عضوية مميزة
تاريخ التسجيل: Apr 2009
المشاركات: 4,860
شكراً: 67,497
تم شكره 35,134 مرة في 4,783 مشاركة
رد: سعر صرف الليرة مقابل الدولار 1-5-2012
اقتباس:
المشاركة الأصلية كتبت بواسطة najm
علطان سيد عابر مجيب بعد الشكر طبعا لان زر الشكر مابيطلع على الموبايل الا بعد تحميل الصور وحتى الكتابة صعبة لصغر الاحرف وبداية الشيخوخة فلا تعيب عليي ان خبصت بالكتابة المهم انت مخطئ بتقيمك لتجارة الدهب وهلأ بدو ينبسط نضال والدليل انو الدهب دائما رابح وسابق قيمة اقوى العملات وحتى السلع راجع تاريخه لهيك يسمى بالملاذ الامن وامتلاكه بالنسبة لمعتقدات الكثيرين يجلب الحظ وعداك عن ذالك عند عازته بيسوى الدنية قيمتو محفوظه فيه بيعه سهل وفوري بدون ظلم وبدون كسر نفس هذا الفعلي اما اللي على الشاشة بهي بأيدك ويعتبر من السلع العالية المخاطر لهيك لازم تفوت يا اما فوته وطلعة سريعة يا يكون راس المال كبير ويتحمل الانتظار على طول المدى اخيرا بريقه ساحر لا يقاوم بس ليش بقولوا انو رؤته في المنام هم ما بعرف !
|
مافي شك انو الذهب للي عندو رأسمال كبير وما بدو يضارب بس يستثمر على المدى الطويل أو يحافظ على أصوله وينام ويريح باله ، مافي شك ابدا أنو المنافس الوحيد بها الحالة العقار . والذهب بيتفوق في السرعة بالبيع والشراء مع امكانية التقسيم ، بمعنى العقار مابينقسم ، بس الذهب بينباع وبينشرى بالكيلو وبالوقيه وحتى بالجرام .
حتى ممكن تشغيل الذهب وما بعرف إذا في هالشي حاليا بس سمعت بالزمانات واحد مشغل 3 كيلو ذهب عند صايغ وبياخد أرباح .
العقار قابل للبيع والتأجير والاستخدام .
نحن حالة خاصة ، في لبنان مثلا تشتري بيتا وتسكن به ينقص ثمنه بمقدار ما يلزمه من إصلاحات ، حتى البلاط يتم تغييره وكلو عالزبالة ما في تجارة انقاض .طبعا التمديدات الدهان الأبواب الشبابيك ......الخ. وهنالك أبنية تقوض ويعاد انشاءها بالكامل.
عندنا تشتري البيت وتسكن به وتخربه وتنهشه الرطوبه وتبيعه أغلى بأضعاف ما اشتريته . وهنالك مناطق لها سقف للإرتفاع لا تتعداه ومناطق لا حدود لارتفاع اسعارها .
في جميع الحالات محليا ، فاق سعر العقار سعر الذهب المعادل لقيمة العقار حين الشراء أضعافا مضاعفة ، قد يحصل هذا أيضا في بلاد أخرى لمناطق محدودة بسبب الندرة ، كشقة على نهر السين بفرنسا أو نهر النيل بالقاهرة .
قيمة فيلا سنة 1963 كان 65000 لس ، كانت ليرة الذهب تساوي 35 ليرة يعني 65000 تساوي 1857 ليرة ذهب وعلى سعر اليوم تساوي تقريبا 27000 فتكون قيمة الفيلا حوالي خمسين مليون والمفروض أن تكون 350 مليون يعني العقار ربح 700 % أو سبع اضعاف ربح الذهب وعلى الليرة ربح 5384 % .
مافي حدا على كل حال بيقدر يخطئ كل البنوك المركزية بالعالم ويقول انو الذهب كخ ، اعوذ بالله هوه الدحو .
بالخلاصة شوية عقار وشوية ذهب وشوية استرليني وشوية دولار ويورو ، مع الكتير من السوري . وشوف الصحة شلون بتصير ، وفوق هاذا كله تبقى الصنعة خاتم بالاصبع وأفضل استثمار .
بس تشوف ذهب بالمنام قول الله يرزقني قدهم لأتقاسمهم نص بنص أنا وعابر وما بتشوف هم انشالله ابدا .
تحياتي .