الأسهم السورية ( المضارب السوري) - صالون سيريا ستوكس ليوم السبت 20-8-2011

الأسهم السورية ( المضارب السوري) (https://syria-stocks.com/forum/index.php)

- صالون سيرياستوكس بعطلة التداول (https://syria-stocks.com/forum/forumdisplay.php?f=52)

- - صالون سيريا ستوكس ليوم السبت 20-8-2011 (https://syria-stocks.com/forum/showthread.php?t=8731)

صالون سيريا ستوكس ليوم السبت 20-8-2011

جلسة مناقشة و حوار يوم السبت 20-8-2011

صباح الخير جميعا

بداية يوم جديد و أسبوع جديد اللهم اجعله اسبوع خير و بركة
نسأل الله ببداية يومنا و اسبوعنا الرحمة و الطمأنينة لنا جميعا فيه و أن يعيد لنا الاستقرار و السكينة و أن يرحم الشهداء و يشفي الجرحى و ينزل السكينة على أهلهم

اليوم من رمضان نهاية عشر المغفرة اللهم اجعلنا ممن غفرت لهم و رحمتهم
و غدا بداية العشر الأخير وهو عشر العتق من النار اللهم اجعلنا منهم
رمضان مبارك لكم جميعا لمن صام و لمن لم يتوجب عليه الصيام

رد: جلسة مناقشة صالون سيريا ستوكس ليوم السبت 20-8-2011

بمـــــــــا أنه دخلنا بالعشر الاواخر الله يتقبل من الجميع

بحب ذكر تذكرة صغيرة

انو ندعي كتير بهالدعاء بالايام الفضيلة

(( اللهم إنـــــــــــتك عفوٌ تحبٌّ العفوَ فــاعف عنّي ))

http://a5.sphotos.ak.fbcdn.net/hphot..._7231829_n.jpg

رد: جلسة مناقشة صالون سيريا ستوكس ليوم السبت 20-8-2011

شو رأيكون نبلش بنقاش صغير على الصبح هاد غير نقاشات المسائية الدسمة
يعني هيك ترويقة بين ما يفيقوا الشباب السهرانين

هل انت متشائم أم متفائل في الحياة يعني هل تنظر للأمور التي حولك بنظرة تفائل أم تشاؤم و هل تؤثر عليك و على مجرى حياتك هذه النظرة

رد: جلسة مناقشة صالون سيريا ستوكس ليوم السبت 20-8-2011

رح ابدأ بنفسي أنا كنت بزماني كتير متفائل يمكن اكتر من اللازم
بس للأسف انصدمت كتير بحياتي و مرقت فيني تجارب سيئة طبعا هاد لا يعني انوا حياتي مافيها فرح او سعادة بالعكس لازم نشكر نعم الله علينا و الحمد لله عندي امور و حققت شي يمكن غيري ما حققه الى الان
بس هالظروف خلتني شوف دائما الجانب الأسود و الشي العجيب انوا الشي اللي عم اتوقع انوا ما يظبط مع اني بحاول كون متفائل و اجبر حالي على التفاؤل ما بيزبط اخر شي
يمكن احيانا بقول اني عم شوف الواقع صح اكتر من اللازم
او احيانا بقول انوا في شي اسمه حظ للإنسان و أنا ما عندي هالشي بشكل كبير
يعني في ناس فيك تقول عنها محظوظة و كيف ما ضربتها بتصيب معها و ناس غير هيك
طبعا هو قضاء و قدر بس ما بعرف المشكلة انوا هالمشكلة سببتلي كتير قلق و مشكلة بحياتي لدرجة انوا كلشي عم شوفه اسود و ليس ملون

رد: جلسة مناقشة صالون سيريا ستوكس ليوم السبت 20-8-2011

اقتباس:

المشاركة الأصلية كتبت بواسطة mouayad (المشاركة 108302)

قاادرة اتحمل اسا ساعة قبل نوم وجاية من الامتحان فـــإن شاء الله ماخبص بالحكي

الجواب : جوابك ياحضرة المشرف قريب على جوابي

شو ماصار شوماصار بحياتي بضل باتفائل .. وكل ما باتفائل وامشي بالحياة بهمة اكبر

كلـــــــــــ ما تيجي صدمة ورا صدمة وكل وحدة أكبر من التانية . .. الانسان مابيقدر يختار

قدره ... ظروفه الخارجة عن ارادته... صح .. بس سوء الخيبات المتكررة عم تخلي التفائل

مجرد سلوى للنفس .. بغض النظر إذا فعلا نحن متفائلين ولا لاء من جوا

يعني بنقول يلا متفائلين الجاية أحلى ... بس هيك بيكون عم نضحك على حالنا .. لنعيش

بس بلحظة ... لحظة ضعف ماعم نتحمل هالتمثيلية ونقول قصددي نصرخ حااااجة

شو رأيك حضرة المشرف ؟؟؟ ... شو الحل ؟؟؟

رد: جلسة مناقشة صالون سيريا ستوكس ليوم السبت 20-8-2011

اقتباس:

المشاركة الأصلية كتبت بواسطة beautiful life (المشاركة 108309)

قاادرة اتحمل اسا ساعة قبل نوم وجاية من الامتحان فـــإن شاء الله ماخبص بالحكي

بس سوء الخيبات المتكررة عم تخلي التفائل

مجرد سلوى للنفس .. بغض النظر إذا فعلا نحن متفائلين ولا لاء من جوا

يعني بنقول يلا متفائلين الجاية أحلى ... بس هيك بيكون عم نضحك على حالنا .. لنعيش

بس بلحظة ... لحظة ضعف ماعم نتحمل هالتمثيلية ونقول قصددي نصرخ حااااجة

الله يقويكي و موفقة و من الناجحين باذن الله و حاليا حكيك مافي تخبيص نظامي
كلامك جميل و يعبر عن مافي نفسي
اما ما الحل فوالله لو بعرف كنت عالجت مشكلتي اولا Big GrinBig GrinBig Grin
الحل انوا تتغير حياتنا للأحسن و نروح لشي مكان نشتري حظ حلو

رد: جلسة مناقشة صالون سيريا ستوكس ليوم السبت 20-8-2011

هلأ أول شي اسمحولي قلكون صباح الخير والورد والفل والياسمين جميعاً

رد: جلسة مناقشة صالون سيريا ستوكس ليوم السبت 20-8-2011

صباح الخير جميعا( معذرة عالتأخير بس على ماكتبت وما لحقت نقح وراجع لقيت القطار فات ولحقت حالي على الصفحة الجديدة ).

قرأت اليوم صفحات عديدة لأني ليس لدي خط نت في البيت يوم الجمعة . مر اقتراح موضوع الكبت مرور الكرام ولم يتطرق له أحد وكان الحوار عن الدراسة أكبر وتلاه بالاهتمام موضوع التدخل بشؤون الآخرين .

أنا لست مع التدخل بشؤون الآخرين ما لم ألمح رغبة من الجهة المتضررة .

بالنسبة للتعليم ، أظن أن البداية هي عند وعي الأهل وما قامو بحشوه في أفكار أولادهم قبل أن يقولوا : يقبروا قلبي ولادي واعيين ولهم حق الاختيار .

نحن نعاني من أمية مع أننا نتقن الكتابة والقراءة واليكم المثال :

يقلد أحدنا الغرب بالملبس أو الأكل أو الشكل والتصرفات فنقول عنه بلهجة الاعجاب اسمالله عليه والله متل الأجانب ، واذا أردنا أن ندعم فكرة من بنات جهلنا ولا نجد لها سندا نقول : عند الأجانب يفعلون هذا فينبهت الذي اعترض وكأننا أتيناه بثالثة الأثافي وقمة الافحام .

يأتينا طبيب متخصص بالكسور والحوادث فنهب إليه كمن فتح صفحة غووغل لنجد لدية أجوبة أسئلتنا ، فواحد يمد يده وبها تحسس ويحضر له المراهم التي لم يراها يوما لا في مجال تخصصه ولا يوم أصابه الجرب هو نفسه وذهب للعلاج عند زميل له متخصص بالجلدية ، يهب الجيران للسؤال عن عقم ابنتهم على الرغم من زيارة عدة أطباء متخصصين ومقامات أولياء بتخصص عام أو بجلب الغائب وتوسيع الرزق ، في هذا الخضم يأتي أبوفيصل الخياط العربي للسؤال عن القرشين اللي مصمدون ، شو يساوي ؟ يحولهم دولار ولا يشتري دكان للتأجير ؟ وطبعا اذا كان طبيبنا ماعندوا ثقافة ومعلومات عامة أوما كان لوفكجي ، سينفض الجمع عنه قائلين شو هاد ؟ قال دكتور قال ! أما لوكان متربيا على يد إحدى الجدات اللواتي كن فعلا أميات ولكن الحياة صقلتهم ( ألهم إلا ان لا يكون عندهن أصلا عقلا ولا ذكاء ليصقل ) نعم أقول لوكان يجيد بعض المعلومات فسيصبح مثالا يحتذى ويصبح حديثه أشبه بالرسوم الكاريكاتورية التي يتم مناقشتها في نهاية برنامج اخباري حواري في البي بي سي وكأنها وحي من السماء . ياأخي دكتور عم يحكي ! انت شو بيفهمك !؟

هذا طيف لرقاقة يمثل ما يتم حشوه بذاكرة أطفالنا ، لذلك تجدنا مقلدين نعتمد النقل لا العقل ( دخلنا في السلفية ) والحقيقة المعرفة والثقافة وشؤون حياتنا كلها متداخلة فالقذر في لباسه قذر في بدنه قذر في أفكاره والمتخلف في حياته متخلف في دينه ومعتقداته دون أن يشعر ، وهو بذلك يسيء إلى شريحة واسعة ولنقل هنا من أهل السلف الصالح مثلا .

إن النجاح مرتبط بما حولنا من ظروف وكمثال :

أنا أعلم أنني أملك مالا كثيرا ساهمت بجزء منه في مصرف وعندي ولد يدرس الاقتصاد ، سأبحث له عن الشهادة فوظيفته مؤكدة من خلال تسلطي على المصرف . ستأتي المعلومات لاحقا وسيقطعها في رقبة الزبائن ، يأتي الزبون مبهورا إلى المصرف ويأتيه أجوبة غبية فيظن أنه لم يفهم ، والزبون الفاهم ينظر بعين الشفقة على الموظف إياه ثم يبحث عن المعلومة في مكان آخر .

من خلال المثال وبعد أن أعدت القراءة استنتجت أن المعرفة ليست ضرورية طالما أنه لا يوجد من يقدر أو يحاسب أو يراقب . ومن باب الاستنكار وليس القبول في استعمال الحق لتبرير الباطل كما في قول للرسول : اذا هبت ريحك فاغتنمها . لا سمح الله . كم من فتوى وكم من قياس ومقارنة نطوعها لرغباتنا بعد ادعاء الأخذ بالتعاليم أو الرخص وفي حال عجزنا نلوذ بأننا أخطأنا معلش إن الله غفور رحيم . نخلط بين النفاق والتقية . ألم أقل أن أمورنا خليط متداخل ؟.

أب يعمل في مجال ناجح بصرف النظر عن العمل مادام شريفا ، ما المانع أن يرث الابن صنعته ؟ أنا أفهم لو كان الأب متعسرا أو فاشلا سيقول لابنه حبيبي إن عملي لم يدر علي ربحا ولولا ورثتي من جدك لا كنت تزوجت ولا اشتريت بيتا ، لذلك حاول أن تتعلم سيئا ينفعك تعلم النجارة أو الحدادة أو الهندسة أو المحاسبة أو الطب لتستطيع العيش وتجد لك عملا في وظيفة قد يكون وضعك أفضل وقد كسرت الضرائب والتراخيص ظهر أبيك . ( يعني أبو الولد مو أبيك بيك بيكي ...)

شو بيشكي لو كان ابن أحدكم وول مارت أو بيل غيت أوالنجار المسابكي أو باشايان الكندرجي ؟ المهم النجاح وبظن باشايان اشتغل مهنه أبوه . معذرة على سوء ترتيب الأفكار ولكن لا بد من الفائدة من خلال زاوية طرح مختلفة لتوضيح مشهد أو فكرة لم يسبق أن وضحت بشكل مختلف .انفتح الموضوع وماعدت اعرف سكرو رح ساوي مثل المسلسلات المصرية اللي بعد مطمطة وعي بيبتروه بتر بآخر حلقة وقول لكم باي هلأِ .

تحياتي .

رد: جلسة مناقشة صالون سيريا ستوكس ليوم السبت 20-8-2011

تاني شي بدي اتطمن عن فحص مشرفتنا بيوتيفل وإن شاء الله تكوني قدمتي منيح.
وكمان بدي اتطمن عنك مؤيد بما إنك سهران طول الليالي وفايق من صباحية الله، فكيفك؟ وكيف حاسس حالك؟

رد: جلسة مناقشة صالون سيريا ستوكس ليوم السبت 20-8-2011

اقتباس:

المشاركة الأصلية كتبت بواسطة economic opinion (المشاركة 108311)

هلأ أول شي اسمحولي قلكون صباح الخير والورد والفل والياسمين جميعاً

صبــــــــــــــآآآح الجوري والزنبق :)

دورت بين هالسمايلات لاهديلك وردة مالاقيت :rolleyes2:

المنتدى يريد من البروكر سمايل وردة Big Grin

رد: جلسة مناقشة صالون سيريا ستوكس ليوم السبت 20-8-2011

اقتباس:

المشاركة الأصلية كتبت بواسطة economic opinion (المشاركة 108311)

هلأ أول شي اسمحولي قلكون صباح الخير والورد والفل والياسمين جميعاً

مع الموافقة على الصباحية كونها تحمل الورد و الياسمين يعني سمحنالك Big GrinBig GrinBig Grin

صباح الخير و الفل و السعادة
شو اليوم معطلة ولا دوام مع الكادحين

رد: جلسة مناقشة صالون سيريا ستوكس ليوم السبت 20-8-2011

اقتباس:

المشاركة الأصلية كتبت بواسطة economic opinion (المشاركة 108313)

تاني شي بدي اتطمن عن فحص مشرفتنا بيوتيفل وإن شاء الله تكوني قدمتي منيح.
؟

تسلمي يا روان .. الحمد لله قدمت زفت .. أنا ترفعت من الفصل التاني وهي مواد بقيت معي

وليش زفت .. لا تســـــــــألي .. بس ما كسل Frown11

رد: جلسة مناقشة صالون سيريا ستوكس ليوم السبت 20-8-2011

اقتباس:

المشاركة الأصلية كتبت بواسطة mouayad (المشاركة 108310)

الله يقويكي و موفقة و من الناجحين باذن الله و حاليا حكيك مافي تخبيص نظامي
كلامك جميل و يعبر عن مافي نفسي
اما ما الحل فوالله لو بعرف كنت عالجت مشكلتي اولا big grinbig grinbig grin
الحل انوا تتغير حياتنا للأحسن و نروح لشي مكان نشتري حظ حلو

يا أخي مؤيد أنا هالحالة يلي حكيتا مو عن حالي بس عن حالة الناس العموما

يعني ترجمت لغة هالمعاناة على قدر ماباقدر ... لحتى نتناقش ونلاقي الحل المناسب

رد: جلسة مناقشة صالون سيريا ستوكس ليوم السبت 20-8-2011

اقتباس:

المشاركة الأصلية كتبت بواسطة economic opinion (المشاركة 108313)

وكمان بدي اتطمن عنك مؤيد بما إنك سهران طول الليالي وفايق من صباحية الله، فكيفك؟ وكيف حاسس حالك؟

والله الحمد لله في شوية نعس و تعب فايق من الساعة 9 يعني تأخرت شوي عن شغلي
بس عموما شغال لسه بضاين لنهاية الدوام

رد: جلسة مناقشة صالون سيريا ستوكس ليوم السبت 20-8-2011

أما بالنسبة لموضوع النقاش فأنا الحقيقة بختلف عنكون بالوقت الحالي، الحقيقة إني لما كنت بالإعدادي والثانوي كنت حس حالي ماعندي حظ وكنت حس إنو كل شي بيصير معي مو منيح، ويمكن طبيعتي الحساسة شوي كانت تعزز عندي هاد الشعور. بس بعد هيك لما دخلت الجامعة بلشت شوف بطريقة كتييييير مختلفة، لاحظت إنو كتبر أشياء صارت معي بحياتي أنا كنت مفكرة سيئة كانت هي السبب الرئيسي بتكوين شخصيتي ويمكن حتى بمستقبلي، وزعلت كتييييييييير من حالي لما حسيت إني بمراحل معينة كنت حاسة إنو الله مابيحبني أو إنو بحب غيري أكتر مني، اكتشفت إنو الله بيحبني كتييييييييييييييييير وإنو محدودية نظري (كوني من البشر) خلتني ظن إنو هي الأشياء سيئة، ومن وقتها زرعت بنفسي فكرة "الخير فيما اختاره الله، أو متل ما بيقول رامي لعله خير" وآمنت إنو كل حدث بيصير معي قد ما كان سيء من الخارج أو في البداية، فهو أكيد بالمستقبل رح يبين معي إنو هو يلي كان الأفضل إلي وإنو رب العالمين ما حرمني من شي بل اخترلي الأفضل يلي بيناسبني.
مشان هيك أنا آمنت بقدرة الله عز وجل على اختيار الأفضل لنا لأنو عارف وشايف كل حياتنا وإنو محدودية نظرنا هي يلي ما بتخلينا نشوف الخير بالأمر يلي بيصير معنا
طبعاً هي وجهة نظر شخصية إلها علاقة بوقائع صارت معي أنا :)

رد: جلسة مناقشة صالون سيريا ستوكس ليوم السبت 20-8-2011

صباح الخير للجميع

الرحمة لشهداء الوطن ... المجد والعزة لسورية

تحياتي لكم ...

رح أستغل الفرصة ... بإعتبار جماعة إدراة الأعمال موجودين وبدي أسأل عن امتحان محاسب قانوني ... إذا حدا قدمه السنة الماضية أو حدا بيعرف عنه شي ... لانه صاير السؤال عن هاد الفحص متل اللي عم يدور ع ابرة بكومة قش ... والكل بقول مابعرف مابعرف ...

مرة تانية تحياتي لكم ...

رد: جلسة مناقشة صالون سيريا ستوكس ليوم السبت 20-8-2011

اقتباس:

المشاركة الأصلية كتبت بواسطة economic opinion (المشاركة 108319)

أما بالنسبة لموضوع النقاش فأنا الحقيقة بختلف عنكون بالوقت الحالي، الحقيقة إني لما كنت بالإعدادي والثانوي كنت حس حالي ماعندي وكنت حي إنو كل شي بيصير معي مو منيح، ويمكن طبيعتي الحساسة شوي كانت تعزز عندي هاد الشعور. بس بعد هيك لما دخلت الجامعة بلشت شوف بطريقة كتييييير مختلفة، لاحظت إنو كتبر أشياء صارت معي بحياتي أنا كنت مفكرة سيئة كانت هي السبب الرئيسي بتكوين شخصيتي ويمكن حتى بمستقبلي، وزعلت كتييييييييير من حالي لما حسيت إني بمراحل معينة كنت حاسة إنو الله مابيحبني أو إنو بحب غيري أكتر مني، اكتشفت إنو الله بيحبني كتييييييييييييييييير وإنو محدودية نظري (كوني من البشر) خلتني ظن إنو هي الأشياء سيئة، ومن وقتها زرعت بنفسي فكرة "الخير فيما اختاره الله، أو متل ما بيقول رامي لعله خير" وآمنت إنو كل حدث بيصير معي قد ما كان سيء من الخارج أو في البداية، فهو أكيد بالمستقبل رح يبين معي إنو هو يلي كان الأفضل إلي وإنو رب العالمين ما حرمني من شي بل اخترلي الأفضل يلي بيناسبني.
مشان هيك أنا آمنت بقدرة الله عز وجل على اختيار الأفضل لنا لأنو عارف وشايف كل حياتنا وإنو محدودية نظرنا هي يلي ما بتخلينا نشوف الخير بالأمر يلي بيصير معنا
طبعاً هي وجهة نظر شخصية إلها علاقة بوقائع صارت معي أنا :)

ياسلاااااام ... كتير حلو .. ابقي ساعدينا بالحل

حبينا ناخد المساعدة من حضرة المشرف .. هرب ما كان يرضى

شو رأيك الحل ؟؟؟؟؟؟؟؟ :confused2: :confused2: :confused2:

رد: جلسة مناقشة صالون سيريا ستوكس ليوم السبت 20-8-2011

التفائل اذا كان من نوع الانفتاح والاستبشار والاقدام على الحياة والعمل فهو خير أما أن نتفائل من نوع التوكل والأحلام فهذا يكون توفيقه من باب الصدف .

لا أظن أن هنالك تفاؤل بالمطلق ولا تشاؤم بالمطلق . وكمثال يمس دواخل انفسنا : هل تجرأ أحد بالشماتة ولو بينه وبين نفسه بمن رسب بالامتحان حينما كان هو نفسه بانتظار نتيجته ؟ لا أظن . اذن التفاؤل هو الشعور العادي والتشاؤم هو الخوف .

على أن لا نخلط بين التفاؤل والمخاطرة ، وبين الجرأة والوقاحة أو بين السلبية والانعزالية مقارنة مع الحرص و الوعي من خلال تجارب سابقة لنا أو معلومات عرفناها .

رد: جلسة مناقشة صالون سيريا ستوكس ليوم السبت 20-8-2011

اقتباس:

المشاركة الأصلية كتبت بواسطة mouayad (المشاركة 108318)

والله الحمد لله في شوية نعس و تعب فايق من الساعة 9 يعني تأخرت شوي عن شغلي
بس عموما شغال لسه بضاين لنهاية الدوام

الله يقويك ويحميك، ومشرفتنا لاتزعلي "لعله خير" :)، ومؤيد أنا اليوم عندي عطلة ما منداوم السبت

رد: جلسة مناقشة صالون سيريا ستوكس ليوم السبت 20-8-2011

طيب بدي اسألك .. لو ما اكتشفتي انو الله بيحبك بالجامعة ومن خلال تغير شخصيتك شو رح يكون ردة فعلك ؟؟

رد: جلسة مناقشة صالون سيريا ستوكس ليوم السبت 20-8-2011

اقتباس:

المشاركة الأصلية كتبت بواسطة beautiful life (المشاركة 108322)

الموضوع سهل جداً، وراجعتلكون، بس هلأ لازم قوم شوي وبس ارجع منحكي :)

رد: جلسة مناقشة صالون سيريا ستوكس ليوم السبت 20-8-2011

1852.52 = 2660 ل.س / غ

ولسه

رد: جلسة مناقشة صالون سيريا ستوكس ليوم السبت 20-8-2011

اقتباس:

المشاركة الأصلية كتبت بواسطة economic opinion (المشاركة 108324)

ومشرفتنا لاتزعلي "لعله خير" :)،

مازعلانة . ... الحمد لله :)

رد: جلسة مناقشة صالون سيريا ستوكس ليوم السبت 20-8-2011

اقتباس:

المشاركة الأصلية كتبت بواسطة economic opinion (المشاركة 108326)

الموضوع سهل جداً، وراجعتلكون، بس هلأ لازم قوم شوي وبس ارجع منحكي :)

خدي راحتك بالانتظار :)

رد: جلسة مناقشة صالون سيريا ستوكس ليوم السبت 20-8-2011

ياجماعة أنا مضطرة قوم لان فرطت تعب لهلا مانايمة بشـــــــــــوفكون على خير مع آرائكم

رد: جلسة مناقشة صالون سيريا ستوكس ليوم السبت 20-8-2011

مسا الخير للجميع

سأسرد لكم هذه القصه

القصة أن شيخاً كان يعيش فوق تل من التلال ويملك جواداً وحيداً محبباً إليه ففر جواده وجاء إليه جيرانه يواسونه لهذا الحظ العاثر فأجابهم بلا حزن وما أدراكم أنه حظٌ عاثر؟ وبعد أيام قليلة عاد إليه الجواد مصطحباً معه عدداً من الخيول البريّة فجاء إليه ...جيرانه ...يهنئونه على هذا الحظ السعيد فأجابهم بلا تهلل وما أدراكم أنه حظٌ سعيد؟ ولم تمض أيام حتى كان إبنه الشاب يدرب أحد هذه الخيول البرية فسقط من فوقه وكسرت ساقه وجاءوا للشيخ يواسونه في هذا الحظ السيء فأجابهم بلا هلع وما أدراكم أنه حظ سيء؟ وبعد أسابيع قليلة أعلنت الحرب وجند شباب القرية وأعفت إبن الشيخ من القتال لكسر ساقه فمات في الحرب شبابٌ كثر. وهكذا ظل الحظ العاثر يمهد لحظ سعيد والحظ السعيد يمهد لحظ عاثر الى ما لا نهاية في القصة وليست في القصة فقط بل وفي الحياة لحد بعيد. فأهل الحكمة لا يغالون في الحزن على شيء فاتهم لأنهم لا يعرفون على وجهة اليقين إن كان فواته شراً خالص أم خير خفي أراد الله به أن يجنبهم ضرراً أكبر، ولا يغالون أيضاً في الابتهاج لنفس السبب، ويشكرون الله دائماً على كل ما أعطاهم ويفرحون بإعتدال ويحزنون على مافاتهم بصبر وتجمل. وهؤلاء هم السعداء فأن السعيد هو الشخص القادر على تطبيق مفهوم (الرضى بالقضاء والقدر) ويتقبل الاقدار بمرونة وايمان لا يفرح الإنسان لمجرد أن حظه سعيد فقد تكون السعاده طريقًا للشقاء. والعكس بالعكس

رد: جلسة مناقشة صالون سيريا ستوكس ليوم السبت 20-8-2011

السلام عليكم ورحمة الله وبركاته
التفاؤل والتشاؤم
كلمتان دائما نسمع عنهما قد يرى البعض إنهما مجرد كلام فلسفي لا قيمة له ولا تأثير له على النفس البشرية ولكن بالنسبة لي فأن لهما دورا مهما في حياة الناس إذا أحسن فهمهما وإستخدامهما .

التشاؤم:
******* هو حالة نفسية كثيرا ما يتعرض لها الإنسان في المراحل الإنتقالية من حياته كتحوله من مرحلة الطفولة إلى مرحلة الشباب أو دخول الإنسان مرحلة الكهولة وإحساسه بضعف نشاطه في المجتمع .
أو مرحلة إنتقالية في حياته العملية
والتشاؤم هو أن ترى الجانب السئ أو المظلم في المستقبل ولا تفكر إلا بها وهنا لن ترى الحلول المثلى للمشاكل .

التفاؤل:
******** وهو نوعان

التفاؤل الغافل : الذي هو أقرب إلى التشاؤم في نتائجه ومعناه أن ترى الجانب الحسن والمشرق فقط لا غير من المستقبل إنما هو أقرب إلى الخيال .

التفاؤل الجاد : وهو بالضبط ما أهدف إليه في كلامي هذا النوع الذي يدفع الإنسان إلى تخطي الصعاب وإيجاد الحلول المثالية لكل الأزمات .
وهو أن ترى الجانب السئ والحسن معا وأن ترد المشكلة إلى أصولها وتبحث عن أسبابها وتضع لها أكثر من حل وتعرف أو تقدر نتيجة هذه الحلول كي لا تتفاجاء بها
هو أن لا تميل وتخضع وتندب حظك لمجرد إنك فشلت في أمر ما ، أن تنهض من جديد وتعتبرها مجرد تجربة تستفيد منها في محاولاتك الثانية والثالثة وغيرها حتى تصل إلى هدفك .
هو أن لا تعتبر النجاح هدفك في الحياة إنما المحافظة على نفسك ناجحا دائما .
هو هو أن لا تثور آنيا لموقف تصادفه وإنما تحافظ على هدوءك وتحلل ما حدث تحليلا عقلانيا وترده إلى أسبابه وستجده عندها أمرا تافها لا يستحق منك كل هذا الإهتياج .
********************
أن تعيش في جو الحقيقة بعيدا عن الخيال وتحول أن تتوقع حدوث كل شئ وتتهيء له ...
أن لا تصدر أحكاما سريعة أبدا قد تغير مجرى حياتك وحياة غيرك قبل التمعن فيها ...
وأخيرا أن تنشر التفاؤل بين الناس وتعلمهم كيف يتغلبون على مصاعبهم وينهضون من جديد ...

عندها سترى الحياة تفتح ذراعيها لك ......

تقبلوا تحياتي

رد: جلسة مناقشة صالون سيريا ستوكس ليوم السبت 20-8-2011

مساء الخير للجميع

رد: جلسة مناقشة صالون سيريا ستوكس ليوم السبت 20-8-2011

اقتباس:

المشاركة الأصلية كتبت بواسطة manar (المشاركة 108342)

مساء الخير للجميع

مسا النور اخي منار

شو وين الشباب

اكيد عاملين شي ((عسه)) عزيمه يعني بالحمصي

بالهنا انشاء الله

رد: جلسة مناقشة صالون سيريا ستوكس ليوم السبت 20-8-2011

مساء الخير للجميع
موضوع اليوم يضرب عصب الحياة
فالحياة لا تخلوا من الخير والشر او من
التفاؤل والتشاؤم وكلاهما يشكلون نسبة
50%لكل طرف المهم اين يرى الانسان
نفسه والاهم هو التسليم لقضاء الله بكامل
الايمان !!!!!!!!
بالنسبة لي فانا احب العمل بمقولة
(اعقل ثم توكل )(وكل شيء من الله يا محلاه)
ولكن يجب ان اخذ بالاسباب والحمد لله
مرة بتكون الامور جيدة ومرات سيئة
هكذا الحياة ليس بيدنا شيء

رد: جلسة مناقشة صالون سيريا ستوكس ليوم السبت 20-8-2011

ان شاء الله بينعاد عليكم بالصحة والسلامة
بلش العشر الاخير من رمضان تقبل الله
منكم صيامكم وسائر عباداتكم آمين يا رب
يمكن ما اقدر اسهر معكم بعد اليوم
اتمنى لكم التوفيق

رد: جلسة مناقشة صالون سيريا ستوكس ليوم السبت 20-8-2011

اجيت عالصالون لقيت كل البيت فاضي ........ مافي حدا ؟؟؟ !!!!!

رد: جلسة مناقشة صالون سيريا ستوكس ليوم السبت 20-8-2011

مساء الخير جميعا
سهرة جميلة برفقتكم و برفقة اعضاء المنتدى

رد: جلسة مناقشة صالون سيريا ستوكس ليوم السبت 20-8-2011

مسا الخير .... كيفكم اشتقتلكم

يعني مخربط جراء السهرة الى 12 الظهر .. وبعدها الافطار وبعدها سهرة مع الشباب .... يعني افتقدناكم ...

رد: جلسة مناقشة صالون سيريا ستوكس ليوم السبت 20-8-2011

اقتباس:

المشاركة الأصلية كتبت بواسطة سلام (المشاركة 108348)

مبارك لك والله يبلغك الثواب الكامل

خير مدام لشو الغيبة ؟ إذا كان بسبب التفرغ لليالي العشر الاخير فياريت تدعيلنا كتييييير

رد: جلسة مناقشة صالون سيريا ستوكس ليوم السبت 20-8-2011

اقتباس:

المشاركة الأصلية كتبت بواسطة sommmmy (المشاركة 108343)

مسا النور اخي منار

شو وين الشباب

اكيد عاملين شي ((عسه)) عزيمه يعني بالحمصي

بالهنا انشاء الله

عسه يا ابو باسل

بس عالخفيف قهوة وشاي ... والمنحرفين اركيلة الله وكيلك دخنا اكتر منن

رد: جلسة مناقشة صالون سيريا ستوكس ليوم السبت 20-8-2011

طيب إذا غبنا ليش ما بتفتحوا نقاش لحالكم ؟؟؟

بتعرفوا شي ؟؟ اكتشفت انو لازم نعمل دراسة حول أزمة القيادة في المطنقة العربية ، بمعنى اننا شعب لا يستطيع المسير بدون قيادة او توجيه ويصعب ترك الاختيار لتعدد القادة ..!!!! وهذه المفارقة في حال ظهور صحتها فقد تؤدي بنا الى اضطرابات مستقبلية .....

والصراحة : اننا لا نستيطع العمل ضمن فريق team work لانها مبدأ تروبي لم نعتاد عليه ... ولم نرجى الا نجاحات فردية بينما في الغرب نشاهد نجاحات جماعية .. كمؤسسة او فريق

فما السبب وما عواقبها وكيف نعالجها ؟؟؟ بدها موضوع لحالها

رد: جلسة مناقشة صالون سيريا ستوكس ليوم السبت 20-8-2011

اقتباس:

المشاركة الأصلية كتبت بواسطة broker (المشاركة 108364)

حط هالمشاركة بالجلسة القادمــــــة لنبلش فيا مابدي احكي لحالي

رد: جلسة مناقشة صالون سيريا ستوكس ليوم السبت 20-8-2011

كنت اسأل نفسي دائما عن الامثال الشعبية التي اطلقها اجدادنا في الماضي ومعظمها صحيح
من جد وجد .......ومن سار على الدرب وصل
(مطبوعة على المرحى المهداة للطلاب)
ولكن احيانا لاتصدق.....
مثلا طالب اجتهد طوال العام لكن لظرف معين لم يستطيع ان يتقدم للامتحان ..ورسب
عليه ان يتفائل ان يستطيع ذلك ..ولكن بعد سنة كاملة

امثلة كثيرة جدا ممكن ذكرها ...........

رد: جلسة مناقشة صالون سيريا ستوكس ليوم السبت 20-8-2011

اقتباس:

المشاركة الأصلية كتبت بواسطة غسان (المشاركة 108368)

بهي الحالة بدك تقول له "لعله خير "

اصلا هون ببين التفاؤل ....