اقتباس:
المشاركة الأصلية كتبت بواسطة omar1964
مساء الخير
كنت مرة من فترة بعمان و لاحظت انو كل الصرافة عندون سعر موحد . انا مو كتير بعرف بالصرافة و المضاربة بس السعر كان عند كل الصرافة و مكاتب التحويل بعمان موحد للبيع و للشراء . حتى بالمستشفى الي كنت فيه فيك تدفع دولار و بيحسبوا عمولة زيادة عن سعر السوق بس السعر ثابت و العمولة ثابتة
عنا بضيعة صغيرة بيكون في اربع خمس اسعار و كل 5 دقائق بيعطيك نفس الصراف سعر شكل . كيف اذا مدينة كبيرة متل الشام
صدقوا انو اليوم للساعة 12 كان بعض الصرافة عم يشتري 152 و بيبع 155 و كانت الاسعار بالشام اقل من هيك و بحلب اقل بكتير .
مو بس هيك في صراف عامل شغلة طريفة ( عندو محل صغير مدري شو بيبيع فيه هي الواجهة )
عطاني كرت في ارقام هاتف من فترة بس شو قلي ليك عمي اذا بدك تبيع بتحكي ع الرقم الي فوق و اذا بدك تشتري يتحكي ع الرقم الي تحت يعني منشان ما ينحرج لأنو الفرق بالسعر عندو ع طول اكتر من 5 ليرات . و ابنو شب صغير ما معو ابتدائية و بيشبه نوري المبيض تبع مسلسل الدغري راكب سيارة حقا 3 او 4 مليون .
كتير احيان حتى اعرف السعر الحقيقي ببعت مع شي صديق 100 دولار و شوية سوري .
و السوق تبع الصرافة عنا من فترة ما الو صفة غير الفوضى . لما كان السعر ع السبعينات كان الفرق بين صراف و التاني اقل من ليرة سورية ربع او نص ليرة و احيانا يكون السعر نفسو
انا ما بشتغل بالصرافة و لا حابب اشتغل او ضارب بس صرت مضطر اعرف سعر الدولار كل يوم لأنو قسم من البضاعة الي باشتغل فيها مستوردة او صناعة محلية بس موادها مستوردة. بالاضافة انو رسوم و مصاريف الدراسة يالجامعات برا سورية بدها دولار .
انا بشكر كتير ادارة و مشرفين و اعضاء سيريا ستوكس و خاصة بالصالة للجهود الي عم يبذلوها لنعرف الاسعار بسورية و بتمنى ينزل السعر شوي و يثبت و يكون موحد لحتى نعرف نشتغل .
|
المشكلة انو كل واحد داير ورا مصلحتو ...
و كل واحد عم يحاول يسحب البساط لعندو ...
و الشاطر يلي بيقدر يستغل الازمة و الظروف أكتر و اكتر للأسف ...!
و كلو على اكتاف الناس المعترة المسكينة ...
من وين و لا من وين بدها تلاقيها ...!!
حسبنا الله و نعم الوكيل ...
الله يصلح الاحوال يا رب ...