|
الشاي عند المصرين
اما تلاقي واحد مصري جاي يعزمك علي كوباية شاي هتلاحظ روح المبالغة دايما وهو بيقدملك الشاي ده .
تحس انه جايبلك لبن العصفور او حاجة مدقتش زيها في حياتك حتي لو كانت كوباية شاي عادية خالص ! ومن اشهر الجمل بتاعة المبالغة في تقديم الشاي عند المصرين : 1- جايبلك شاي من اللي وصي عليه لقمان : مع ان محدش شاف الوصية دي ابدا ومعقول لقمان هيوصي علي كوباية شاي برضه في وسط وصاياه ؟ وبعدين كان علي ايامه شاي فتلة ؟؟ عجيبة شوية دي واما حد قدمه للقمان قاله ده الشاي اللي وصي عليه مين بقي ؟؟ |
رد: الشاي عند المصرين
2- الشاي كما أنزل : دي من اعجب الكلمات اللي ممكن تسمعها في مصر ..هو الشاي انزل ؟؟ يعني ظهرت شجرة شاي سحرية مثلا فجأة من تحت الارض ولا هو بيتزرع ؟ وحتي المكرونة الفرن بيقولوا عليها كده وانا مش عارف ازي المكرونة انزلت الحقيقة يعني |
رد: الشاي عند المصرين
3- جايبلك شاي بقي متقوليش ومتعدليش : خلاص ياعم اتكتمنا اهو..انت هتزلني بكوباية شاي ؟ وبعدين مقولكش ايه ما انا اكيد دقت احسن منه او زيه ع الاقل يعني ايه شاي مقولكش يعني ؟ |
رد: الشاي عند المصرين
4- كوباية شاي صنعة ايديا وحياة عنيا : مش عارف ايه الصنعة في الشاي ؟ ده اسهل من فتح العلب في برنامج لعبة الحياة الساذج هو الشاي كمان فيه فنون ووصفات ؟ |
رد: الشاي عند المصرين
5- جايبلك شاي بقي يعمل معاك الصح : شاي يعمل معايا الصح ؟ ايه ياعم قاعدين في ورشة خراطة ؟ والله ده انا اللي هاقوم اعمل معاك الصح بأم الشاي بتاعك ده يا اخي |
رد: الشاي عند المصرين
6- كوباية شاي بقي ولا الدموع ولا الأيام :
ماشي يا عم حمادة هلال.. ما تعيطلي احسن وانت بتديهوني جتكوا نيلة مليتوا البلد ..ومعندكش كوباية تانية دايما دموع دموع ؟ ولا دي ماركة تانية ؟ |
رد: الشاي عند المصرين
7- حماتك بتحبك يا عم : اهو ده المستحيل بعينه بقي لو حلفتلي ع المية تجمد زي ما بيقولوا مافيش حماة بتحب ده كلمة وصي عليه لقمان واقعية اكتر من دي شوية كمان ولو حماتي بتحبني ما كانت عزمتني هي مش هاكل عند واحد صاحبي يعني ولو افترضنا انك بتتكلم عن الرضا طب قول امك بتحبك انا اول مرة اسمع عن رضا الحماة ! |
رد: الشاي عند المصرين
8- كوباية شاي بقي تجيب معاك م الاخر : محسسني انك مديني قرص فياجرا مثلا ده شاي يا عم الخرنج ايه الشاي اللي يجيب معاك م الاخر ؟ وبعدين مش عايز اجيب م الاخر يا عم انت بتطردني ولا بتعزمني ؟ اكنك بتقولي قصر يعني واتكل علي الله |
رد: الشاي عند المصرين
9- كوباية شاي بقي دوق وادعيلي : ايه جو الشحاتة ده ؟ روح يا ابني الهي ينجلحك المقاصد ويكتبلك في كل خطوة سلامة كانوا بيشحتوا بمناديل في الاشارة دلوقتي بكوباية شاي |
رد: الشاي عند المصرين
10- خد حلي بقك : ماشي يا عم الشيخ.. تحس انه هيحطلم شوية مسك بعديها ويقولك حلي ايديك بركاتك يا مولانا..طب ما طالما هاحلي بقي ما تشوفلنا حاجة حلوة مش كوباية شاي حاف ! |
| الساعة الآن 07:25 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks