رد: صالة أسعار صرف الدولار والذهب وباقي العملات مقابل الليرة السورية ليوم الاثنين 9-9-2013
كان عندي صديق مات من كام سنة
مرض فجأة صار نظرو يضعف بسرعة كتير اخدو اهله على كبار الاطباء بالشام
و بعد الصور و الفحص و التحاليل تبين انو معو كتلة بقاع الجمجمة على العصب البصري
رأي الاطباء كان انو العلاج الوحيد هو الجراحة المعقدة والدقيقة و احتمال النجاح ما بيتجاوز 30% لكن هادا افضل الحلول الممكنة لحالته
اهله ما اقتنعوا ... و راحو لعند ( طبيب عربي كان مساعد بالجيش ) و صفلو قنينة شراب خلطها عندو و عباها بقنينة بقين فارغة ... الزلمي قبل ما يخلص ربعها مات .
صاير وضع الليرة و الاقتصاد بسورية مشابه .... بدل ما تبحث الجهات المسؤولة عن الاقتصاد عن حلول اقتصادية علمية و وقف النزيف المستمر للإحتياطي المركزي و الحد من خروج قطاعات جديدة من الانتاج
عم تروح لعند الطبيب العربي لتبحث عن قنينة شراب سحري يخلي الليرة ترجع صبية قوية و العملات العالمية تمشي عالعكازة .......