احمد

صباح الخير والشكر للاخ غالب على الافتتاح
من خلال مشاركاتكم جميعا لاحظت حالة الاحباط اللي الكل عايش فيها
وبعرف الكل عم يعاني ماديا بسوريا بس صدقوني معاناتكون لاشيء قدام المغترب اللي بتوصلو المصاري من سوريا
انا نفسيتي منهارة وفي الحضيض انا عايش باستنبول وهي من اغلى خمس مدن بالعالم وعايش بشقة لوحدي
والدولار بحيطان ال100 معادلة كتير صعبة ومستحيلة فقررت ضغط مصروفي كتير وحنتقل لسكن تاني لو صحلي
احسن ما نام الليل واصحى الصبح لاقي حالي عالحديدة
مبارح توجعت وانا بتذكر سوريا كيف كانت وكيف صارت ياجماعة كنا عايشين بنعيم رخص مافي باي دولة بالعالم
هلا مارح احكي اذا كان في حرية لانو مالي علاقة شو كان الوضع السياسي اصلا ملعون ابو السياسة اللي دمرت سوريا
الاطراف كلها غلطت
الدولة لانو الحل السياسي كان الحل ومابنقدر نواجه الكون كله والمعارضة اللي ليل نهار بتطبل و تزمر لانهيار الليرة والاقتصاد السوري
انهيار الليرة يعني انهيار المواطن السوري وبس
لانو لا ضابط الامن حيتضرر من هالشي ولا المعارضة اللي نازلين بفنادق الخمس نجوم بأوربا
نحن اللي رحنا دعس بين رجليهون
للطرفين بقول بغض النظر مين الظالم ومين المظلوم قعدو وقدمو تنازلات متبادلة مشان نحافظ على اللي بقي من سوريا والله تعبنا.........

__________________