انخفاض متوقع في سعر صرف الدولار مقابل الليرة هذا الاسبوع .
 

مرحباً مجددأ،
ما زلت على اعتقادي في انخفاض لسعر صرف الدولار مقابل الليرة خلال الاسبوع الحالي واعتباراً من افتتاح الغد لنفس الاسباب السابقة في موضوع " ضخ القطع الاجنبي" من قبل المركزي وبأي طريقة كانت !
الذي بدوره سيغير المسار تماماً في عمليات الصرف والطلب عليها.
واتمنى التوفيق للجميع

انا أتوقع انه سيحافظ على 115 ليرة حتى نهاية هذا الأسبوع على الأقل

أتوقع أنه سيحافظ على 115 ليرة حتى نهاية الأسبوع على الأقل

هاد التوقع صرلو اسبوعين و هاد التالت ...بس على ارض الواقع مافي شي.....بصراحة اعتقد انو اذا ضل هيك رح يكون و للأسف في تسارع كبير للصعود ....و هي أول يوم و لسا السوق على طلوع خفيف يعني ما في ريحة نزلة لهلأ ...و ما زلنا في الانتظار!!

كل العالم قاعد ببيع يورو وبتخلص منه والشباب بالمنتدى ناطرين اللحظة اللي يشتروا يورو :)

لأنو صفيان اليورو أحسن من العمى....قصدي الليرة للأسف

سيبقى السوق في حالة مراوحة طالما ان التدخل " سلبا و ايجابا " لا يزالان في طور الاشاعات حتى الان
المراحة تعني الدوران فين حاجز ال 110 و ال 120
قد يكون الصعود نحو ال 120 صعبا و بطيئا لكنه وارد بالرغم من الارتدادات السريعة التي تحصل نحو النقطة الادنى
بانتظار خطوات فعلية " حتى نعرف كيف رح نموت على الاقل "
من الفرحة وللا من الجوع

احترامي للجميع

للاسف ما شفنا اي مراوحة بعد الانخفاض من اكتر من 120 الى 112 بعد التهديد بالتدخل ...و من بعدها ارتفاع تدريجي وصل لل118 اليوم ...و للأسف زاد الارتفاع بعد الاجتماع المرتقب مع الصرافة الثلاثاء الماضي....الله يستر و انشالله يكون في اي ارتداد لأنو اذا ضل بالاتجاه الطالع ما عاد في شي بيوقفو و بتكون الليرة باي باي !!

نتمنى ان يرجع الدولار لل 100 ان شاء الله

للاسف فان المضاربين يراقبون السوق مثل المواطن العادي
فان راو دخانا قالو احترقت الليرة
و ان لم يرو دخانا قالو نفد حطب الليرة ولم تعد قادرة على فعل شيء
و النتيجة من كل التصريحات رفع سعر الصرف لحرق الاقتصاد في سبيل تحقيق مكاسب فردية او تنفيذ خطة اقتصادية لتحقيق هدف معين " يرونه محقا "

تحياتي و احترامي للجميع
ما اطرحه راي عام متواضع لا يمس بشخص اي احد