قلها يا أمي تأخرت و بدي روح الحق خيي و رفقاتو ..
عطتو أمو السندويشة و طبعت بوسة ع وجناتو ..
دعتلو ربي يسلمك من غدر الحاقد و نيران غضباتو ..
طلع من البيت عم يغني و ينشد لربيع الشام و ورداتو ..
مشي كم خطوة شاف السما سودا و ما قدر يرجع بخطواتو..
و سمع صوت متل الرعد شتت
الجسم الصغير و عالأرض سكب دمعاتو ..
ايد بالغرب و ايد بالشرق
و انطفت عين لسا ما تكحلت بالوطن و جناتو ..
ركدت الأم و ايدها ع قلبها و متل ورق الحور
رجفت ايدها و القلب وقف نبضاتو ..
شافت شي أسود و شي ابيض عالأرض عرفت
انو الزعتر اختلط بدموع ولدها و دماتو ...
لقت ايد صغيرة ماسكة بقلم و دفتر
كان عم يكتب عن حبو الها و للوطن و تراباتو ..
و اخر كلمة كتبها الملاك بدفتر ذكرياتو :
لا تحزني امي ...
سلمي على بيي و اخواتي ...
و خبريهم انو ابنك الصغير
ماات بس لسا الوطن عاايش جواتو .....
لسا الوطن عايش جواتو ...!!
منقـــول