المشاركة الأصلية كتبت بواسطة iass

أستاذ غالب، أخي حكم، حتى لو نزل السهم ب450، كمية الاسهم الموجودة، وكمية التداولات يلي قريناها على موقع سيريا ستوكس، والألوفات من الأسهم، كلها بتقول، أنو في حال كان سعر السهم 450 نزل على السوق، رح يقدر خلال شهرين يرجع لقيمتو الحالية 700، وأي رفع سعر فوقو رح يكون مكسب ،على كل، أنا رأيي الشخصي، كل الأسهم الحالية المتوفرة، هي كنز حقيقي على المدى الطويل، كلها باستثاء سهم أو سهمين، يعني إذا بيمو أو عودة أو العقيلة أو العربي أو سورية الدولي، صار في مضاربات على السعر حاليا وتم تخفيض السعر والعالم خسرت، السنة الجاية رح تتعوض الخسائر ويرتفع السعر، حتى لو كان ما في زيادة راسمال، لأنو السوق بعدو بأولتو، والعالم عم تبلش تعجبها فكرة البورصة أول بأول. وحتى هي البنوك والشركات، هي بعدها بأول الطريق، يعني البنوك بعدها عم تتلمس أدواتها، شركات التأمين بعدها عم تطرح منتجاتها بالسوق، وجاية الأيام، في بأيدين كتير ناس مصاري ما بتعرف وين بدها تحطها