|
استفسار عن عمل الصراف والمضارب
السلام عليكم ورحمة الله سؤال خطر ببالي ليش المضارب بالعملات مابيعمل عمل الصراف ويتفرغ له مع العلم بان الصراف شغلو مضمون بعكس المضارب يلي بتعرض بمخاطر اكبر سواء بالربح او الخسارة ولكم جزيل الشكر. |
صباح الخير
المضارب ممكن يكون اي شخص بأي مكان ومعه أي مبلغ مهما كان بسيط ، وهو عمل سري قد لا يعلم به سوى هو نفسه ، اذا نجح بتنويع وتضليل تجار السوق السوداء عن حقيقة عمله . ممكن كل مرة يألف قصة جديدة : جاري كبير بالسن وبدو يبعت لأبنو مصاري جار آخر يريد شراء ادوية من الخارج ويحتاج عملة صعبة أما عندالتحويل إلى سوري : جارتنا بعتلها جوزها من السويد هالمبلغ ومو عارفة كيف تحولو......الخ وممكن هالطريقة تفيد بالمفاصلة ، يعني لو المصاري تبعاتي ما بسأل ، بس هدول أمانة ، لأ بكرا اذا سألوا بيفكروني عم سمسر عليهم .....الخ أيضا . أما الصراف فيحتاج إلى إشهار ، ورأس مال كبير ، وظهر يحميه وياكل من أرباحه . إذا عنده امكانيات ياخد ترخيص بيكون عم تحكي يمكن بالخمسين مليون ليمشي الحال . وخود على مراقبة ودفاتر ومخاطر غير محدودة ، وإذا كان بدون معارف وصلات وصل بالحيتان ، فيك تترحم عليه من هلأ وبأفضل أحواله الافلاس . ارجو ان يكون هذا ما سألت عنه .:) |
شكرا جزيلا لك اخي عابر مجيب حسب مافهمت من كلامك انو المضارب يمارس المضاربة كهواية وليس كعمل اساسي.بينما الصراف بكون عملو اساسي ومتفرغ لعملو. |
اقتباس:
في شي تاني كمان تخيل انك اشتريت وثبت السعر شي شهر زمان ، شو بدك تشتغل ساعتها ؟ حتى رأس مالك رح ينقص منه ربح الصراف إذا حبيت تطلع . الآن حالة خاصة التذبذب السريع والمرتفع لليرة أما قبل الازمة كان ثبات السعر يمتد لأكتر من 3 إلى4 سنوات أحيانا . ممكن التفرغ للمضاربة بسوق الفوريكس بس قبل المباشرة بدها كتير فت خبز (دراسة ومتابعة ) وقليل عدد من نجح وعمل دخل ثابت مستمر . هي ربما بحاجة لشخصيات معينة : هادئة ورايقة ، اما المتسرع ، سيجد نفسه متوتر باستمرار، مثل القط المراقب للفريسة والمتحفز للانقضاض وهاد آخرتو الخسارة أو الجلطة او الاثنان .:rolleyes: |
| الساعة الآن 11:50 AM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks