عضو متابع
تاريخ التسجيل: May 2011
الدولة: سوريا الجريحة
المشاركات: 424
شكراً: 5,939
تم شكره 1,471 مرة في 383 مشاركة
رد: صالون سيرياستوكس لأيام الأربعاء 21 والخميس 22 والجمعة23 -2012
اقتباس:
المشاركة الأصلية كتبت بواسطة iass
ليوم، فتحنا شباك البيت. كان يوم محبط متل كل هالأيام. عم نفكر بمليون ومية الف قصة براسنا. كل واحد قعد عكنباية. فتحنا التلفزيون متل العادة. بس عصفور حلو منقارو أحمر وصغير ولونه رمادي فاتح. أجا وقف عالشباك صار ينطوط. كان حابب يفوت لعنا. خطوة لقدام. خطوة لورا. كان مبسوط عالشباك. بالشمس. سكرنا دفة الشباك منشان ما يفوت هالعصفور المهضوم. يلي كلو هضامة. ضل واقف وعم ينطوط. رحنا جبنالو شوية برغل ومي. بس كان طار. كان عصفور مهضوم كتير. غيرلنا يومنا. كان زائر مهضوم أجا يخبرنا أنو أجا الربيع. الربيع أجا مع عصفور الكوكو. وما عاد البرد رح يخوفنا من فتح الشبابيك.
|
عصفور طل من الشباك وقلي يا نو نو
خبيني عندك...خبيني دخلك يا نو نو
خبيني عندك...خبيني دخلك يا نو نو
قلتله إنت من وين قلي من حدود السماء
قلتله جاي من وين قلي من بيت الجيران
قلتله خايف من مين قلي من القفص هربان
قلتله ريشاتك وين قلي فرفطها الزمان
عصفور طل من الشباك وقلي يا نو نو
خبيني عندك... خبيني دخلك يا نونو
* * *
نزلت على خده دمعة وجناحاته مدكية
واتهدى بالأرض وقال بدي أمشي وما فييّ
ضميتو على قلبي وصار يتوجع على جروحاته
قبل ما يكسر الحبس كسر صوته وجناحاته
قلتله إنت من وين قلي من حدود السماء
قلتله جاي من وين قلي من بيت الجيران
قلتله خايف من مين قلي من القفص هربان
قلتله ريشاتك وين قلي فرفطها الزمان
* * *
قلتله لا تخاف إتطلع شوف الشمس اللي رح تطلع
وتطلع على الغابة وشاف أمواج الحرية بتلمع
شاف جوانح عم بترفرف من خلف بواب العلية
شاف الغابة عم بتحلق على جوانح الحرية
قلتله إنت من وين قلي من حدود السما
قلتله جاي من وين قلي من بيت الجيران
قلتله خايف من مين قلي من القفص هربان
قلتله ريشاتك وين قلي فرفطها الزمان
عصفور طل من الشباك وقلي يا نو نو
خبيني عندك... خبيني دخلك يا نو نو