علاء السيد

أشكرك جزيل الشكر على سعة صدرك وعلى كل كلمة كتبتها ..بورك فيك استاذي الكريم ..الله يجعله في ميزان حسناتك ويوفقك ويحميك..

لو بدي زيد غلبة واستفهم اكتر عن التفاصيل ..ومنشان توصل الفائدة بكاملها لدي كذا استفسار .
اولها:
هل استطيع انا اقوم بهذه الخطوات التي ذكرتها لوحدي (يعني انا ووالدي) دون الاستعانة بمحامي ؟ او معقب معاملات ؟
يعني الدعوى المبتدأة بطلب تثبيت بيع وين بدي قيمها لمحكمة الصلح يلي بيتبع الها العقار او موطن المدعي او المدعى عليهم(البائعين)؟
بيان الشاغلين ومستندهم بالأشغال؟
هل المقصود بها اثبات تملكنا للعقار ..ممكن توضيع أكتر شو المطلوب بهاي النقطة..
وصف الحالة الراهنة للعقار عمل شاق لانه العقار هو نص حارتنا ..وكل واحد اله حصص سهمية ..نحنا يلي النا فيه 100 سهم من ال400 سهم المشتراة من قبل جدي واخويه ..من البائعين الاساسين للحارة كلها ..
فيني اكتفي بوصف الحصة يلي قاعد فيها او ال400 سهم ..حصص كل الاخوة.
يعني العقار بحد ذاته اذا بدك طالع بيانه ..الموظف بالعقارية بياخد نفس طويل وببلش تصفير كون مكون من عشرين صفحة أو أكثر .
بالنسبة لإقرار جدي بالبيع كيف سأحصل عليه إن كان جدي بالأساس لا يملك العقار على صحيفة العقارية بل هو رفع دعوى تثبيث بيع هو واخوته منذ عام 1985 يعني فيني استبق هذا الحدث واحصل على اقرار جدي بالبيع وادونه في الصحيفة العقار ولو لم يكن نازل اسمه كمالك في الصحيفة اعتمادا عل قيد الدعوى المسجل باسمه واخوته؟؟؟
يعني هاد بيضمن حقوقنا ..
نحن شاغلين للمية سهم من ال400 سهم من العقار رقم كذا ..
ما هي المستندات ان كنا لا نملك الا عقد بيع بين والدي وجدي وهو عقد عادي غير مثبت عند كاتب بالعدل ..؟
هل يستطيع جدي ان يبيعنا حصته ولو غير مسجلة في السجل العقاري على اي مستند سيبيع وهو الى الآن ليس له الا هذه الدعوى ..دعوى تثبيت البيع

أسف للإطالة .
وشكرا مرة أخرى .ان تم الرد او لم يتم ..لانه حاسس اسئلتي كتير غبية