الأسهم السورية ( المضارب السوري) - المقامات اللقمانية -ترويج سياحي-

المقامات اللقمانية :أسوة بمقامات
بديع الزمان الهمذاني رحمه الله :
الذي كان يبتدأ حديثه بالجملة الشهير :
حدثنا عيسى بن هشام فقال:
--------------------------
المقامة الأولى :ترويج سياحي

حدثنا عيسى بن هشام فقال :
ذهبت في سياحة الى سوريا الآن....
فهي بلد ملؤها الأمن والأمان.....
هكذا قال لي صديقي لقمان.....
نزلت المطار و أنا محتار .....
الى أين سأذهب في هذا الجو الحار....
وحذائي لسا ما توسخ بالغبار....
مشيت في الصالة الفسيحة...
و عمؤول لحالي نزلتي عسورية هي منيحة...
مو متل مصر واليمن و ليبيا الفضيحة.....
أخدت الجواز و الشناتي وطلعت من الباب ...
و شفيرالتكسي انبحت ويؤول تفضل يا حباب..
سألني لوين النية يا صاحب الكندرة البنية.....
التلو لأي مكان ما يذكرني بالأحداث اللبنانية..
شو رأيك تاخدني على الأموي و العصرونية ..
شفير التكسي انسطل .....
و صاح علي كالبطل.....
من بعد ما فاحت منه رائحة البصل....
و قال لي مستغربا لوين رايح يا حبيب.....
و هو ينظر الى كندرتي البنية الجديدة....
ففزعت و أنا اللبناني بالهوية....
من تجربتنا السابقة الشهية ..
عندما أشلحنا الكندرة البهية ....
و اشتغل فينا ضرب العصيا.........
التلو لوين ما بدك عملي جولة بالشام...
و خليني بس شوف الياسمين و طيور اليمام..
صرخ علي و آل شو عمتتخوت علينا يا حيوان
يا لبناني لازم ناخدك على بيت خالتك الآن....
قلت له :طول بالك خيي,ما بتعرفوا للقمان...
رد يلي كان اسمو شوفير من شوي ....
من بعد ما نششف بزلعومي المي.....
و هاد الارهابي مناخدوا كمان.....
هو و كل عيلتو و حتى النسوان......
هون مطار اللاذقية مو مطار الشام...
اندهشت كثيرا و تكلمت قليلا و قلت عسيرا :
حجزت على الشام من مطار بيروت ....
تيكيت سياحة عسوريا... تفوت....
و ما بطلع منها الا بأفخم تابوت...........
و باقي القصة ..طوط...فطوط.....فطوط.....
(عذرا الرقم المطلوب مغلق أو خارج نطاق التغطية يمكنك ترك رسالة أو عنوانك و نحن بناخدك وانت و مين معك و أقربائك و أصحابك لعند صاحب الرقم....مو تكرم عينك .......مع تحيات خدمة الترويج السياحي عبر الموبايل)