|
شو أول هدية عطيتها لبنت \ لشب
الحقيقة كنت قاعد لحالي كالعادة عم اتذكر ايام زمان تذكرت حادثة قديمة
من ايام البراءة و الطفولة و هي اول هدية عطيتها لبنت بتمنى من الجميع المشاركة و خاصة اذا كانت حادثة طريفة مو ضروري تكون الهدية لصديق او صديقة ممكن تكون لخطيبتك او مرتك و بالعكس بالنسبة الي اول هدية كانت بصف الخامس او السادس الابتدائي كان في معنا بنت بالصف و كان عيد ميلادها الى الان عم دور عن السبب اللي خلاني اهديها هدية و برغم مرور اكتر من 18 سنة ما توصلت لجواب يمكن لأنو كانت لطيفة معي و كانت ايامنا بالفعل فيها براءة الطفولة مو متل هلأ جيل اللهم عافينا الهدية كانت عبارة عن شريط لعلاء زلزلي كان اول شريط الو و لوحة صغيرة ما بعرف ليش بس حبيت شارككم هالذكرى و شوف انتو شو رأيكم بس بدون ما حدا يسألني لمين كانت الهدية التانية شكرا |
رد: شو أول هدية عطيتها لبنت \ لشب
شوووووووووووووووووو تاريك مو سهل مؤيد باشا ؟؟!! من جهتي أول هدية كانت لأمي وآخر هدية لأمي من كم يوم وقت عيد الأم |
رد: شو أول هدية عطيتها لبنت \ لشب
ههههههههههههههههه شو هل الأفكار Big Grin
منين خطرتلك عنجد حاولتلك بس في مشكلة أنو : أنا ما بذكر أني كنت طفل :mad: أوك مان :mad: وثانيا أول هدية صعب قلك لمين أو بدي أكزب عليك بس في قلك أنو كان عمري 25 Frown1 سلام |
رد: شو أول هدية عطيتها لبنت \ لشب
والله يا ابو حازم ما توقعتك هيك لافي حب طفولي ولا شبابي
انا هديتي كانت عن براءةوالله ما بعرف لا ليش هديتها و لا شو السبب كانت طفولتي بريئة بس طلعت انت بريء اكتر مني الفلم و الدسم كلو عند ابي نادر طالما القصة فيها 25 سنة فلازم نلاحقه زنغة زنغة لنعرف التفاصيل |
رد: شو أول هدية عطيتها لبنت \ لشب
أنا كنت صف حضانة، وكان في بنت كتير حلوة، هديتها شريط بونبون طويل، وكتير انبسطت، تاني يوم جابتلي لوح شوكولا، قام هديتها المحاية تبعيتي، تاني يوم جابتلي علبة معجون تبع الولاد، وهيك ضلينا كل يوم أو يومين أنا أهديها شي وهي تهديني شي، وادفعو يا أهل، وفي مرة أخدتها لعندنا عالبيت منشان ناكل بامية، لأنو أمي كانت طابختها، طبعا وقتها ما راحت بالباص تبع المدرسة، وما كان في تلفونات وقتها، وأهلها مساكين داخو لعرفو شو القصة، وأهلي كمان ما عادو عرفو شو بدهن يعملو.
المهم ما بعرف إذا من وراي ولا لأ، بس هاجرت العيلة كلها على السويد، بنفس السنة. :-) هاد الحكي قبل سنة 1978 بشوي هلق حادثة البامية انا ماني متذكرها بس أمي يلي خبرتني عنها ودايما بتذكرني فيها كأنو صايرة انبارح. |
رد: شو أول هدية عطيتها لبنت \ لشب
اقتباس:
بدو يهدي أو بدو يحكي مع شي بنت حلوة بيؤول راح أهديك هدية أخوية .......ما تفهميني غلط بدي احكي معك كام كلمة بتمنى منك ما تفهميني غلط وكمان البنات نفس الشي كل العالم أخي مؤيد بهيك مواقف بتتصرف ببراءة ........ براءة .....آل براءة آل ............ إي بيكون صرلوا جمعة سهران الليل و هو عميجهز الأدلة و الكلام مشان يطلع براءة بالمناسبة أخي مؤيد موضوعك لطيف جدا و ذكرنا بالأيام الماضية الحلوة................... بس ما راح أأدر ألك شو الهدية لأنو مرتي بتدخل على النت ... بعدين بكل براءة......... بتعرف شوراح تعمل معي .............و بكل براءة |
رد: شو أول هدية عطيتها لبنت \ لشب
لاحقا للموضوع أعلاه
و بعد أن تدخلت زوجتي بكل براءة ..و سألتني أسئلة بريئة....أنو شو الهدية .......ومعليش أؤول مين صاحبة الهدية............ و صار بس بدي أثبت برائتي............ أحب أن أوضح ........لا كان في هدية و لا كان في بنت مشان أهديا.......... ما هيك ياشباب ..................... |
رد: شو أول هدية عطيتها لبنت \ لشب
اقتباس:
ذكرتني بأمي الله يرحما ......... بالفعل كانت أول هدية هي لأمي رحمها الله لكن الي.............. زمااان............ زمااااان الي زمان كتير معاد جبتلا ..........شي |
رد: شو أول هدية عطيتها لبنت \ لشب
اقتباس:
|
رد: شو أول هدية عطيتها لبنت \ لشب
اهلين اخي اياس
تاريك انت اللي مانك قليل شو هاد طلع في هدايا متبادلة و غداء و بامية ايه ايامك بس الله يسامحك روحت العيلة كلها من وراك على السويد و ما عاد عرفت عنهم شي ؟؟؟؟؟؟؟؟ والله طلعت شغلتك ناكتة يا ابي نادر صحيح بعمر 25 سنة و على قولة لقمان مافي براءة بس ما كان في اغدية و اختطاف متل اخونا اياس اما بالنسبة للأخ لقمان فبلفعل بكل براءة لأني كنت صف خامس مو دفاعا عن نفسي بس على ايامنا لسه ما كان في الشي اللي صاير اليوم و بكل براءة بتمنى زوجتك بما انها عم تابع الموضوع تبقى تنق فوق راسك لتعرف مين هية البنت و شو كانت الهدية Big Grin و تاخد بتاري منك |
| الساعة الآن 04:07 AM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks