الأسهم السورية ( المضارب السوري) - عرض مشاركة واحدة

26-03-2013, 03:27 PM

عابر مجيب

عضوية مميزة

تاريخ التسجيل: Apr 2009

المشاركات: 4,860

شكراً: 67,497

تم شكره 35,134 مرة في 4,783 مشاركة

حضرنا الاجتماع
حكو اللي بدهم يحكوه
نحنا تتبعنا على السيديات اللي حطيناها بجيبتنا مع انو الجيبة ما بتقرأ سي دي لذلك كنا مصدقين على العمياني
تاري المطابع معطلة حاليا ! غريب ! منشان هيك ما في كراسات مطبوعة
الصراحة الشباب مبين عليهم حبابين ورحمانيين وآكلين الموس على الحدين
لذلك ما لنا قلب نزيدها عليهم وتمت الموافقة على كل المقترحات والتصويت برفع الأيدي واعتبروها اكثرية مع ان ايادي بتمثل 100 سهم وأيادي بتمثل 1000 ، يعني ربي يسر
اعترض حبيبنا وائل اللي اكتر الناس ما بتتذكرو لأنو من زمان ما عم يدخل المنتدى ، للي ما بيعرفه ، بس تشوفو انسان مثال للآدمية وحباب وبحالو ، بيكون هوه . لذلك فاجأني لما سأل ، أول سؤال يمكن ما تبعتو بس كأني فهمت انو الأرباح عن حقا ولا فرق عملة ، انا بذهني هالسؤال يمكن منشان هيك افتكرتو سألو .
السؤال التاني عن أرصدة ببنوك خارجية ، ما كان بدهم يفصلوا بالجواب بس كشفناهم ، عم يلعبوا على العقوبات

أحلى شي واحد طالب نسدد المشاركات الخارجية بس بالليرة السورية ، على اساس اوفرلنا ، استوعبوه وقالولو بندرسها بس الجهات الخارجية يمكن ما بتقبل ، لو أنا كنت قمت لطشتو كف .

أثناء خروجنا سمعنا صوت انفجار واتصلوا الناس يسألوا علينا .