الأسهم السورية ( المضارب السوري) - عرض مشاركة واحدة - جلسة صالون سيريا ستوكس ليومي الخميس 22 والجمعة 23

22-09-2011, 12:15 AM

#45

Salam L

عضوية مميزة

تاريخ التسجيل: Oct 2009

الدولة: سورية

المشاركات: 5,533

شكراً: 9,602

تم شكره 8,287 مرة في 3,384 مشاركة

رد: جلسة صالون سيريا ستوكس ليومي الخميس 22 والجمعة 23 - 09 -2011

اسمكن فاتحين اليوم دردشة مفتوحة.....

بحب عيد جزء من مشاركة اليوم الي بالمتابعة.... يمكن كتار ماقروها.... بسبب عجقة اللي صار....

ياريت ماحدا يمارس سياسة جلد الذات على حدا....

قبل القرار كان في توجهين....

قسم من الناس متفائل وناطر....

وقسم من الناس يا باع او عم يفكر بالبيع بسبب تأخر صدور الصندوق...

الطرفين عندهن وجهة نظر والهن اسباب بوقتها كانت تبدو منطقية جدا...

فياريت مو كل طرف يقول للتاني شفتوا شو صار فيكن... قلتلكن.... انا نبهت... انا مدري شو قلت ....

اساسا من فترة مالها قليلة المتشائم مابقى يقرا شو عم يكتب المتفائل لانو كلامه صار مكرر... ومافاده وقت وصلت خسارته لل 50%..... وكتير ناس طبقوا كلام المتفائلين وخسروا خسائر فظيعة.... وهلق حتى الصندوق مابقى يعوض خسائرهن بالكامل....

والعكس صحيح كمان.... المتفائل مقتنع كتير بموقفه وماعم يقرا مشاركات المتشائمين... واذا قراها مابتأثر فيه كتير... وبيعتبرها تهويل على الفاضي...

يمكن في ناس اتجهوا شوي هون وشوي هون.... او فكروا بشي وطبقوا عكسه.... متلي أنا...

بس بالنتيجة....

مشان الله لا حدا يقول للتاني قلتلك.... او نبهتك.... لانو كنا كلنا عم ننبه ونتوقع شي مجهول... وهلق اذا حدا ظبطت معه مرة فهو كتير مرات كان كلامه مو صحيح....

اللي نصح مبارح او نبه الناس انو لازم تشتروا... كان ممكن يتسبب الهن بخسائر اضافية لو تأخر صدور الصندوق وهالشي كان كتير كتير وارد.... السوق كان بحاله سقوط حر تقريبا وانا وقفت شراء من فترة وماندمت ابدا لانو الوضع كان قريب بلعب القمار

واللي نصح الناس مبارح بالهروب من السوق كمان كان عم ينصح بالمجهول ومو عرفان شو جاية بس فكر بمبدأ عصفور باليد وعشرة على الشجرة... وهو موفق من حيث المبدأ لكن توقيته كان غلط مسكين....

النصائح بآخر فترة كانت بكل بساطة متل اللي عم يلعب بزهر الطاولة.... فيها جزء يعتمد على القدر بشكل بحت...... هي ضرب بالمجهول..... واكيد في جزء منها بيعتمد على خبرات متراكمة ولكن بسوقنا حتى هي ماكانت عم تنفع دائما.. واكبر الخبرات كانت معرضة متلها متلنا للخسائر .. ولو بنسب اقل....

مابعرف اذا في ناس نصحت بناء على معلومات سرية موجودة عندها... بس مابظن.. لانو ماحدا كان بيعرف بالقصة.... ولا حتى رامي بذات نفسه كان بيعرف انو الجماعة رح يستبقوا قصة العريضة ويباغتونا بالموافقة... لك يمكن لو رحنا سألنا الدكتور حمدان كان ماعرف ايمتى.... وتأكدوا انو لو شركات الوساطة كان تسربلها الخبر كنتوا مالقيتوا سهم احمر من اسبوع.....

فخلونا هلق مبسوطين بالخبر... ولا حدا يلوم حدا او يتشاطر عليه ويقله شفت شلوون....

ملاحظة.... الشخص الوحيد اللي بيحقله يقول شفتوووو شلوون... هو اللي باع كل اسهمه من اول الازمة وبربح كبير... وفات يشتري مبارح تحديدا.... هاد الشخص اذا كان موجود فأنا ارفع له قبعة...

__________________

اللهم إنه لا مانع لما أعطيت...ولا معطي لما منعت