رد: صالة أسعار صرف الدولار وباقي العملات مقابل الليرة السورية ليوم الثلاثاء 23-7-2013
تخزين الدولار طرح الدولار المسألة شائكة نوعاً ما و لها علاقة بالمضاربة
يعني على قد ما فهمت و سامحونا على الغلط مسبقا إذا وقع
الدولة التي تحاربك تقوم بسحب العملة كمضارب عند القمة بتقوم بتبيعك دولار و عند القاع بتقوم بتشتري منك دولار عبر أليات و مجموعات عمل مدربة و ممارسة مع وجود متعاونين على كافة الصعد و هيك خلال فترة معينة
يعني لو باعت مليون دولار بالقمة رح تحصل على 300 مليون ليرة و لو اشترت ب 200 رح تشتري 1.5 مليون دولار و بتشد السعر لل 300 و بتبيع دولاراتها ب 450 مليون و اذا تكررت العملية و نزل السعر لحدود 200 رح تشتري بالسوري اللي معها 2.25 ملون دولار
طبعا الرقم افتراضي يعني خلال جولتين قد يكونان اقل من شهر ( و مع الأخذ بالإعتبار اذا كانت تتداول عبر وسطائها بشكل يومي المصيبة رح تكبر ) يمكن تضاعف مبلغها يعني خسرت الدولة السورية نفس قيمة المبلغ المضارب به بالدولار ( اسا ما بيهم من أين يذهب هذه المبلغ من الكتلة النقدية للدولة ام المواطنين الفكرة هي خروج هذا المبلع خارج البلد و هيك مع استمرار العملية ممكن تخسر الدولة السورية بمكوناتها مبالغ طائلة ) و على هذا المنوال يمكن الوصول الى تجميع مبالغ ضخمة من الليرة السورية و طرحها في الضربة الأخيرة للقضاء على الليرة السورية و هنا يكمن الهدف فإذا نظرنا الى الدولة التي تنفذ ذلك و مدى مقدرتها على ضخ الدولار للتلاعب بالسوق و استثمارها للضروف الراهنة من قلة مدخولات الدولة من العملة الصعبة و حرب اعلامية و كل الوسائل الممكنة بإمكانها الوصول الى هدفها و هنا الخطر يكمن
عذرا على الاطالة لكن ارجوا ان أكون اصبت و أرجوا ان لا يصيب أيًّ من المتربصين ببلدي أيًّ كانوا