المشاركة الأصلية كتبت بواسطة ahmad bayram

قصة هالبورصة مع الناس قصص و حكايات و بتختلف من شخص لاخر انا رح بحكي قصتي و بحب اقرا قصصكون كمان الموضوع ابتدا لما كنت بزيارة عند احد العملاء الي بتعاملوا مع الشركة الي بشتغل فيا عم دردش انا و هو و شايف شاشة الكمبيوتر مفتوحة على موقع في ارقام شي احمر و شي اخضر سالتوا شو عم تساوي قلي انا الاموال الي ما بيحتاجها بيستثمرها بالبورصة الو و لشركائه كمورد اضافي سهل التسييل باي وقت عند الحاجة و قعد يشرحلي و بتعرفوا كل واحد لما بيحكي عن البورصة اكيد رح يحكي عن السهم الي بيحبوا وزنتا بصراحة براسي كانت ايام 2008 عز الازمة الاقتصادية العالمية وقتا و اسعار اسهم الشركات بالاراضي و الله بقيتلي اسبوع قاعد عالنت بدخل عالمنتديات بقرا عن التحليل و اخبار الشركات و هكذا لوقت ما اتشجعت و انزلت فتحت حساب مستثمر عند الوسيط و كنت مطالع قرض اخدت جزء منو و استثمرتوا بالبورصة بالسهم الي بحبوا صاحبنا انف الذكر وصرت بفتح كل يوم بنهاية التداول و شوف شو صار بسعر سهمي بصراحة اول شي طلع انبسطت كتير بس بعد شهر و بسبب تراجع السيولة في السوق وقتا رجعت تهوي الاسعار و لو كنت خفت و بعت كنت خسرت شي 30 بالمية من راسمالي بس بصراحة انا ما بحب اشتري شي و بيعوا بخسارة بينحرق قلبي و بقيت مع المتعلقين لبين مالله فرجها و كانت نهاية اول سنة استثمارية متوسطة الاجل بارباح 50 بالمية من حجم الاستثمار هي كانت بدايتي حكولنا انتوا خلونا نستفيد