عضوية مميزة
تاريخ التسجيل: Apr 2009
المشاركات: 4,860
شكراً: 67,497
تم شكره 35,134 مرة في 4,783 مشاركة
رد: سعر صرف الليرة مقابل الدولار 10-5-2012
اقتباس:
المشاركة الأصلية كتبت بواسطة ماهر ابو عدنان
السلام عليكم
ومساء الخير للجميع الاعضاء
اخي الكريم العضو العملة حديد
اول شي انا عم حط سعر شتورة وعم حدد الصراف كمان باذن الله والله شاهد علي اني متاكد منو مليار بلميار مو 200 بالمية لسبب بسيط
عم حط السعر بعد ماحاكيه على التليفون لاني اغلب الاحيان بسبت السعر وبحولو المصاري من بنك عودة بشتورة والزبون بياخدون دولار منو يعني في تعامل سابق بيناتنى عمرو من سنة 2003
يربطني به علاقة جيدة وانا بصرف عندو والله من سنة 2003 لانو على طول بدفع حق بضاعة بي بيروت بالدولار
وعم حط اسم الصراف المصري صراف مافي حدى طلع على لبنان مامرق جنبو ومابيعرفو يعني عم قلك هاد سعر وين بالضبط
تانيا مع احترامي الشديد الك لكن انت شخص انا شخصيا لن اصدق اي كلمة سوف تكتبها بهل المنتدى نهائيا لسبب بسيط انك حلفت بي رب الكعبة كذب
وتالت شي وقت بدك تكذب شخص لازم تحكي حكي معقول اخي الكريم انت شخص لاتعرف معناتى نهايا سوق السودا بشتورة
السبب بسيط جدا بكلشي اسمو صرافين بشتورة
بحياتها ماكان فرق الشراء والبيع 20 او 25 قرش واذا بتحكي هاد الحكي قدام اي شخص بيعرف صرافين شتورة بيضحك ويمكن يموت من الضحك
اقل شي فرق الشراء والبيع 50 قرش يعني نصف ليرة وبحياتو ماكان اقل من هيك وانا وياك والرهن
تاني شي انا مستعد تحط اي شخص بالمنتدى يحكم بيناتنى وانا برشح السيد هشام وبعطيه رقم الصراف الارضي بي شتورة ويحكي معو ويسالو اذا بيقلك ماكان السعر يلي انا نشرتوه يوم الخميس
انا مستعد اطلع من المنتدى بس بي شرط اذا طلع السعر يلي انا حطيتو صحيح حضرتك بتغادر المنتدى لانو بهمنا انو يتمتع المنتدى بي مصداقية عاليا وغير هيك مالازم يشارك ويتفضل برا
|
يسعد صباحك انت وكل اسرتنا الكبيرة
أنا بالحقيقة ما تابعت القصة من أولها بتركيز لأني ما توقعتها توصل لهيك ، هلأ صعب كتير ببطء التصفح راجع من الأول .
انا شبه متيقن أنو أصل المشاكل بالسعر عم يكون بسبب الصرافين الغير دقيقين أحيانا ، ممكن يرد على التليفون شب من أولاد الصراف ويغلط .
صارت معي مرة ، سألت على اليورو ، عطوني سعر 90 على ما أذكر ، رحت اشتري بطاقات انترنيت ، بالطريق كان في صراف فاتح جديد بأول البحصة وعامل شاشة اليكترونية ، يمكن قريت على الشاشة أو حبيت شوف مستواه وسألت بالداخل ، قالولي 90.25 صرفت المصاري وكانو معي .
رجعت على الصراف الأول لأصرف دولار كان عاطيني سعر أعلى من غيرو .
اشترى من زبونه قدامي يورو بسعر قليل ، رحت على طاولة أبوه ووشوشتو ، انو السعر أقل من الصراف اللي على الطريق ، سأل ابنو ، اديش عم تشتري ؟ قللو 90 ، حسب على الألة وقللو السعر غلط عطيهم 90.60 أنا كان همي يوطي صوتو، الزبونه لسا عم تعد المصاري وما بدي تسمع ، مو حلوة خزوة للولد ، مهما كان شب بأول طلعتو .
أحلى شي كان عذر الولد أنو ماعندو سوري كتير، قللو أبوه لا تشتري ، اعتذر من هون ليرجع أخوك .( انا كملتلو همس : بتنزع سمعتك )
النتيجة أنا خسرت 35 قرش بالسعر ، ولهلأ الولد بيتزورني ، مع انو الحادثة قديمة نسبيا 
أخوه مو أحسن التاني عامل معي مقالب ، يا بسأل وبعطي السعر وبس روح مع الزبون بيعطي سعر أقل ( مبلوعة ) بس شوف لما السعر أعلى ممكن الزبون يفكرني عم سمسر ، مرة تخانقت معو قدام صديقي ، قال فوق ما راعيتك ؟! قلتلوا طالعتني كذاب لو ما ثقة الرجل فيي ! الحديث بيطول ..
يلا تنيناتكم من اسرتنا وما بدنا حدا يزعل .
تحياتي .