|
صالة أسعار صرف الدولار وباقي العملات مقابل الليرة السورية ليوم الجمعة 17-5-2013
السلام عليكم لآول مرة أسمحوا لي أن أفتتح صالة سعر صرف الدولار ليوم الجمعة 17-5-2013 |
اللهم زد وبارك
|
اقتباس:
بارك الله افتتاحيتك وجعلها فأل خير ان شاء الله |
أسعد الله صباحكم وجمعة مباركة باذن الله |
قرأت منذ يومين مقالا" عن الشعوب الكسولة وفاجأني أن أرى بأن الشعب السعودي بالمرتبة الثالثة عالميا" واليكم هذه القصة: في أحدى سفرياتي الى دبي التقيت صدفة بثلاثة شبان من أهلنا الطيبين في الامارات، كانوا قد جلسوا في مقهى بمول الامارات (ولا أعرفهم من قبل، ولايعرفون بأني من سورية)، بعد التحية والسلام عرفت بأنهم من دبي، سألت أحدهم: يا أخي عاش من شافكم، دائما أتجول في دبي ولا أرى الاّ العمالة الهندية او البنغالية أو الاندونيسية، ليش هيك يا أخي...؟ عم سجّل عليكم غياب. ضحكوا ثم قال أحدهم: نحن قوم لانرى الشمس نستيقظ عصرا" وننام فجرا" فقلت له: ماشاء الله...، مكتوب على قشر الخيار السهر بالليل والنوم بالنهار، وبتتركوا أشغالكم وأعمالكم يديرها البنغالي والهندي؟ لا .. لا يحق لكم أن تقولوا اماراتي وأفتخر أجابني الآخر بعد ضحكة طويلة: لا يا أخي أنا كل اللي بيشتغلوا معي من سورية، السوريون معروفين بنشاطهم وصدقهم وأمانتهم، فقلت له: اذا يحق للسوري أن يقول: سوري وأفتخر قالوا: نعم ونبصم على ذلك ********** افتخروا بأنفسكم بدون كبرياء واسألوا الله برجاء أن يعجل لسورية بالشفاء |
صباح الخير للجميع
وبارك الله افتتاحك أبو وحيد |
اللاذقية اغلاااااق
147-148شراء 150-151مبيع مع عدام اقبال على الشراء عند الاغلاق لأغلب الصرافين |
صباح الخير يا سورية صباح الخير يا أهل سورية اللهم فرج همنا برحمتك يا ارحم الراحمين |
قيل سأل سليمان الحكيم نملة : كم تأكلين في السنة ؟؟؟؟ فأجابت النملة : ثلاث حبات فأخذها ووضعها في علبة .. ووضع معها ثلاث حبات ومرت السنة ..... ونظر سيدنا سليمان فوجدها قد أكلت حبة ونصف فقال لها : كيف ذلك قالت : عندما كنت حرّة طليقة كنت أعلم أن الله تعالى لن ينساني أما بعد أن وضعتني في العلبة فقد خشيت أن تنساني فوفرت من أكلي للعام القادم |
أغلق سوق حلب أمس بتفاوت: شراء 147 ـ 147.5 مبيع 149 ـ 149.5 وسمعت عن أسعار جاوزت 151 ولكن لم يحصل شراء بهذا السعر |
صباح الخير
حقيقي شي بيحير ، يعني الناس لها الدرجه جاهلين ، ولا ماعندهم ادنى درجات المنطق ؟ عفوا ما المقصود الجميع ، بس واضح من بعض المشاركات ، إلا اذا كانوا يقصدون التضليل . مثلا المركزي بدو يرفع الدولار ليبيع دولاراتو ؟! مين ممكن يظن أن المركزي عاجز عن طبع الكمية التي يرغب بها ؟ يمكن ما بقي غير يطبع دولار كمان في حدا ما شاف الألف الجديدة ؟ تانيا اللي ما بيعرف بالاقتصاد والاحتياطي وكيفية تقييم قيمة العملة من خلال الميزان التجاري طيب خلينا بعيدا عن الاقتصاد وخلينا نتخيل هالمشهد مقاتلين اثنين مثلا ، محصورين في غرفة ، وماعندون غير قنينة مي واحدة ، قننوا وشربو أقل ما يمكن ، وأخيرا فضيت القنينة ، رح يموتوا من العطش ، انتظروا كم يوم ، وبعدين انتهى القتال وعادت الأمور إلى مجراها . والسؤال هل سيتفاجأون بأن قنينة الماء إمتلأت فجأة بقدرة قادر ويرجعوا يشربوا ويروو عطشهم ؟ إذا كان هاد ممكن ، بدون ما يطلعوا يعبوها من مصدر خارج الغرفة ، أو إذا ما كان عندهم شي يبيعوه ليشتروا ماء ، بظن من السخف نعتقد ان القنينة رح تتعبى . من مجرد هالصورة البسيطة ممكن لأي انسان بسيط يفهم أن مجرد توقف القتال ومهما حل من أمان لن يتراجع ثمن الليرة ، ممكن يتوقف الهبوط ، ممكن تتحسن شوي مع تحسن الصناعة والتصدير الزراعي وعودة السياحة ، أما نفيق الصبح نلاقي الليرة رجعت فهذا مجرد وهم وسذاجة . الليرة اللبنانية كانت أقوى من السورية ، كان الدولار 3.25 ، ظلت تنهار لتجاوز الدولار 3000 ، بعد الحرب تحسنت بالتدريج ورجعت ببطئ ووقفت عند 1500 ومازالت من اكتر من عشرين سنه . ولسا في ناس مفتكرين انهم أول من اخترع الدولاب ! |
السلام عليكم ورحمة الله وبركاته أسعد الله صباحكم بكل خير أغلق سوق حلب أمس الجمعة 148 150 مع أختلاف بسيط حسب الزبون |
صباح الخير للجميع وان شاء الله جمعة مباركة للمظلومين في سوريا والظالم الله لا يوفقوا
اغلق السعر يوم الخميس في القامشلي وتوابعه شراء حوالي 144 والمبيع حوالي 145 للدولار |
اقتباس:
عملتنا هللق وضعها ممتاز بسبب الدعم الايراني والعراقي وعدة دول والمفروض على هالاوضاع والديون تكون بين 600 ليرة لل 700 ليرة وبحرب لبنان كانت اغلب الاطراف متكافئة ولاكان في طيران ولاسكود ولاكيماوي ولا قد ربع الدمار اللي هللق صار بسوريا ولو فرضنا خلصت الحرب بكرة في ناس ساذجين مفكرين انو وقت تخلص الحرب لح ترجع الليرة على 50 هههه انا بظن بس تخلص الحرب لح نتعرف على مصايب جديدة وهية حجم الدمار الحقيقي والبنى التحتية والزراعة والنفط ولح يوقف دعم الدول للحكومة بضخ الدولارات ولح ننصدم بالحجم الهائل للديون اللي ترتبت على سورية وهية بلميارات الدولارات فوقتها لح بتكون كمان الخزينة مصفرة ولح تصير عمليات نهب للبنوك والمؤسسات بشكل عالي وبتوقع يوصل بوقتها الدولار لل 1500-1700 واذا طالت الحرب يمكن نوصل لل2500ليرة ووقت ترجع عجلة الانتاج اتدور والمعامل والزراعة والنفط يتحركو وقتها بيوقف نزيف الدولار ويمكن يكون في دول مانحة وحابة تساعد باعادة الاعمار طبعا كل دولة الها غايتها مافي شي محبة بالشعب السوري بهداك الوقت ممكن ترجع وترتفع الليرة السورية بالتدريج وعلى حسب سرعة التنفيذ بالاعمار واصلاح المخروب وهالشي كمان بيوقف على حسب ايمت بتوقف الحرب يعني كل حكيي السابق ممكن يستغرق اقل شي 3 سنوات لتخلص الحرب ويبلش الانتاج واعادة الاعمار ووقتها بتكون بلشت الليرة ترتفع قدام الدولار من 2500 لل1500 لل 500 او شو رايكم ؟ |
اقتباس:
صباح مبارك و جمعة كريمة للجميع بحق يوم الجمعة يا رب أنزل أرحم رحماتك على الشعب السوري المكلوم أخ عابر كأنك عمتبالغ شوي مع أنك بالعادة بتكون منطقي : لآلك ليش : أول شي مافينك تقارن سوريا بلبنان أصلاً لبنان ما نتهت فيا الحرب لهلا بلشت بال1975 و خلصت الحرب النارية و بلشت الحرب الباردة بين كنتونات متقوقعة على ذاتها لكل منها زعيم و بينهم حرب باردة رهيبة تاني شي فينك تاخد مثل الكويت بعد الحرب رجعت عملتا أقوى من قبل الحرب تالت شي بأكد أنو رجوع قوة العملة السورية مرتبط بطريقة حل الأزمة فان ستمرت سورية دولة وحدة بأكدلك انو قوة العملة راح ترجع بسرعة لانو الاقتصاد السوري يحمل مقومات القوة منها : الزراعة الممتازة و نشاط اليد العاملة السورية و اليد العاملة السورية بالخارج و خاصة بالخليج يلي بيتدفق منها شهرياً نهر من العملة الصعبة و كمان في عندك اكتشافات غاز و نفط كبيرة و لا يستهان فيها و طبعاً شوية اصلاحات اقتصادية جديدة تجلب استثمارات خارجية كبيرة . بس بألك اذا انتهت الازمة و لا سمح الله بطريقة اخرى متل لبنان مثلا أو العراق فبأكدلك انو العملة السورية راح تكون متل العملة اللبنانية . و شكراً |
اقتباس:
كان في ناس تنكل بالجثث و تشيل القلوب منها و تاكلها و تتصور فيديو ؟ حسبنا الله ونعم الوكيل |
صباح المسك و البركة و التوفيق بإذن الله
|
اقتباس:
صباحك خير شيرين العزيزة عنجد انتي محللة متعمقة كتير و سياسية من نوع رفيع و نادراً ما نشوف بنت بهالمستوى بس كمان بألك في نقاط تشاؤم كتير انتي ذكرتيا و بعتقد انها صحيحة متل الدمار الهائل يلي راح يبين بعد انتهاء الحرب و الديون الهائلة و فراغ الخزينة بس كمان في نقاط تفاؤل منها اليد السورية العاملة بالخارج و خاصة الخليج يلي ممكن خلال سنة وحدة تعوض كل الدمار يلي صار بيبقى على الدولة موضوع الديون و هدا ممكن يتعوض من النفط و الغاز و بعودة الزراعة و الصناعة و التجارة بتصور ترجع الليرة خلال سنتين لحدود 85 طبعاً كل يلي سبق مرهون بطريقة انتهاء الأزمة يعني مرهون انو تضل سورية دولة وحدة متماسكة و شعبا يرجع متل ماكان يحب بعضو و شكراً وردياً لوردة صالة أسعار الصرف |
اقتباس:
|
التحليل الفني سوق العملات فوركس FOREX يورو دولار EUR/USD - يوم الجمعة 17/5/2013 - تداول ضمن القناة الهابطه
قام زوج اليورو الأوربي مقابل الدولار الأمريكي EUR/USD يوم امس في سوق العملات فوركس FOREX بالتداول كما كان متوقع من التحليل الفني يوم الخميس حيث انه قام بالأرتداد صاعدا من مستويات الدعم 12850 ووصل بالقرب من مستويات المقاومه عند 1.2948 حيث بضغط نقطة المقاومه وخط الترند العلوي في القناة الهابطه عاد الزوج للتراجع الى المستويات الحاليه. إتجاه التداول : أسفل / جانبية نقاط المقاومه الرئيسيه اليوميه: 1,2878 / 1,2889 + 1,2948 + 2977 + 1,3030 / 1,3050 نقاط الدعم الرئيسيه اليوميه: 1,2740 / 1,2748 + 1,2680 بالنظر الى الرسم البياني الساعي لتداولات زوج اليورو الأوربي مقابل الدولار الأمريكي EUR/USD في سوق العملات فوركس FOREX نلاحظ إستمرار الاتجاه الهبوطي للزوج وتداوله ضمن قناة هابطه قصيرة الامد ويحتاج الزوج لأختراق مستويات الدعم عند 12850 والأغلاق ساعات تحتها للبدأ بتحقيق أسعار متدنيه بإتجاه مستويات الدعم 1,2740 / 1,2748 . في حال إرتداد الزوج صعودا وإختراق مستويات المقاومه 1,2878 / 1,2889 التي إغلاق فوقها ساعات سيعيد الأختبار لمستويات 1,2948 والتي إختراقها سيولد إشارة شراء قصيرة الأمد بإتجاه المستويات 1.2977 التي إختراقها سيدفع التداولات الى مستويات المقاومه عند 1,3030 / 1,3050. http://www.marketsmena.com/wp-conten...17-590x445.png بالنظر الى الرسم البياني اليومي لتداولات زوج اليورو الأوربي مقابل الدولار الأمريكي EUR/USD في سوق العملات فوركس FOREX نلاحظ ان الزوج يتابع الأتجاه الهابط مع جمع العزم الازم وتوطيد التداولات حول المستويات الحاليه عند 1.2850 تقريبا تمهيدا لأختراقها والتي إغلاق يومي تحتها سيدفع الزوج لمزيد من التراجعات الى مستويات 1.2748 ولمزيد من التحليل يرجى الرجوع الى التحليلات السابقه http://www.marketsmena.com/wp-conten...17-590x445.png |
اقتباس:
اقتباس:
استاذ عابر ---- اختنا شيرين والله كفيتوا ووفيتوا وما تركتوا شي اضيفه اوافقكم الراي 100% طبعا فيه ناس بتشوف الوضع من زوايا تانية وكل واحد اله نظرته بس يللي نظرته غلط رح يكتشف بعدين انه ضر حاله ماديا لانه ما تحوط وسمع نصيحة مبنية على تحليل الواقع وليس على تخيلات وامال ولو انو كل الناس شافت الموضوع من نفس زاويتي وزاويتكم كانت الليرة اخدت سعرها الحقيقي من زمان او خلينا نقول بشكل اعم يمكن كانت الازمة خلصت من زمان وكنا انتقلنا للمرحلة التانية يللي عم تحكي عنها الاخت شيرين طبعا بتوفير بالزمن والخراب والارواح والماسي بعيدا عن االليرة لو انو كل الناس اقتنعت انو الدولار عملة ستنهار وان امريكا ستنهار لانهار الدولار وتوقف كل الناس عن شرائه ولو ان كل الناس اقتنعت ان اسعار الذهب مبالغ فيها جدا وان الذهب ارتفع لمدة طويلة بشكل مستمر لتخلى الجميع عنه لصالح العملات الورقية ولانهار سعرة ببساطة هناك قوى متعدد تمنع الانهيارات السريعة لكن في حالة الليرة اصبح من الواضح اتجاه الحركة واصبح من الواضح ان اانظام الاقتصادي يتحول ليجعل من الدولار او اي عملة اخرى شيئ محرم كانه مخدرات ليجبر الناس على الاستمرار بالاحتفاظ بالليرة بالترهيب وهذا لا يضر سوى الدراويش والفقراء اما التجار فلهم طرقهم ووسائلهم بالحفاظ على قيمة راس مالهم ......... اما من يراهن منهم على الحصان الخاسر فهذه مشكلته خاصة اذا كان من التجار (العتق) وهدول ناس ما بينضحك عليهم اما الفقراء فحسبنا الله هم وقود هذه الحرب التجار الذين بيكون في هذا الموقع او في كل مكان على ما خسروا من املاكهم وما اصابهم من ضرر شديد لا يذكرون ما بقي لهم من املاك يعني النسبة الخسائر اما الفقرء بعضهم كان يملك بيتا في حارة شعبية والان اصبح خرابا وفقد عمله واصبح مشردا يعني بالعربي رجع كيوم ولدته امه وهناك من فقد منزل اشتراه على البنك او بالتقسيط فذهب البيت وبقي الدين وهناك من هو اسوا طبعا يللي فقد حدا من اولاده او شيئا من اعضاءه فوضعه لا يقارن بغيره واي مقارنة تعد تفاهة وحقارة من الذي يقوم بالمقارنة الله يعين الفقير ويفرجها عليه |
اقتباس:
إن شاء الله يلي بيخالفك يقلب سحلية ، بيضل أهون من هدك اللي ما حبيت قولو ما حدا مقدر مواهبك كما يجب ، بكرا بيقولوا شيرين قالت بوقت ما بقى ينفع معو الندم :) |
اقتباس:
الجسد أولا وأخيرا فاني ، وممكن يأكله الدود ، إذا مو الجرادين ،أمي كانت تخاف من الدود وتقلي ما ممكن يرموني بالبحر بياكلني السمك أحسن . هاد وما افترضلك نقاش بيزنطي بأن الفيديو مدسوس ، أو حتى الشخص الفاعل ذات نفسو مدسوس .ولا رح قارن بعدد الحالات . بتذكر مرة عند القاضي الشرعي ، دخلت إمرأة تشكو من زوجها ، وأرادت أن تكسب القاضي لطرفها ، قالت شيئا قبيحا وبكل وقاحة عن المعاشرة ، فقال لها قديمة هالحيلة ، قالت دخل علي مرة وأنا أقرأ القرآن فانتزعه من يدي ورماه أرضا ، فقال لها القاضي يخرب بيتك شو عاملة معو لوصلتيه لهون ؟ يبقى لكل رأيه ولكل حالة خصوصيتها ولكن ما يفعله الأفراد يختلف عما يفعله مجموعات منظمة وتحمل شرعية ومسؤولية أقسمت على صيانتها . |
اقتباس:
شكرا على اهتمامك بمشاركتي انا عطيت رؤية وتجربة ضاع لي فيها مبلغ كبير في لبنان مو شرط تكون المقارنه حرفيه ، مع إني لا أقارن ، انا فقط اطرح مثال عن تدهور العملة ممكن يكون من ألمانيا أو فرانسا أو ايطاليا ، وايطاليا الوحيدة ضلت على الأصفار ، أما فرانسا فقد بدلت عملتها وكذلك ألمانيا . أما الكويت فدخلها يكفي لشراء كل سنة كويت جديدة ، لو كانت تدمرت بنفس النسبة . |
صديقي طالما قادر تشكك بطرح غيرك لازم تذكر انو غيرك قادر يشكك بطرحك
و بحب قلك انو هوية الشخص معروفة و مبين باكتر من فيديو واحد منهن مع عبودة طلاس بحمص قبل ما تطلع دقنو اول ما صار فاروق على كل حال انت عم تثبتلي وجهة نظري و تاكدلي عليها و انا بقدر قلك كمان الكلام الك في ملايين الفيديوهات بتبين ابشع من هيك تصرفات ...................... ما بدي استفزك لاني ما بدي سلط " لسانك " و انا الي خبرة بالنقاش معك و اختبار مستويات احترام الطرف الاخر من قبل حضرتك حابب نضل محترمين بعض على امل نلتقي بوطن اجمل من هيك اذا ضلينا عايشين او اذا ضل في وطن ملاحظة اخيرة : برجع بقلك متل ما قلتلك من فترة اذا بدك تكرهني بالفعل ابهرني بفضيلة رد الفعل اما اذا بدك تستخدم نفس الاسلوب فانت تعطي مثال انك اسوا من الذي تنتقده |
اقتباس:
|
مشكور عالافتتاحية اخي الكريم
وافتتاحية مبارك انشاء الله بهالنهار الفضيل الله يساعد الجميع |
اقتباس:
مع انك تركت أصل الموضوع ولحقت الهوامش غلبتني الله يديم عليك عقلك وحجتك القوية والأهم أخلاقك العالية في حوارك المتزن بس ثق لو كنت انتبهت انك انت صاحب المداخلة الأساسية ما كنت قربت عليك |
ياشباب خلونا بالدولار والذهب بدون ماندخل مين اكل قلب مين اخ عابر واخ ليرة
اليوم نهار فضيل جعله الله خيرا للجميع |
صباح الخيرللجميع المنتدى رائع بجو الاخوة والمحبة بين الاعضاء وطبعا مو كل الاعضاء من راي واحد واكيد مو من توجه سياسي واحد وشي حلو تبادل الاراء بجو من الاحترام بدون مهاترات شخصية وتشنج اضافة انو بعض الاعضاء بيفوتو الموقع من الموبايل يعني بيدفعو فلوس لقراءة كل مشاركة واقتباس بترجى من جميع الاخوة الاختصار والاكتفاء بما قل ودل وشكرا لتفهمكم |
بحب اسال الاخوة الي طول المرحلة الماضية كانو عم يحكو عن السعر الوهمي واكد انو السعر رح يرجع عالخمسينات شو عينون من عين الناس الطيبين الي وثقو فيون وقنعو بكلامون وخسرو نص مدخراتن لهذا السبب ولا ننسى انو النصيحة امانة وكلنا بيعرف شويعني خيانة الامانة ولافرق بين الامانة العلمية والمالية
وطبعا مو الهوامير والمضاربين الكبار هنن الي صدقو هالكلام فقط البسطاءوالدراويش هم من تضرر |
هل من الذكاء التوقع ان الدولار سيستمر بالارتفاع طالما ان الارض على حالها اوتزداد سوءا ؟
من سنتين للان استمر مغضوب الوالدين بالصعود التدريجي مع فترات تراجع قصيره وفترات ثبات اطول نسبيا ولكنه لا يلبث ان يتصاعد بعد كل فتره تراجع وثبات. فالمنحنى صاعد باستمرار ولاحد لصعوده طالما الاسباب موجوده اما المضاربه التي يقوم بها البعض وربح بضع ليرات من ذلك لن يكون لها ذلك التأثير الكبير على تراجع الليره امام الاسباب الواضحه والقويه والصريحه المتمثله باجواء الحرب وتوقف عجله الاقتصاد عن الدوران طبعا مع الاشاره الى ضروره معرفه الحكم الشرعي الصحيح في عمليه المضاربه والالتزام به للاسف الاخضر الاوبامي الى مزيد من الارتفاع تدريجيا لفتره لايبدو افقها واضحا في ظل تزايد معاناه الشعب من غلاء الاسعار بسبب تبخر قدره الليره على الشراء |
الدولار 150 اذا شد حاله شوي بيدخل كلية الطب من غير واسطه ؟؟؟؟؟ |
مساء الخير جميعا
|
مساء الخير للجميع جمعة مباركة بإذن الله |
السلام عليكم فقط للاستنارة :) .................................................. ............. حسبة صغيرة لتوقع قريب الامد الجمعة 05 / 10 / 2013 اداء الاسبوع الماضي 130 اخفض سعر 143 أعلى سعر 140 اغلاق 130 + 143 + 140 / 3 = 137.50 ( نقطة ارتكاز ) 137.5 * 2 - 130 = 145 مقاومة 1 وهي أعلى سعر وصل اليه تاريخيا 137.5 * 2 - 143 = 132 دعم 1 137.5 + 143 - 130 = 150.5 مقاومة 2 ( تحققت ) 137.5 -143 + 130 = 124.5 دعم 2 وللمجريات على الارض دائما حسابات اخرى . .................................................. ............................................. اداء الاسبوع الماضي 135 اخفض سعر ( شراء ) 153 أعلى سعر ( بيع ) 150 اغلاق (بيع) *** 146 نقطة محورية 157 مقاومة 1 164 مقاومة 2 ( نسأل الله بأن لا تتحقق ) 139 دعم 1 128 دعم 2 ......................................... بعت الخميس 6 pm بدمشق على سعر 151.5 |
اقتباس:
بس مو بعيدة في ظل التدهور السريع في الفترة الاخيرة انو يدخل المغضوب طب ويختص جراحة كمان طالما عم يقدر يدبح قدرة الليرة على الشراء والحياة للاسف الفقير هو المتضرر الاكبر مما يحدث |
الليرة سورية تقف على حافة متدنية ويمكن أن تنهار اذا: 1- طال أمد الأزمة الى سنتين اضافيتين أو أكثر 2- اذا توقف دعم الدول المانحة للبنك المركزي (الدولة) 3ـ اذا توقف دعم الدول المانحة للمعارضين 4- اذا توقف دعم الامم المتحدة للنازحين داخل سورية حصل للعملة ماحصل في العراق بعد حرب طويلة الأمد ابتدأت منذ حربها لايران ثم الكويت ثم الحصار 10 سنوات ثم الحرب 10 سنوات والحصيلة (30 عام من الحروب والحصار) حصل ماحصل للعملة في لبنان بعد حرب اسرائيل واحتلال بيروت ودمارها وأتبع ذلك حرب أهلية طويلة دامت 8 سنوات لذلك أرى بأن الليرة مازالت تقف على درجات سلم النزول والصعود وليس السقوط الى الهاوية (هناك نزول وليس سقوط) أي حل للأزمة سيساعد على ايقاف النزول لليرة وستعاود الصعود ولكن بشق الأنفس |
اقتباس:
|
تقول شيرين :بعرف أنكن مفلسين
والدولار بمية وخمسين وارتفع سعر البنزين وصار اللتر بتمانين لا تتفاجئوا إذا لاقيتوا سعر الخسة بسبعين وسطل اللبن صار بمية وتسعين هلا مو وقت الجلطة والصيدليات مسكرين لأنه مافي بالسوق لا مميعات ولا اسبيرين بقى خدوها من قصيرها وخليكن بالبيت قاعدين شوية زيت وزعتر ورغيفين عجين وسماعوا غنية أم كلتوم .. أروح لمين وتعشوا بكم بوست عن الحنين والياسمين ولبعد بوكرا الله بيفرجها علينا وعالمساكين |
| الساعة الآن 04:05 AM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks