عضوية مميزة
تاريخ التسجيل: Apr 2009
المشاركات: 4,860
شكراً: 67,497
تم شكره 35,134 مرة في 4,783 مشاركة
رد: اعتذار مدير عام مؤسسة التجارة الخارجية عن مهامه
يسعد صباح الجميع
حبيبي غسان ياريتك حاكي هالحكي لأبو أرتين ونشوف شو رأيو !
هلأ الناس عم تقفز من المركب ، وصار الكل منتقد ومتنصل ، وهذا عيب لمن كان لحم أكتافه من خير الانتهازيين، لازم يضل عالحلوة والمرة أو يسكت .
واحد واصل لدرجة مدير عام ولسا ما خالف ولا مخالفة ؟
بس من ثلاث شهور اكتشف وحاول يصلح !
للوصول إلى مرتبة مدير عام بمكان مو هالقد حساس، بتحتاج لميت شهادة بأنك مساير وملتزم بالخطة التي سيتم وضعك على أول سكتها ، وبأنك لا تتورع عن التضحية بأقرب المقربين في سبيل مصلحة معلمك، وتحصل على فتات تسد فيهم حلقك الناشف وبحيث ما يكفوك لتجبير الكسر المستديم اللي أصاب عينك ( بعيد عنك طبعا ) .
ممكن أنا بنسحب بتمارض أو بأي طريقة عالسكيت حتى ما استثمر القضية لصالحي وما بدها صحافة .
صار الناس، متل ما البعض يعدد لك أملاكه وامكانياته وبعدين بقلك والله مو من باب المنفخة ، لأ ، بس من باب أما بنعمة ربك فحدث وقد أخرجها من السياق . ( أصل السياق أن تحدث الناس وتدعوهم للهداية اللتي هي نعمة الله ) .
يقول الشاعر :
والظلم من شيم النفوس فإن تجد ________ ذا عفة فلعلة لا يظلم .
يعني اللي طالع بأيدو واللي مقتدر ما بيقصر ، فإن الله غفور رحيم ، وشغال بالهبج .
طبعا لا زال من الممكن أن أكون على خطأ فالله وحده العالم بمكنونات النفوس .
نظرية المؤامرة ممكن تكون موجودة كمان ، يعني بيجوز حدا بدو يربي كلاب الشوارع بشي كم هامور ما فردوا ايدهم ، بينمسكوا بقضية فساد وضغط على الأطهار من مسؤولي الدولة . يعني ممكن يقصوا ايادي البعض ، ويبوسو المستقيل من شواربو ويعطوه مكافأة ويستلم وزارة بلاليعها أوسع .
تحياتي .
التعديل الأخير تم بواسطة عابر مجيب ; 04-04-2012 الساعة 09:33 AM