رد: ماذا يعني "إفلاس" الولايات المتحدة؟
اقتباس:
المشاركة الأصلية كتبت بواسطة Salam
هل فينا نعتبر انو ارتفاع سعر الذهب الجنوني سبببه انخفاض قيمة الدولار؟
يعني اليوم تناقشت بالموضوع مع الناس بجلسة المتابعة..اذا الدولار صار فيه خطورة..وهلق الدخول للذهب شغلة بتخوف....والاسهم عم تخسر يوم بعد يوم....والكاش بيفقد قيمته بسبب التضخم على مر السنين..شو الحل..كلو عم يخسر او فيه مخاطرة عالية
|
لا لان الذهب عميرتفع امام كل العملات وليس فقط الدولار .. بس هو تقيمه بالسوق العالمي بالدولار لذلك نحن منشوفه امام الدولار فقط .. وفي مواقع بتحط شارتات للدولار اندكس او الذهب اندكس
الذهب ارتفاعه لانه يعتبر ملاذ امن والدول بشكل عام عمتحاول تزيد احتياطاتها من الذهب والغالبية بتتوقع مزيد من الارتفاع للذهب على مدار 5 سنين القادمة ... لكن متل ماقلت الدول مابتاخد بال 5 سنين او ال 10 سنين .. بتاخد بال 50 وال 100 سنة القادمة .. لذلك الاحتياطيات مازالت بالدولار اغلبها
بالنسبة لانخفاض الدولار فبدك تحددي مقابل اي عملة .. مقابل العملات العالمية فمافي مشكلة اذا انخفض .. احيانا لصالح امريكا انها تخفض الدولار واحيانا بيكون لصالحها انها ترفعه .. لكن التحركات بتكون باطارات ضيقة يعني مابتتجاوز ال 5% خلال 5 او 10 سنوات
في حدود سعرية بتحافظ عليها الدول
اما اذا بالنسبة للعملات المربوطة مثل عملات دول العالم الثالث فاسمها عملات مربوطة ... يعني اذا طلع بتطلع معو واذا نزل بتنزل معو ... يعني العملات الورقية العربية شكلية فقط
اما بالنسبة لليرة فهي ايضا عملة مربوطة .. لكن بسلة عملات .. وان كان الدولار له نصيب الاسد بهالسلة حسب مابتوقع والله اعلم
والليرة حاليا سعرها بيتاثر بالظروف الاستثنائية الي عمنعيشها .. اما بدون هالظروف فمابتطلع وتنخفض كتير لانها شبه مربوطة بالدولار وبتتحرك معه ...
بالنسبة لمصاريكي مابيصير تخبيهم يعني لازم تتصرفي فيهم
ماتخافي من التضخم حاليا مع هالظروف ماحيصير تضخم بسوريا
اللهم لاسمح الله كان سببه نقص بمواد معينة
اسف على الاطالة