عضوية مميزة
تاريخ التسجيل: Apr 2009
المشاركات: 4,860
شكراً: 67,497
تم شكره 35,134 مرة في 4,783 مشاركة
رد: صالة أسعار الدولار والذهب مقابل الليرة السورية ليوم الخميس 31-10-2013
[QUOTE=جوليت;309353]
اقتباس:
المشاركة الأصلية كتبت بواسطة عابر مجيب
الموضوع شائك جدا وممكن تكتر فيه الأقاويل
كبار رجال الدين المتخصصين بالشريعة لسا ما لحقو يخلصوا قراءة الكتب الصفراء ، وكل كام يوم بيطلعلهم شغلة جديدة ما بيعرفوا فيها ، ولسا في عندهم اشكالات بتمس جوهر العقيدة .
بيجيهم تكنولوجيا وتلفزيون وانترنيت ونظام مالي عالمي وتجارة لا يمكن تتم بدون وسيط لا بيستلم ولا بيسلم ولا عنده مستودعات ، بيراجعوا البيوع في الاسلام ما بيلاقو مرجع ، وكل واحد بيتحاشى سواد الوش وما مستعد يسود وشو ويجيز شي ممكن يجيب وجع راس .
شوية منطوطين حافظين من الحب كلمة وحشتني ، ودارسين وحافظين شوية نصوص ، هدول واحد بيقول اي وواحد بيقول لأ .
الأصل وحسب الموصومين بالسلفية على اساس هم اتباع السلف الصالح وبياخدو بالنصوص وبينسوا ان السلف الصالح ما كانوا ملتزمين فقط وكان عندهم اجنهاد وقياس حسب ما تطلبت ايامهم ، وهؤلاء أي المحسوبين على السلف ويسمون بالسلفيين ، اعتمدوا النقل الحرفي فقط دون العقل . واعتمدوا الحفظ بصم ، وبياخدوا قياساتهم بالمسطرة .
الاكثر تنورا وإن كان فيهم الكثير من الأدعياء والمنافقين ، نعم الأكثر تنورا والذين اعتمدوا العقل وعدم الاكتفاء بمجرد النقل ، توزعوا على مسميات الاسلام الأمريكي أو الاسلام العلماني ، بتلاقي منهم الكثير من البراغماتيين والمتشدقين ويلوون النصوص بلا معرفة لا بأصول الاجتهاد ولا القياس . وبس يصعب شي بيغيروا اسمه ، بدل ما يقولوا فائدة سموها أرباح وما عرفوا يواكبو التطور الحتمي للتعاملات المالية المعاصرة ، بفتوى بتبيض الوش ، وعملونا مسخرة .
ابن قيم الجوزية قال : لكل زمان سنن وأحكام ومع هاد لسا في ناس بتفتي ان الأكل بالشوكة لازم يكون باليد اليمنى عكس كل مخاليق ربنا .
وبالمختصر ، الحلال بيّن والحرام بيّن ، وكل انسان بيفهم ممكن لحالو يفهم ويحلل ويستنتج ، صار في علوم دنيوية تجاوزت الفقه القديم ، وبما ان لا حلول قديمة ولا في حدا قادر يفهم الجديد ، صار فينا نقول كل واحد مسؤول من خلال ضميره وصدق نيته ، ما ممكن ننتظر القصور في الفتوى ونفوت فرص بعد فترة منلاقي انها كانت مباحة طالما لا فيها ضرر ولا ضرار .
إذا بدك الحرفية : تجارة الأسهم حرام وتجارة الذهب حرام وشركات الوساطة حرام والبنوك بشقيها الاسلامي والربوي حرام والمضاربة حرام وإطالة الشارب حرام ولبس البنطلون حرام .
عذرا على الاطالة ِ
لو ذكرتنلا الحلال والتلنا ماعدا ذلك حرام, شو كنت وفرت حرام
|
لو كان عندك فكرة بسيطة عن اللي كتبتو ، وأديش فيه أبواب وسراديب ، يمكن كنت حطيتي تعليق مختلف ، أنا واثق ان الكثير من ( العلماء ) ما رح يفهموا وإن فهموا رح يرفضوا كلامي ، لأني عم اسحبلهم البساط من تحتهم وعم حجم دورهم ليقتصر على ما يخص العبادات والأحوال الشخصية .
البينة على من ادعى واليمين على من أنكر ، هي قاعدة قانونية شرعية اسلامية ، بس هي اقرار لكلام قس ابن ساعدة اسقف نجران . وقت اللي كان كلامه موافق للحق والمنطق ما حدا أنكر عليه . ولا الاسلام بينكر انه أخذ بكل ما قبله من القواعد ، أضاف على البعض حسب مقتضيات الزمن ، وترك البعض على وضعو وما أنكر نسبته لأصحابه . فمثلا قصة اسقف نجران ، كيف كنت بدي أعرف فيها لو تم طمسها ونسبتها لغيره ، أكيد لا لقيتها بالتوراة ولا بكتاب السنكسار .
اليوم المفروض في قوانين دنيوية ، ما حدا جابها من العدم ، ولما بلاقي تجارة الفوركس معترف فيها في القانون الأميركي والبريطاني والألماني والتركي والفرنسي و.... الخ . بظن ما المفروض حط سؤالي لمولانا ، بعد سؤال واحدة تأخرت بانتظار الطبيب وما عاد عرفت إذا بيجوز لها جمع صلاتي العصر والمغرب ، ولا تكون راحت عليها وضيعت نص عمرها ؟! هاد مو تغييب للعقل ؟ .
آسف على الخوض في تفاصيل كانت بحاجة للكثير من المقدمات والشروحات .
بخصوص الحلال سجلي عندك : الأكل حلال وشرب المي حلال والوقوف حلال والجلوس حلال والنوم على اليمين حلال وعلى الشمال حلال أكل الموز حلال وتناول الجزر بالطريقة الصحيحة حلال ..... هي عطيتك فكرة وصار فيكي تكملي لحالك ، فالأصل في الاباحة والشواذ في التحريم لذلك بينذكر التحريم ومو التحليل . شلون لقيتي أيهم الأكثر ؟ 