الأسهم السورية ( المضارب السوري) - عرض مشاركة واحدة - صالة أسعار الدولار والذهب مقابل الليرة السورية ليوم الخميس 17-10-2013

17-10-2013, 02:27 PM

#64

هزار

عضو مشارك

تاريخ التسجيل: Sep 2013

الدولة: سوريا

المشاركات: 196

شكراً: 1,143

تم شكره 903 مرة في 186 مشاركة

رد: صالة أسعار الدولار والذهب مقابل الليرة السورية ليوم الخميس 17-10-2013

اقتباس:

المشاركة الأصلية كتبت بواسطة انس الحموي

عما شوف نقاشات كتيرة حول اسعار المواد وسعر الصرف اذا كان وهمي ولا لا.... وشفت مداخلة الاخت شيرين انو لاند روفر يلي اشتراها عما يطلب فيها مليونين ونص خليه ينقعها ويشرب ميتها واذا بتم عارضها سنة مارح تجبله لا مليونين ونص ولا مليونين ولا حتى مليون ونص .... وشفت مداخلة الاخت جوليت انو المركزي بيطلب مليار بتجيه اربعه يعني المركزي عنا عايش بالدين big grin لايكون المركزي عنا متل المركزي الامريكي بيتدين وما بيوفي وناوية سوريا تهدد باشهار افلاسها او الدول يلي بتقرضها ترجع تقرضها مرة تانية big grin والله شر البلية مايضحك ....منرجع للنقاش الاكبر يلي عما يصير حول سعر المواد الوهمي ام سعر الدولار وهمي ....اول الشي بالنسبة للمواد فسعرها طبيعي جدا وتسعيرها على 300 امر عادي جدا ...اول الشي ما مننسى انو سعر الصرف غير مستقر وايام بيوم واحد بنط 20 الى 30 ليرة وشي طبيعي التاجر ما يخاطر وبيع على سعر صرف غير مستقر وصارت الامور مع اخواتي كتير بضاعه باعوها بفارق 5 ليرات عن سعر السوق السوداء وباخر النهار لما بدهم يعوضوا البضاعه او يصرفوا السوري لدولار يطلعوا خسرانين لانو سعر الصرف تغير وقفز قفزات وصارت هل الحادثة عدة مرات وحتى اخونا غولد مان خاض تجارب قاسية كتير بهل المجال كل مايبيع بضاعته على سعر الصرف بعد بساعات يكون سعر الصرف تغير ويتكبد خسارة ....معناتو شي طبيعي يحط التاجر فرق 20 الى 30 ليرة بسعر الصرف هلىء الكل رح يقول انو سعر الصرف 175 فخلي المواد تنحسب على سعر 200 واكيد ما بتزبط لانو عنا عوامل تانية بتخلي المواد والبضاعه ما تنحسب على سعر 200 لانو الكل بيعرف انو المازوت والبانزين ارتفع 3 اضعاف عن بداية الازمة تقريبا وبالتالي قيمة المواد المصنعة سواء منتجات غذائيه او البسه او تجميعيه ارتفع ثمنها نتيجة تشغيل عنفات ومولدات نتيجة انقطاع التيار الكهربائي فترات طويله وبالتالي زيد كمان 20 ليرة ثمن وقود ...الكل بيعرف انو ارتفاع الوقود سبب بارتفاع اجور النقل ضعفين عالاقل وبالتالي كمان زيد 20 ليرة صرنا على دولار 240 عما تحسب البضاعة بس بكير كتير يا شباب لساتنا باول الطريق ...لا تنسوا انو اصحاب المصانع او التجار عما تشتري حماية امنية منشان تحمي مصانعها وبضائعها فضيف 10 ليرات كمان ...ولا تنسوا كمان عما يشتروا الطريق من الطرفين بين المحافظات فكمان ضيف 10 ليرات ...لا تنسوا الحواجز يلي كمان لازم تدفع المعلوم منشان تمرق دون تنزيل عاالارض والعبث فيها كمان ضيف 10 ليرات ...لا تنسوا المخاطرة يلي عما يخاطروها براس مالهم فكمان ضيف 20 بالمية مقارنة بالمخاطرة يلي عما تصير ...لا تنسوا انو بلد راح فيها معظم المعامل والمصانع والمشاغل وصار نقص فيها بالمواد المستورده وعما نعتمد على دول الجوار ببعض المواد وبالتالي كمان حط زيادة 20 ترى بصراحة انا ما عدت عرفت ادش صار لازم تتسعر المواد

رح ارجع احسبها ...طلع معي 310 ليرات اي قرابة 300 وهو السعر العادل للمواد

تخيلوا بالنسبة لعقار بقولوا لك الدولار ب175 فلازم يزيد بس 3اضعاف وبحسبه بسيطه لازم العقار يزيد 6 اضعاف متر البودره كان ب350 وهلىء ب3500 يعني زاد عشرة اضعاف والزيادة معروفة ليش وسبق واوضحنا ...كيس الاسمنت ب750 وبيوصل لعندك بقرابة 850 ليرة في حين كان يوصل لعندك ب300 ليرة يعني زاد 3 اضعاف الحديد كان ب20 وصار ب100 يعني زاد خمس اضعاف ...اقل صنف سرميك نوع تالت كان المتر ب300 هلى المتر ب1200 يعني زاد اربع اضعاف ...الرخام كمان زاد اربع اضعاف ...اليد العاملة زادت 3 اضعاف واكيد المتعهد عما يخاطر بانشاء البناية فاكيد بدو يزيد ارباحه 3 اضعاف ...نحن صرنا ببلد اساسه التضخم والعجلة رح تمشي عالكل حتى بياع البقدونس من حقه يبيع الباقه مو ب 25 لازم يبعها ب100 ليرة هلىء رح تقولي لي وشو علاقة البقدونس بالدولار ...يعني مو من حق الفلاح والمزارع يحلم بعد مايطلع المحصول انو يشتري مواد واغذيه و قطع كهربائيه وحتى سيارة وعقار ...فكمان لازم ماحد يلومه ...التضخم ما بيستفيد منه حدى وبعود بالضرر عالكل والتضخم الاول والاخير مسؤوله عنه الحكومة والمركزي ....منرجع لسعر الصرف بهي الفترة الزمنية يلي عما نعيشها سعر الصرف مقارنه بالمواد والكهربائيات وحتى السيارات والعقارات سعر الصرف بكون عادل بين 175 ...200 ليرة وبكون بالفعل سعره الحقيقي واذا المواد عما تتسعر على سعر 300 فلاسباب ذكرناها سابقا

سيد أنس
هيك منرجع لنفس الموضوع انو مو ضروري يحصلو على نفس الربح الي كانو يحصلو عليه قبل الأزمة و يشتري عقارات و سيارات بهالوقت هاد يعني معلة يرحمو هالعالم شوي و يحسو فيهن

الأسعار مانا متناسبة ابدا مع التكلفات الي حسبتا لأنهن فرضا اشترو بضاعة و الدولار 200 و سعرو لنفرض بلوزة ب 2000 بنفس اليوم ارتفع الدولارلل 300 رجعوسعرو البلوزة ب 4000 لا ننسا هنة اشتروه ب و الدولار ب 200 مافي كم يو رجع نزل الدولار لل 180 و سبحان الله كيف هيك تم سعر البلوزة 4000 لا و الأضرب من هيك لما بيرجعو جيبو بضاعة و الدولار 180 و بتمو بسعرو البضاعةب 4000 بقوم بيرتفع السعر الدلار لل 250 بتقومبتصير اليلوزة ب 6000 فمتخيل انت كم رفعة عم تحلقا هالبلوزة و متلا متايل و صايرة معي و بعدة أشكال

__________________
To bE