فيها وجهة نظر بس الفاجر فاجر ان كان موظف كبير او تاجر.
قديما كان للتجار و التجارة ،
الدور الاكبر بالحياة بالمجتمع و كان دورهم ما يقتصر على تامين المواد الغذائية و كل حاجات المعيشة للناس ،
كان تأثيرهم أبعد و أكبر و اذا قرينا التاريخ في امثلة كتير على نشر افكار الحضارات القديمة عن طريق التجار .
و طبعا معروف دور تجار مكة في ( العصر الجاهلي ) و أثره على نشوء دولة العرب الاولى بالتاريخ
كان عند التجارعادة قديمة انقرضت و زالت متل ما زالت كتير اشياء ايجابية بالمجتمع .
هي التكافل الاجتماعي بين التجار ( قبل غرف التجارة ..الغايبة عن ممارسة دورها الفعلي بالاسواق )
كان اذا انكسر تاجر يعني ( خسر و فلس ) يجتمعوا تجار المدينة و يجمعوا لمة منن و يدعموه ماديا حتى يرجع يشتغل .
كانت هالعادة ممتازة .
ايه يا ريت لما بيمشي خط التطور ، نقدر نحافظ على العادات و التقاليد الايجابية .