عضو أساسي
تاريخ التسجيل: Jan 2011
المشاركات: 4,237
شكراً: 6,342
تم شكره 10,276 مرة في 3,461 مشاركة
رد: جلسة صالون سيريا ستوكس ليومي الخميس 23 والجمعة 24-11-2011
مصري جريح
يا إبن بلدى
مالك يا إبن بلدى هو أنت قالب وشك ليه ؟
مش أنت يوم ما الثورة قامت قلت هيييييه ؟
ورقصت فى الشارع وقولت بقينا أحرار !!!
يا بيه . أنت أصلا محدش قالك حرية يعنى أيه ؟
وأن الحرية مش بس حقك اللى تفضل تدور عليه ... !! وبعدين تنسى واجبك واللى عليك ماتفكرش فيه
وترجع بعديها تستغرب البلد ماتغيرتش ليه ؟
طب إسمحلى أقولك يا سيدى من يوم الثورة عملت أنت إيه
عملت بأسم الثورة كشك عشان تبيع سجاير ولزقت ستيكر شهداء 25 يناير
وعالأرض الزراعية قولت فرصة وبنيت عماير
وعملت للثورة لحاف ومش بعيد تعمل ستاير
وكأن الثورة قامت لاجل الفلوس مش للضماير
كأنك لبست بنطلون ونسيت تقفل الزراير
بعد الثورة أنت قلت كلام كتير مية مية
قولت البلد دى بلدى وهشيلها جوة عينية
وعشانها هتغير عشان مصر البهية
لكن كانت المفاجأة أن أخلاقك هية هية
وكلها كام يوم ورجعت ريما لعادتها الأولانية
وبقيت تشتكى من البلطجة وأحنا كلنا بلطجية
أصل أحنا أحسن ناس تصقف وأجدع مطبلاتية
تكونش فاكر الفهلوة هتاخدك للعالمية ؟
ده مفيش بلد بتتقدم وأغلب سكانها فهلوية
ده أحنا عشان نتقدم عايزين عزيمة قوية
وأتفرج عاليابان وشوف خيبتك القوية
يضربها نووى . إعصار . بركان . وبرده واقفة عفية
واحنا بلدنا تولع عشان عيل عاكس ولية
آه لو تبدأ بنفسك بشوية أحساس بالمسؤلية
__________________
• للرجل العظيم قلبان : قلب يتألم و قلب يتأمل .