مساء الخير
عندي رأي
انا ( و اعوذ بالله من كلمة انا ) شايف انو فرق الاسعار شي طبيعي بالسوق لانو يلي عم يشتغلو بالدولار مو كلن بيعرفوا بالمضاربة و معلمين و اولاد مصلحة
بالوقت الحالي اكتر الي عم يشتروا و يبعيوا ما بيعرفوا بهالشغلة و جايين عليا عن جديد و السوق السوداء بطبيعتها ما بتسمح للناس ياخدو راحتين بالسؤال و بالبيع او بالشراء
و اكتر البيع و الشراء عم يكون من تحت الطاولة و السؤال عن السعر بطريقة ع اساس غامضة بشقد الاول او الاخضر او اي اسم تاني و في قسم كبير ما بيعرفوا المزور من الاصلي . و شركات الصرافة اكترها بالعاصمة و في كتير مدن صغيرة ما فيها شركات او حتى مكاتب صرافة .بيكون في صايغ او حلاق او دكنجي او ...... معو قرشين و بيعرف شوية معلومات من معلمو . و السعر يمكن طبيعي يكون مختلف بين محافظة و تانية و حتى بقلب المحافظة نفسها بظل ظروف مخاطر و صعوبة السفر بكتير محافظات .
انا لاحظت اكتر من مرة انو في فرق ليرة او اتنين بسعر الشراء او المبيع حتى بنفس المحافظة او المنطقة و هالشي بيجوز لأنو كل واحد من هالصرافة تابع لمعلم اكبر منو مختلف عن معلم التاني بس انا متأكد باحساسي مو بالمعلومات انو المعلم الكبير للكل بسورية هوي شخص واحد او( شركة وحدة ) و بيجوز يكون الون مصلحة يصير هالتباين بالاسعار و بالنهاية كلن عم يشتغلو عندون بس بطريقة تانية .