عضوية التميز
تاريخ التسجيل: May 2013
الدولة: دمشق
المشاركات: 1,206
شكراً: 1,266
تم شكره 7,499 مرة في 1,195 مشاركة
رد: صالة أسعار صرف الدولار وباقي العملات مقابل الليرة السورية ليوم الخميس 25-7-2013
اليوم الساعة 4 تقريبا نزلت على الحريقة فمريت قرب شركة باهر للصرافة
حشد من 75 الى 100 شخص ذكور واناث كانو مجتمعين حول المكتب
قلت لحالي وقف شوي وشوف شو عم يصير بس هالشوي امتدت لنصف ساعة تقريبا
بالفعل ما بتقدر الا تتفرج وتنطر من حماسة الموقف وتنوعه
مجموعة يلي محروقين ومصرين ياخدوا واقفين عند الواجهة مباشرة
وهات على صريخ و دعوات من البعض لتنظيم الصف
شي 15 امرأة واقفين على جنب اليساري ومتلاحمين مع الرجال بحيث لا تستطيع الفصل بينهما
يلي واقف على الباب عم يتضحك ويقول للعالم بعدوا شوي عن النسوان وحسبون اخواتكم او امهاتكم
الخجلانين واقفين على الرصيف التاني وعم ينتظروا وانا وقفت معون وصرت احكي معون لشوف شو الوضع
اجيت بدي ادم لعند الباب لاحكي مع الشب الاسمر يلي واقف عند الباب واستفسر عن المبلغ المسموح والسعر خفت لاكلي شي كوع ويفكروني الناس فايت اخد شي وخصوصا لما سمعت مرة عم تظعوط وتصرخ لانو دعسولا على رجلا
الغريب انو خلال الوقفة كلها ما شفت ولا واحد قدر يدخل من الحشد الخارجي بس في عالم عم تجي بسرعة تدخل
وتخرج وهية مبسوطة والشباب يلي صافة بكل عدم اكتراث عم يخلون يفوتوا بس الشب الاسمر ينادي للشخص المستعجل يل ما صرلوا ثانية واقف يمكن هاد حاجز دور الله العليم من شي سنة او اكثر
الخلاصة يلي بدو يوقف هالوقفة بحب الو مالك مصلحة غبرة وقلت واجب واخر شي ما حتستفاد شي
اخر شي طلعت كل هالملحمة مشان 500 دولار بس
__________________
العمر بيخلص ...والشغل ما بيخلص