رد: المتابعة اللحظية لجلسة تداول الثلاثاء 11-10-2011
اقتباس:
المشاركة الأصلية كتبت بواسطة salam
هههه روق استاذ عابر...
شهادة المتوسط للحاسوب تابعة لجامعة دمشق ومركز المعهد في كلية الهمك والشهادة ممتازة وبعرف كتير ناس حاملينا وناجحين جدا وبيطلعوا كومة مصاري.. مع امكانية الاكمال بأي مكان بالعالم الى اجازة جامعية...
المعهد المتوسط مع فرصة اكمال الى اجازة احسن من المفتوح.... المفتوح سمعته وسط من ناحية وظيفية... وهو الخيار الاخير للي مالقى اي مكان تاني ... يعني شب بأولها حرام يسجل فيه....
المادة بالافتراضي عمليا بتكلف اكتر من 6000.... وهي الجامعة الحكومية الخامسة واخدة طابقين بوزارة التعليم العالي وببلاش مو بالآجار هههههه.... وسبب زيادة السعر عن المفتوح هو تكاليف تطوير المحتوى الالكتروني وتحويل المواد الى صيغ مالها متوفرة لانو الموجود كله تقليدي.. بالاضافة الى تكاليف الانترنت واجور الاساتذة العالية نوعا ما.... وهي كدراسة احسن بكتير من المفتوح...
مشكلة الاعتراف فعلا شائكة خصوصي بالدول اللي ماعترفت بالتعليم الافتراضي خارج سورية... بس مع الوقت عم يتحسن الموضوع.... وفي عدة جامعات ممكن تقبل خريجي التعليم الافتراضي... وقصة الاعتراف هي نفسها عم يواجهوها طلاب الجامعات الخاصة اللي بالمناسبة مو معترف عليها برا متل الخلق والناس.... ولذلك افضل الخيارت دائما هي جامعة دمشق....
|
مابظن أنو معلوماتي أظبط من معلوماتك وأنا أسرعت بالرد على اساس ماباقي غير بكرا للتقديم للمفتوح ، يمكن كان علي توخي الدقة أكثر بس أنا ذكرت بأن معلوماتي ليست دقيقة 100% بس التواريخ أكيدة . وبتذكر ملاحظة شعرت أنها مهمة وهي أن اللي بدو يكمل الدراسة لازم يكون دارس بمعهد مو متل الاحصاء تبع وزارة الاقتصاد أو المالي تبع وزارة المالية أوالسياحي تبع السياحة وهكذا . خلطت التوليفة ودفعت بها باسرع مايمكن ليوصل شيء ممكن هو بعدين يستكمل . تاري اسمالله في ناس طاحشين متلك ومتل السيدة رندة . شكرا للمعلومات ولكل من يساهم في تقديم العون لأي مستفسر .