الأسهم السورية ( المضارب السوري) - عرض مشاركة واحدة - سعر صرف الدولار بالليرة السورية ليوم الاثنين في السوق السوداء 25-3-2013

25-03-2013, 04:01 PM

#106

عابر مجيب

عضوية مميزة

تاريخ التسجيل: Apr 2009

المشاركات: 4,860

شكراً: 67,497

تم شكره 35,134 مرة في 4,783 مشاركة

اقتباس:

المشاركة الأصلية كتبت بواسطة goldman$

""" وأشار ميالة إلى أن "المصرف المركزي" سيتخذ إجراءات عدة لحماية الليرة، حيث سيقوم بإصدار شهادات إيداع بفوائد مرتفعة لتعويض المواطن عن خسارته ولإعادة القدرة الشرائية لليرة. """

مع احترامي للاستاذ ميالة بس هي الخطوة بيسبقها دعم الثقة بالليرة
يعني اذا قدم شهادات استثمار لمدى عام او أكثر ووبفائدة رح نقول 12% مثلا
طيب ليش انا كمواطن لحتى خاطر هيك مخاطرة والليرة عم تتراجع امام الدولار خلال عام بمعدل اكبر من هالرقم ويمكن اربع اضعاف والسيولة بتكون معي وبأي لحظة ممكن اتصرف فيها من دون ما جمدها بشهادات ايداع لآجل ....

ولا أنا غلطان ...؟؟؟؟

غلطان يا سيدي بس مو كتير
أولا عم تناقش من كل عقلك وكأن الدولة بيوم من الأيام اشتغلت لمصلحة المواطن ، بس لذكرك :
سمعت بالدنيا شي اسمو قانون رجعي غير عنا مثلا ؟ ولا في حدا بالدنيا بيتركك تتشربك مع موظف مالية محتال وبيرجع يطالبك وبيقلك الموظف هربان عطينا حقنا وانت ارفاع عليه دعوى ؟
شو بيكفي ولا بنبحت هلأ ؟ !!!
تاني غلطة انو ما انتبهت ان التعويض رح يكون مرة للمضروب على قلبو وخسران ومرتين للي متحوط وشاري دولار ، لأن الثاني ببيع دولارو بهديك الحسبة وبيوقف على الدور يشتري شهادات ذات مردود مرتفع على اساس بريء ومتضرر . هيك بالحالتين تنيناتون مهابيل . الله يرحم ايام السكن الشبابي تبع التقنية الخضراء اللي طار عقل الناس فيها وطار المشروع كلو ..
بلا طول سيرة
الأهم من هيك والعلامات اللي راحت عليك هي من انك ما عرفت ان الفوائد العالية هي مستقبلية ، يعني الليرة رح تنزل اكتر وإلا شو لزوم السندات الواعدة بها السخاء ؟