نورالهدى

اقتباس:
المشاركة الأصلية كتبت بواسطة سائل مقيم




بقية الحديث ..
في حزورة شكلها بيشبه القصة بس حقيقية ..
هلأ اذا واحد شقيان شي 20 سنة و معو شوية مصاري وطول مدة الأزمة عم يقول لحالو يالله انشالله بكرا بتخلص و بيتصالحوا ,, لا بدي سافر ولا بدي دولار وخليني داعم عملتي و مصاريي بالبنك ( وهو مو مع و لا ضد بس بدو البلد ما تخرب ولا بأس بشوية اصلاح لأنو ما في بلد بالعالم كامل وما فيه فساد) .
وإذ .. فجأة صار الدولار ب 200 ل.س .. وهو قاعد
وإذ .. فجأة صار الدولار ب 230 ل.س .. وهو قاعد
وإذ .. فجأة صار الدولار ب 250 ل.س .. وهو قاعد
وإذ .. فجأة صار الدولار ب 270 ل.س .. وهو قاعد
وإذ .. فجأة صار الدولار ب 300 ل.س .. وهون هو اتخض بقا
وإذ .. فجأة صار الدولار ب 325 ل.س .. وهون وقف
وراح متل المجنون سحب مصاريه وركض يسأل معارفو :بتعرفولي شي صراف لأشتري هورر؟؟ (طبعا قرر يشتري الهورر ويتخلى عن الليرة في ظل صمت مطبق و عدم تفسير أو طمأنة من أي جهة) .
واشترى الدولار لأول مرة بحياتو وهو زعلان على قيمة مدخراتو (يعني مو فرحان بالدولار)..
وإذ .. فجأة بتطلع التصريحات من ئدري و ميالة عن التدخل و ارجاع المغضوب لل 150 ل.س .
وإذ .. كمان فجأة بسرعة البرق بيهرهر الهورر (عرفتو ليش اسمو هورر لأنو بيهرهر ) ولسا الزلمة جديد عالهورر وياحرام مو عرفان الطبخة ولا الله وين حاطو ومو سمعان بالمنتدى لسا (ليفهم أنو عادي النزلة و الطلعة).
هون بدون و إذ .. ركض وباع اللي اشتراه بعد كم يوم بس بسعر 185 لأنو سمع أنو رح ينزل لل 150 فليش ليخسر أكتر ؟؟؟
وإذ .. ضرب الهورر فرام ورجع لل 200 وعلق .. وهاد الزلمة فهم شوي وصار مستني ليرجع السعر ع 185 ليرجع يشتري اللي باعو مشان يلغي الخسارة.
وإذ .. صار الحكي عن الضربة الأميركية ونط السعر لل250 وهجم القطيع على قولة عب آدر المهندس (هاد غير فؤاد) ونط صاحبنا واشترى بالعالي ..
وإذ .. الباقي بتعرفوه نزل الهورر متل مو شايفين ..
هلأ الحزورة هي شو لازم يعمل هالمواطن يللي تمت سرقته في وضح النهار وهل هو مخطئ أمام القانون ؟؟ لحتى كان عقابو أنو شاف نجوم الظهر .. أم سيتم التعويض عليه وسيرى شمس منتصف الليل !!!
أخيرا مشان تفهموا مشاركاتي مستقبلا بحب قلكن أنو هاد الزلمة صاحب هالقصة الطريفة هو الداعي ... (تخيلو وش باسم هون لأني ما لقيتو).


السيد مقيم :
صباح الخير :
ندعوا الله عز وجل لكم ولجميع المتضررين بالصبر والأجر وأن يعوض الله عليهم خساراتهم .
برجاء مراجعة مشاركتنا السابقة فقد وجدت لكم توقعاً لأحد الأعضاء المحترمين وضعه بتاريخ 29 / 9 / 2013 قد يحمل بعض الطمأنينة لكم ولمن حاول الادخار بالذهب أو بإحدى العملات .