مشرف
تاريخ التسجيل: Jun 2010
الدولة: دمشق
المشاركات: 6,194
شكراً: 23,193
تم شكره 22,349 مرة في 4,677 مشاركة
رد: جلسة صالون سيريا ستوكس ليومي الخميس 1والجمعة 2 -12-2011
أبو سعد : بتذكر حديثنا من عشر سنين !!! وقت حكينا شو بدنا نشتغل ؟؟؟؟؟
أبو الهول : ايه ...سيد راسي ...بتذكر
أبو سعد : أنا وقتها ...قلت لك ........
"""شوف خيي ابو الهول هلأ نحنا سنة 2001.......
وبعد هالعمر ونحنا رفقات من الابتدائي وشركة بكل شي ....يعني بالعربي مارح خبي عنك شي .......
هلأ كل واحد فينا صارت ماليتو قريب من 30 مليون
بالنسبة الي انا بعد الاستخارة والاستشارة والقيل والقال
واكبر منك واصغر منك ونصيحة وجمل ومجرب وحكيم ومتعلم ومتجهل قررت انو فك هالشراكة بيناتنا
مو لانو انت مو منيح ...معاذ الله
بس انا مصارييي بدي حولهم دهب ..معلومك الغرام اليوم 350 ليرة ورئيس جمعية الصاغة عم يقول انو بدو يصير ب 500 لاخر السنة وانا حاسو فهمان هالزلمة ......
رح اضرب هال 30 مليون بالحيط يا بيصيروا 300 مليون او بخليون دهب على حلوا
وانا بنصحك تعمل متلي وبلا شغل بلا تعب بلا وجع راس
وانت وقتها جاوبتني : شو هالجنان هاد لأ حبيبي هدول 30 مليون بشتري فيون تكاسي ومكاري وبشغلون بيطالعوا دهب على حلوا
ابو الهول : حاجة حاجة فتئتلي جروحاتي تضرب المكاري والتكاسي وهالمصلحة التعبانة
ابو سعد :شفت كيف تضاعف الدهب عشر اضعاف تقريبا من عشر سنين ...وهي صاروا دهباتي 300 مليون ....دخلك الخردة اللي عند\ك اديش صار حقهم ؟؟؟؟؟
ابو الهول : كلهم على ببعضهم مابيجبوا 15 مليون
يخرب بيت التيس وعيشتوا
ابو سعد : بدك تضل طول عمرك غشيم يا ابوالهول وهلأ لسه عم انصحك بيع كوم هالحديد وبيع بيتك لك وبيع اواعيك كمان واشتري دهب
ابو الهول : ليش ؟؟؟؟
ابو سعد : بعد خمس سنين بدو يصير غرام الدهب ب10 الاف ليرة ....لك شبك نفضلي صندوق البويا اللي ناتعوا على رقبتك ؟؟؟؟؟
ابو الهول : عمي انا شغيل على باب الله
تركنا الدهب لامثالك ....الله يكسر من امثالك
التعديل الأخير تم بواسطة غسان ; 02-12-2011 الساعة 12:49 PM