رد: سعر صرف الليرة مقابل الدولار 7-7-2012 في السوق السوداء
اقتباس:
المشاركة الأصلية كتبت بواسطة ماهر محمد
صباح الخير جميعا
صباح المصايب
الأسبوع الماضي يوم الأربعاء اشتريت سيارة ذرة لمدجنة كان الطن بـ 21.000
اليوم بعد مانزل الدولار بتعرفوا أديش صار؟
27.000
مشاااااااااااااااااان الله شو فادني نزول الدولار
لك انخرب بيوت العالم يا جماعة
مافي استيراد
لك فرطتت البلد
|
أخي ماهر الله يعوضك ويرزقك ....
أنا كل يوم عم تزيد قناعتي انو المسؤولين عن اقتصاد البلد عم يحولوه لاقتصاد مغلق ( تضييق على الاستيراد ) مفتكرين انو التجربة بكوريا رح تنجح بس ما عم يلاحظوا فرق الظروف على ارض الواقع وعم يجاهلوا المشاكل بالبلد ؟؟؟؟ ... لذا عم يخف الطلب على الدولار بس اللي خايف منو هو جاية مع الايام والوقت هو الوحيد الكفيل بايضاح الامور .. الله يستر من اللي جاية
واللي سمعتوا بس لسى ما تأكدت 100 % انو التاجر باللاذقية اللي كان عم يستورد مواد معروفة متل البامبرز وشامبو هيداندشولدرز و بيرت بلس وبعض المواد الاخرى توقف نهائيا عن الاستيراد ؟؟؟ يعني رح نجيب هالامور كلو عن طريق التهريب وبأسعار مضاعفة اكيد ...