رد: شراء وتجميع الأسهم بين إعداد ميزانية شركات الوساطة و فرق العملة
أخي العزيز أبو عمر
أنا أختلف معك تماماً بهالموضوع لأنو فعلياً عند البيع للمرة الأولى يلي إنت عم تفرضها لشركات الوساطة فهية هون رح تعترف بخسائر محققة
وكونك عم تقول إنو الشركة رح تشتري بسعر أقل بعدين فحتصل على كمية أكبر من الأسهم فإنت هون عم تفترض إنو الشركة ما صرفت ولا ليرة من المبلغ متغافلاً عن حقيقة إنو هي الشركات عندها مصاريف كتيرة وعم تحاول ما تصرف شي من القطع الأجنبي الموجود عندها لليرة سورية لأنها فعلياً خايفة من الليرة
ومعلومك أخي تسجيل قيمة الأسهم بشركة الوساطة ما إلو علاقة لا من قريب ولا من بعيد بالقيمة الدفترية للسهم لأنو التسجيل بيتم بسعر الشراء و البيع والتقييم بيكون على سعر إغلاق آخر جلسة 31/12 للورقة المالية
بعدين فيني إسألك اخي أبو عمر شو بتشكل قيمة المحفظة من النقدية الإجمالية للشركة؟؟؟ بأحسن الأحوال ما رح تطلع 5% وأساساً سيولة أسهمنا بالسوق ونسب الإعتباريين ما بتسمحلها تشتري بأكتر من هيك وإلا السوق بيصورخ وما بتلاقي سهم تشتريه
هلأ شركة الوساطة ما رح يكون عندها مشكلة بكل الكاش السوري يلي عندها مربوط ودائع ورح تجي تخبي هالـ 5% بأسهم؟؟!!!
أنا برأيي إنو في تخوف بشكل عام من الناس من قيمة الليرة عم يخليهون يحولو الكاش السوري يلي بإيدون لأسهم يعاد تقيمها إذا حصل شيء لا سمح الله لأنو صدقني مو كلو شاري دولار من الأول وهلأ عم يشوفو بسعر عالي وخطير هاد إذا توفر فعم يلاقي هاد الحل الأفضل بالنسبة إلو
وفي ناس شايفة إنو الأمور إلى انفراج في الفترة المنظورة وبتعرف إنو البورصة رح تكون أول المستفيدين
مع شكري واحترامي لوجهة نظرك
__________________
سورية يا عشقي الأول والأخير