مشرف
تاريخ التسجيل: Jun 2010
الدولة: دمشق
المشاركات: 6,194
شكراً: 23,193
تم شكره 22,349 مرة في 4,677 مشاركة
رد: جلسة صالون سيريا ستوكس ليومي السبت 29 والاحد 30-10-2011
اليوميات عادت بناء على طلب لقمان
ابوسعد : ابو الهول لايمتى بدك تضل زعلان مني ؟؟
لك يازلمة مصارين البطن بتتخانق......لك شبك تنحت؟؟!!
مابعرفك لئيم لهالدرجة ....
ولو...........
طعمي التم ...........تستحي العين
ابوالهول : لاقيني ................ولا تطعميني
اللي بدو يعطي ويمنن ......عليه وعلى عطيتو
ابو سعد :........... اللي استحوا ماتوا
...................
قاعد بحضنا وعم ينتف بدقننا
نسيت ابو وديع وابو وحيد وابو شاكر وابو عبدو
لك انت مافيك ناموس
ابو الهول : لاناموس ولا نحل .......
كل شي لحالوا
على كل .........بكرا بيدوب التلج وبيبان المرج
ابو سعد : شو قصدك؟؟؟؟؟
ابو الهول :قصدي شريف بس نيتي؟؟..............
كمان شريفة
ابو سعد : ماعم افهم عليك ؟؟؟؟
.ليش ما بتكون صريح ودغري .!!!!
ابو الهول : انا ماعاد فيني اتحملك !!
لك يااخي انساني انساني...........
طلاع من راسي ببوس ايدك .........
لا تتصل فيني لا عالتلفون ولا عالموبايل
انس انو كان الك رفيق اسمو ابو الهول صعبة هي ؟؟؟
يعني الواحد بيكون متجوز وحدة وعندو منا خمس ولاد
اذا كرها بيطلقها وبيزت الولاد ولو كل الدنيا قالوا له
اصبر عليها انها زوجتك عشرة عمر وحلوة ومرة
ومدري شي
اذا طلعت براسو بيكب كل شي وبيطلقا !!!
غلط موغلط هيك صار وعم بيصير
وانا هيك ياخي كرهتك حل عني!!!!!
ابو سعد : خلص خلص
رح دشرك وحل عنك
بس لشوف شو بدك يصير فيك بدوني يامشحر!!!!!!
ابو الهول :في قلبه هذه المرة (الله يكسر من امثالك)