عضوية مميزة
تاريخ التسجيل: Dec 2010
الدولة: سوريا /حمص
المشاركات: 5,510
شكراً: 18,885
تم شكره 22,038 مرة في 4,797 مشاركة
رد: المتابعة اللحظية لجلسة تداول الثلاثاء 13-12-2011
اقتباس:
المشاركة الأصلية كتبت بواسطة abo karim
اي والله يا أبو حكيم حتى نحنا هون بدبي انشغل بالنا عليك مبارح و ماتطمنا حتى شفنا مشاركتك بختمة القرآن على روح اخت الأخ عصام.
انشاء الله تكون انت و الأهل و الأحباب بحمص بألف خير و سلامة ونسمع صوت ضحكاتكم عبتلعلع للشام و دبي.  |
صباح النور أختي روان و أخي أبو كريم....
والله مبارح أكرمتينا أخت روان انت و الست الوالدة الله يخليلك ياها بقراية 3 أجزاء من القرآن الكريم
و أنت أخي أبو كريم بقراية جزئين الله يخفف عنك كرب الغربة .....
مبارح كان الجيش عنا بالبناية و على السطح باعتبار سطحنا كاشف طريق حماة وساحة جامع سيدي خالد بن الوليد و كان الوضع تعيس و انقطعت الكهرباء الساعة تلاتة و لليوم بكير لأجت ....
و محسوبكون مرفه حالوا بالتدفئة على الكهربا باعتبار بائي شويت مازوت للحمام ....
امنا اندحشنا كل العيلة بالتخت اتقاء للبرد....
هيك لليوم ........
و اشتغل الاشتباك و القواس ...الله وكيلكون صرت متل أيمن رضا بحلقة بقعة ضوء يلي بيصير فيا هجوم على المسلحين ......
و الجيش باعتباري آخر طابق رايح جاي لعندي .....
أحلى الشي واحد منون دق علي الباب و آللي بدو يفوت على التواليت التلوا تكرم .....
شلاح من رجلك .....كأنو ما سمعني فات ببوطو على السجاد و أم حكيم راح تاكلني لي ما بعرف .....و أنا عملت حالي مالي خبر مسكت الجريدة بالمقلوب و صرت صففر بهدوء ............
حطيطلوا شحاط على باب التواليت التلوا اذا بدك لبسوا .....
آل ما في مشكلة ..
و دخل على التواليت بالعتاد الكامل مع بارودتوا و بالبوط ...و رفيقوا على الباب عميستنا ......
و طلع بعد ما فك زنقتوا .....الله يفك زنقة الجميع ..............
و مشي على الموكيت و أللي يعطيك العافية ...
سكرت الباب هجمت علي أم حكيم ....صارخة في وجهي ...................
لي ما شلحتوا البوط ....
التلا يا خيتو الله يخليك ..لا تتقاوي علي ....
و تعملي مراجل علي ....الله يساعدوا الرجال مزنوق .....و ما فينوا يشلح البوط ....
يالله .....يا روحي .......
عملي مراجل و روحي مسحي الموكيتة ....بعدين تعي اندسي بالتخت جنب الصغار مشان تشعري بالدفا ...........
__________________
أبو حكيم الدين