهمو وما بدهم يظهروا جهلهم ، بيصفقوا وبيطربو ، وبيقولولو الله عليك بيتناقشوا وبيلاقو بين الأسطر على اساس المعنى بقلب الشاعر ، وبيطلع حدا بيقول هوه قصدو هيك يا إلهي شو نظرتو عميقة . بيلاحظ صاحبنا الاعجاب ، فبيقول فعلا أنا هيك كان قصدي ، برافو عليك . وطبعا لما بيرجع بزيارة ، بيجيب معو قصص المايا والهنود الحمر والعفاريت الزرق ، وبيركب وبيقص وبيلزق ، وبنستغرب من حكمتو يعني شغلة بتشبة اللي بعمرو مو لاعب شطرنج ، ولعب مع اتنين فطاحل سوا ، وكان كل واحد بغرفة ، وكان مجرد وسيط بيناتون بس ما حدا كشفو ، غلب واحد وخسر قدام التاني ، بس مع هيك نال اعجاب اللي خسر قدامو . طبعا على كم مرة إلا ما يلحقو شوية صدف ، وإلا ما يحكيلو شي شغلة صح ، وبيصير أسمو أديب من أدباء المهجر . أنا بشوفو ببساطة تعلم البيطرة بجحاش النور . في ملحق يتبع . |
تصادف أن زرت مع أهلي رجلا كان اسمه ربحي كمال ، هي بالاسم حتى تتمكن الرواية ، وكان متلنا من أوائل سكان المزة وبما أننا مقطوعين ما كان في زيارات غير للجيران القراب . الرجل كان مذيعا بهيئة الاذاعة السورية ،ويقدم البرامج العبرية ، الموجهة لأعدانا الصهاينة ، بلكي بنفتل عقلهم . كنت بالصف الخامس أو الرابع ، سألته وكان بالنسبة لي جاي من المريخ ، العمى بيعرف عبري ! نعم سألته وين تعلم وشو الكتب اللي عنده . قلي تعلم بكلية الآداب وفرجاني كتبه . لفت نظري مجلد كبير ، أكبر من كل شي بحطو بشنتايتي ، كان من مطبوعات الجامعة . طلبت استعارته ، والرجل وافق . نسيت شو كان بالكتاب ، بس لقيت شعر مترجم بتصرف ، ليهوذا اللاوي . قصيدتين واحدة بوصف البحر والتانية بوصف الفقير . حفظت القصيدتين ، مع أني كنت ما كتير شاطر بالمدرسة أيامها . كان الوصف والفكرة حلو كتير الفقير أجيء إلى بيت الأمير مع الفجر ......... لأرجوه من يانع الرغد النذر فأخبر أن قد راح من قبل راكبا ............وما حيلتي فيه وما حيلة الصبر إلى أن يقول وقد كان لي أبراج حظ تهافتت ..........ودولاب سعد مال في المهلك الوعر ( يمكن مو تهافتت ) فلو كنت بالأكفان يوما متاجرا .........لما سيق في عمري رجال إلى القبر ولو كنت بالشمع القليل متاجرا ........ لما أفلتت شمس النهار مدى عمري . بالله ما بستاهل تنحفظ ؟ بس مو هون مربط الفرس من فترة لقيت شاعر ومحدث ، يقول في أحد المنتديات : سافرت مع أبي في رحلة بحرية وساء الطقس يومها ............. الخ فارتجلت الأبيات التالية : بحار كأطراف الجبال تثور ........... وموج كأسراب السفين يسير فياربنا اسودت علينا سماؤنا........... وأضحت مياه الشاطئين تغور ( مدري تمور ) وقد فرح الحوت الكبير بما رأى ........ وما الحوت إلا في الوحوش أمير إلى نهاية القصيدة خطر ببالي أعمل اشتراك بالمنتدى المذكور ، وأعملو زفة وغسل فيه المزابل على هالكذبة ، فالقصيدة أنا حافظها ، لا هو ارتجلها، ولا ممكن يكون توارد خواطر ، الفكرة بتنسرق وبينعاد سبكها مو حرفا بحرف . يعني تبع التوارد ممكن يكون حرامي كمان . بحثت بالمنتدى لقيت المشاركين اتفه منو ، تركتو ، وقلت فخار يكسر بعضو . تمت . |
اقتباس:
بدك تتفاجأ انو يلي انقذتوا أول مرة و هو جثة هامدة كان عقيد بالجيش السوري .. آل انقذتوا و جثة هامدة ...اي ما يبلى هالانقاذ... تؤول انقذتوا من أنكر و نكير أو من عزرائيل و أنا مالي خبر ------------------------------ صحيح أخ عابر في عندك شي معلومات عن أنكر و نكير.. |
عندما يكون الحديث عن المال فإن كل الناس على دين واحد فولتير |
|
تمني الصداقة عمل سريع لكن الصداقة نفسها ثمرة بطيئة النضج ارسطو |
|
https://fbcdn-sphotos-b-a.akamaihd.n...04457474_n.jpg https://fbcdn-sphotos-a-a.akamaihd.n...73204112_n.jpg ---------------------------------- مظاهرات تركية . تشو جوزال مظاهرات توركيا ........ تشوو جوزال أفندمات تركيات.... ما عاد استرجي عللق أكتر من هيك ... ------------ |
مساء الخير حوالي 600 شجرة رح يقطعوها باستنبول عملت كل هالمظاهرات .... سؤال كم شجرة تقطع يوميا في غوطة دمشق منذ عقود ؟؟؟؟؟؟؟ |
اقتباس:
ما واصلة اللغة التركية للعمق الحمصي ، وإن وصلت بتوصل ناقصة تشوك جوزال ، مو شو بالتركي بعد الواو ، ولو مو واو الجماعة ، بيحطولها كاف الاطلاق ياسيدي راجع المصادر الفنية تقول طروب : شوك بحبك شوك شوك ، وانت خبر يوك شوك مو قصدها أنو عذابها بفراقو بيؤلم متل غزوزة الشوك ، تركي هاد مو عربي . بعدين بتقول ياجارح قلبي بالمرة ومداويه بالشوك ، هون عربي يمكن هاد سبب الالتباس بس هاد شو ؟ طباق ولا جناس ؟ الله يرحم هديك الأيام ، مابقي ببالي غير انو إذا جاء السجع في الشعر ، يسمى ترصيعا . وطلعلي مناهج بتسميه تصريع . أنا موقاهرني غير اللي بيعقد وبيصعب وبيضيف مفردات قال شو ؟ طريقة ناجعة مو ناجحة . لأنو ناجعة يعني فعالة ، طيب ناجحة مو فعالة ؟ ياسيدي يقول فعالة وخلصنا . |
اقتباس:
لأنو قربت ، عم حضر واحفظ المرافعة . أولا هنن منكر ونكير بضم الميم في الأولى وفتح النون بالتانية . بس شوفون برجع وبحكيلكم لا تظنوا رح حل عن المنتدى هدول في عنهم قصص تهويل من الخيال العلمي قصدي الديني ، بهدف الوصول إلى طرق ناجعة في تعزيز الايمان عند الناس والخوف من القبر وعذابو ، وبينسوا انو رايحين لعند رحمان رحيم خود مئلا في القبر خوف ورعب ، وأصوات وحوش وحيات بتلف على الميت وبتعضو طيب الميت شو اللي بيخوفو ؟ طالما مات وخلص هاد الحكي بيخوف الأحياء من الموت ، الميت رح يموت مرة تانيه مثلا ؟! الممتع بقا انو الناس بينسو أنو رح يكونوا ميتين ، وما بقي شي محرز بالقبر طالما الروح راحت لعند باريها ، وبيموتوا من الرعبة ! وببلشوا تكبيس بالعدادة بلا وعي أو تركيز . يعني الواحد حرام يبيض وشنا متل عبد الوهاب المسيري ، أو رضوان السيد مثلا . لازم المسلم يكون مصرصع ومهبول ومغرق بالجهل والعامية ؟ ياترى أي مفلسف بيطلع علينا بيعرف شي عن فقه الأولويات ، حتى يشوف أديش هو بعيد عن الدين وعم يلحق السفاسف ويغرق فيها ويكفر الآخرين بهتانا . |
| الساعة الآن 01:15 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks