|
من وحي كلمة ليش للمفكر أبو حازم/ليش سعر صفد البيض 200ليش
صباح الخير للجميع
بدنا نستعير كلمة ( ليش ) تبعيت أبو حازم : ليش صار سعر صفد البيض صار 200 ليرة........ جاوبتني احدى الجاجات الحمصيات المثقفات : انو الجاجات عاملة اعتصام ما راح تبيض احتجاجا على انعدام الأمن في المدجنة ... و خوفا من على البيض الذي هو نواة صوص مبدع قد يفلت من أيادي الجائعين و بالتالي يكون الصوص المنتظر...... بطلنا نبيض احتجاجا على غلاء الأعلاف وعدم توفرها ....... يعني لازم نحولون دولار و مافي حوالات و هللأ ما في استيراد.شلون بدوا يجي العلف ... و بدكون بيض ... اي شو مين آل انو السما بتشتي بيض ...... تصوروا لو السما بتشتي بيض ... كان ما في أسهل منا نطبخ عجة ..... أضافت الجاجةالحمصية المثقفة : بدكون يانا متل الأطاط الخشب نصيد و ما ناكل ........... يعني اذا ما أكلنا منيح و ما كنا مطمئنين على البيض تبعنا.................. شلون بدكون يانا نبيض يالله تعو خلونا نبيض بالزور ................ عجب بتظبط معكون هي بالزور كمان ...... .(ملاحظة سعر البيض 200 ليرة للصفد أمس اشتريتوا ) |
رد: من وحي كلمة ليش للمفكر أبو حازم/ليش سعر صفد البيض 200ليش
رد المفكر الكبير غالب صباح الخير عرفنا ليش طبق البيض ب 200 ليرة ولكنني اعتقد ان هذا السعر في حمص العدية بس وعنا اعتقد لسه ما صار 200 مع انو ثلثترباع البيض بيجي من حمص يمكن عنا لساته 199 هههههههههه ويا اخي لقمان الحق على الديوك الحمصيي الي ما عبيخلو الجاجات يبيضوا بالزور . اقلولهن يقعدوا عاقلين ؟؟؟؟ |
رد: من وحي كلمة ليش للمفكر أبو حازم/ليش سعر صفد البيض 200ليش
استطراد للمفكر الكبير غالب :
سوف اتاكد من سعر طبق البيض (صفد على قولة اخي لقمان ) واعلمكم . علما انه ما حدن بالعالم بيشترى اصفاد (جمع صفد) غير دولنا الكريمة برا بالبيضة بالبيضة بيشتروا |
رد: من وحي كلمة ليش للمفكر أبو حازم/ليش سعر صفد البيض 200ليش
اخي لقمان صفد او طبق او صفت البض في دمشق - دويلعة هذا اليوم هو 175-180 ليرة بكل العالم المتحضر يباع البيض بالوزن الا عندنا بالعدد ؟؟؟؟؟؟؟؟؟ |
رد: من وحي كلمة ليش للمفكر أبو حازم/ليش سعر صفد البيض 200ليش
اقتباس:
اقتباس:
صديقي لقمان : (هادا أنا مصادق حالي و عمحكي حالي ) ذكرتني خاطرتك أعلاه بقصيدة للراحل للشاعر الكبير شاعر المرأة نزار قباني يقول فيها : في حارتنا ديك صياح ......................... ينتف ريش دجاجات الحارة كل صباح ........ xxxxxxxxxxxxxxxxxxxxxxx xxxxxxxxxxxxxxxxxxxxxx xxxxxxيختزنون النفط في xxxx . ...............انتهت القصيدة....................... يحرء حريشك يا شاعرنا الكبير نزار............... الواحد مافينو يستشهد بأصايدك بدون تشفير..... صحيح الواحد عطول بيطلب انو يحكي بشكل حر متل ما بدو اي بس لازم الحكي يكون ضمن الخطوط الحمراء يعني الواحد حتى لو كان مبدع لازم يبدع كمان جوات الخطوط الحمرا .................. الله يرحمك يا شاعرنا الكبير نزار قباني ........... يعني قصائدك يلي بتحكي عن الجاجة عفوا عن المرأة ما فينو الواحد يؤولا كلا بدون تشفير أكتر من نصا راح انتقل للاستشهاد بقصايدك السياسية هي أكيد ما بتكون آطع فيا الخطوط الحمر : يقول الشاعر الكبير نزار قباني (الله يرحموا )في وصف ؟؟؟: xxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxx ....................انتهت القصيدة .................... يصفقق الجمهور تصفيقا حارا يرد الشاعر الكبير نزار قباني : شكرا (ملاحظة اتمنى من الرقابة عدم تشفير كلمة شكرا نظرا لحجمها ) تلغى كلمة شكرا لانو القصيدة مشطبة بالاحمر معناتو ما بتنحكى اذا الشكرا تلغى لانها على قصيدة ملغية |
رد: من وحي كلمة ليش للمفكر أبو حازم/ليش سعر صفد البيض 200ليش
اقتباس:
انها للرقابة انها لأحد ديوك المنتدى عفوا لأحد الاخوة في المنتدى |
رد: من وحي كلمة ليش للمفكر أبو حازم/ليش سعر صفد البيض 200ليش
هههههههههههههههههههههه
قوووية... يمكن البيض اغلى بحمص لانها دولة مستقلة عم الشام... وبوكرة كل محافظة بتعمل دولة وبتطلع تسعيرة للبيض... |
رد: من وحي كلمة ليش للمفكر أبو حازم/ليش سعر صفد البيض 200ليش
صحيح استاذ غالب انت نبهتني لنقطة.... هلق اذا البيضة كبيرة او صغيرة الصفد حقه نفسه؟؟
بس ياخوفي يردوا عليك وبيعونا البيضة بالوزن... فبيحسبوها بشي طريقة وبيطلع النتيجة اغلى... ونجي نترحم على ايام الصفد بالعدد.... |
رد: من وحي كلمة ليش للمفكر أبو حازم/ليش سعر صفد البيض 200ليش
قانونيا وبالتموين يجب ان يكون الحد الادنى للوزن الكلي لصفد البيض 1800 غرام والاعلى 2000 غرام يعني الفرق اوقية هههه
بشكل عام البيض الوسط هذا وزنه ولا تنسي هذا الموضوع من صلب اختصاصي الاكاديمي - كلية الزراعة - قسم الانتاج الحيواني او يسمى حديثا قسم الثروة الحيوانية . وهناك موضوع يسمى التدريج او بالانكليزي غريدنج وهي بالضبط التدريج او وضع الاشياء بموجب وزنها او حجمها ومو بس البيض وكمان التفاح وخلافه . يا ريت نحترم الانسان وكرامته وناخذ منه سعر الوزن الحقيقي الذي يشتريه . القوانين ناقصة والبيض يجب ان يباغ بالغرام او الكيلو او الاوقية والاسهل الكيلو غرام . |
رد: من وحي كلمة ليش للمفكر أبو حازم/ليش سعر صفد البيض 200ليش
رد المفكر أبو تيم :
بما في معناه أن خواصره راح تتطق من الضحك |
| الساعة الآن 05:27 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks