عضوية مميزة
تاريخ التسجيل: Apr 2009
المشاركات: 4,860
شكراً: 67,497
تم شكره 35,134 مرة في 4,783 مشاركة
رد: صالون سيرياستوكس لعطلات التداول (13-14-15-16) 12-2012
بس استدراك بسيط لموضوع الحب يمكن في صعوبة بالتعريف وذلك :
من كثرة الغشاشين والمتلاعبين من فطاحل الشعراء والمتفلسفين ضاعت القيم والمعايير وظهر من المنظرين والمخدرين للفتيات المساكين اللائي يفرحن بأنهن كبرن وشببن عن الطوق ويصرن ممن يلفتن نظر الشبان ( غالبا الزعران )
طبعا أول الهجوم يكون على أهلها المتخلفين، وخصوصا انهم ضاعوا في تداخل الحضارات .
ثم يبدأ المديح لعقلها المتفتح
ثم تأتي مرحلة التملص : يا أختي شو هالتخلف رجعنا لقصة الزواج تبع أيام الأفلام بالأسود والأبيض ؟
نزار قباني شاعر الشباب ما سمعتي فيه ؟ شو هاد ياه ....
انبلى بموت فيه لنزار
والله ما فهمانة شي لو بتعرفيه وبتحبيه كنت فهمتي معانيه !
بيقول : الحب ليس رواية شرقية بختامها يتزوج الأبطال
إي شو لكان ؟ اسمعي :
لكنه الابحار دون سفينة وشعورنا أن الوصول محال .
يا إلهي والله ما كنت عرفانة !!!
وبعدين بطيخ هادا ملحم اسمو، يمكن شو عم يقول ؟
شو ؟
البنت اللي بيتحب الشب ما بتوقفلو بنص الدرب بعدك صغيرة عالحب فوتي عبيتك فوتي
لك لا أنا كبيرة لا تحكي متل ماما
امشي لكان نكمل الدرب
شوفي من أول الغنية قلتلك أنا مزوج وفلاح ومو بيروتي يعني ما برضى بأمثالك ، نحنا محافظين .
ويستمر الصراع والتلفيق ، كان الله بعون الأهل من مين بدهم ينتبهوا والمشكلة صرنا متل الشرطي والحرامي بيتطور الشرطي ، بيخترع الحرامي اسلوب جديد .
المشكلة الأكبر كتر التشديد بيخلي البنت معقدة ومتل اللبخة . ولا حلوة كمان تكون دقرومة وتموت عواطفها متل الدكتورة اللي بتروح عالمشرحة بتدفش الجثه بطرف رجلها و بتفوت، انا شخصيا نصحت بنتي ما تدخل طب .
مسكينة الأم دورها صعب، في ظل المدارس اللي لا بقي فيها لاتربية ولا تعليم ،الأب بيسمع وبقلها الله ياخد بيدك ويعينك .
الله لا يدوقنا هيك شي صحيح ما متنا بس شفنا اللي ماتوا .ولهيك عم نادي بالتخلف ، يقول المراقبون من فات قديمه تاه .