اقتباس:
المشاركة الأصلية كتبت بواسطة iass
بدي أحكي عن شغلة صارت معنا بلندن أنا ورفيقي. كنا مستعجلين بدنا نشتري شنتة من شارع أكسفورد. وكنا عم نمشي مشي سريع. عند إشارة مرور. صادفتنا مظاهرة لعارضات الأزياء الإنكليزيات وهنن شبه عاريات. طبعا تفاجئنا. فيا. ووقفنا مذهولين لثواني. ولاحظنا. أنو ما حدا من الناس يلي بالشارع كان عم يبحلق غيرنا. بس لأنو كنا مستعجلين. فكملنا طريقنا من دون ما نضل على هاد الشكل من الذهول. طبعا، السبب الرئيسي أنو ما حدا تحرش فيهن. ولا حدا وقف صفن فيهن. هو أنو المجتمع حر. مختلط وعايش حريتو. والسبب التاني يلي ما بيقل أهمية. هو أنو الناس عندها شغل. ما حدا فاضي يوقف يتطلع. ولا يتحرش. ولا يبسبس.. وهاد الشي نفسو يلي خلانا نكمل طريقنا. وما نضل واقفين متل المساطيل.
|
برأيي السبب الأساسي هو الخوف من العقاب....لأنو هنيك القانون ما معو لعبة...و التحرش الجنسي شغلتو كبيرة .....مو القصة قصة حرية جنسية و انفتاح جنسي متل ما بيحب البعض يصورها لحتى يقنعنا انو حل هذه الظاهرة بيكون بتعري الفتيات أكثر و أكثر ..و السماح بالانفلات الجنسي أكثر و أكثر......ظاهرة التحرش و حتى الإغتصاب بالغرب و أمريكا أكتر من عنا.....و بنفس الوقت القوانين شديدة الصرامة .....يعني متل ما بقولو العصاية من الجنة....فيللي ما بيخاف من الله ...على الأقل لازم يكون في قانون يخوفو...و لازم هالقانون يتطبق عالكل